2020 ರಲ್ಲಿ ಹಸೆಮಣೆಯೇರಿದ ಕನ್ನಡ ಸಿನಿತಾರೆಯರು

ಸ್ಲಂ ಬಾಲ, ಕಿರಿಗೂರಿನ ಗಯ್ಯಾಳಿಗಳು ಚಿತ್ರದ ನಿರ್ದೇಶಕಿ ಸುಮನಾ ಕಿತ್ತೂರು ವೃತ್ತಿಯಲ್ಲಿ ಸಾಫ್ಟವೇರ್ ಇಂಜಿನಿಯರ್ ಮತ್ತು ಫೋಟೊಗ್ರಾಫರ್ ಆದ ಶ್ರೀನಿವಾಸ ಎಂಬುವವರನ್ನು ಎಪ್ರಿಲ್ 17, 2020 ರಂದು ವಿವಾಹವಾದರು.

ಯುವನಟ ಮತ್ತು ರಾಜಕಾರಣಿ ನಿಖಿಲ್ ಕುಮಾರಸ್ವಾಮಿ ಎಪ್ರಿಲ್ 17, 2020 ರಂದು ರಾಮನಗರದಲ್ಲಿ ರೇವತಿ ಎಂಬುವವರನ್ನು ವಿವಾಹವಾದರು. ಈ ವರ್ಷದ ಅದ್ಧೂರಿ ಮದುವೆಗಳಲ್ಲೊಂದಾದ ಈ ಮದುವೆಗೆ ಕೊರೊನಾ ಜಾಗೃತೆಯೊಂದಿಗೆ ನೇರವೇರಿತು.

ಅದ್ದೂರಿ, ಕಿಸ್ ಚಿತ್ರಗಳ ಖ್ಯಾತಿ ನಿರ್ದೇಶಕ ಎ.ಪಿ.ಅರ್ಜುನ್ ಎಪ್ರಿಲ್ 26 ರಂದು ಶೃಂಗೇರಿಯಂದು ನೇರವೇರಬೇಕಿತ್ತು. ಆದರೆ ಕೋವಿಡ್ ಕಾರಣ ಮೇ 10 ರಂದು ಬೆಂಗಳೂರಿನಲ್ಲಿ ಮನೆಯಲ್ಲಿ ಸರಳವಾಗಿ ನೇರವೇರಿತು. ಅನ್ನಪೂರ್ಣ ಎಂಬುವವರನ್ನು ಕೈ ಹಿಡಿದರು.

ಅಶ್ವಿನಿ ನಕ್ಷತ್ರ ಮತ್ತು ಕೃಷ್ಣಲೀಲಾ ಖ್ಯಾತಿ ಮಯೂರಿ ತಮ್ಮ ಬಹುಕಾಲದ ಗೆಳೆಯ ಅರುಣರೊಂದಿಗೆ ಜೂನ್ 12 ರಂದು ವಿವಾಹವಾದರು. ವಿವಾಹವೂ ದೇವಸ್ಠಾನವೊಂದರಲ್ಲಿ ಸರಳವಾಗಿ ನೇರವೇರಿತು.

ಆ ದಿನಗಳು ಚಿತ್ರ ಖ್ಯಾತಿ ಮತ್ತು ಸಮಾಜ ಸೇವಕ ಚೇತನ್ ಕುಮಾರ್, ಮೇಘಾ ಎನ್ನುವವರನ್ನು ಫೆಬ್ರವರಿ 2 ರಂದು ಸರಳವಾಗಿ ವಿವಾಹವಾದರು. ಯಾವುದೇ ಧರ್ಮದ ಪ್ರಕಾರ ವಿವಾಹವಾಗದೇ ವಿಶೇಷ ಮದುವೆ ಕಾಯಿದೆ ಅಡಿಯಲ್ಲಿ ತಮ್ಮ ವಿವಾಹವನ್ನು ನೋಂದಾಯಿಸಿದರು.