ತಂದೆ-ತಾಯಿ ಪ್ರೀತಿಯಿಂದ ವಂಚಿತರಾದ ಕನ್ನಡ ಕಿರುತೆರೆ ನಟ-ನಟಿಯರಿವರು!

ಬಿಗ್‌ಬಾಸ್‌ ಸೀಸನ್ ೧೦ರಲ್ಲಿ ಭಾಗವಹಿಸಿದ್ದ ವಿನಯ್ ಗೌಡ ಅನೇಕ ಕಡೆ ತಮ್ಮ ರಿಯಲ್ ಸ್ಟೋರಿ ಹೇಳಿಕೊಂಡಿದ್ದಾರೆ. ವಿನಯ್ ಚಿಕ್ಕವರಿದ್ದಾಗಲೇ ತಂದೆ-ತಾಯಿ ವಿಚ್ಛೇದನ ಪಡೆದರಂತೆ. ಬಳಿಕ ಅವರ ತಾಯಿ ಬೇರೆ ವ್ಯಕ್ತಿಯನ್ನು ಮದುವೆಯಾದರಂತೆ. ವಿನಯ್ ಅವರ ತಂದೆ ಜೊತೆಗಿದ್ದರು. ಆಮೇಲೆವ ಮನಸ್ತಾಪ ಉಂಟಾಗಿ ಅಪ್ಪ ಕೂಡ ಮನೆ ಬಿಟ್ಟು ಹೋದರಂತೆ. ಹೀಗಾಗಿ, ವಿನಯ್ ತಂದೆ-ತಾಯಿ ಪ್ರೀತಿಯಿಂದ ವಂಚಿತರಾದರು. ಸದ್ಯ ಕನ್ನಡ ಕಿರುತೆರೆಯಲ್ಲಿ 'ಶಿವ' ಅಂತಲೇ ಖ್ಯಾತಿ ಪಡೆದಿದ್ದ ವಿನಯ್ ಗೌಡ, ನಟನಾಗುವುದಕ್ಕೂ ಮುನ್ನ ಒಂಟಿಯಾಗಿ ಸಿಕ್ಕಾಪಟ್ಟೆ ಕಷ್ಟಪಟ್ಟಿದ್ದಾರೆ. 

ಸದ್ಯ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ನಮ್ಮ ಲಚ್ಚಿ' ಸೀರಿಯಲ್‌ನಲ್ಲಿ ದೀಪಿಕಾ ಪಾತ್ರದ ಮೂಲಕ ಗಮನ ಸೆಳೆಯುತ್ತಿರುವ ಐಶ್ವರ್ಯಾ ಸಿಂಧೋಗಿ ಅವರಿಗೂ ಕೂಡ ತಂದೆ-ತಾಯಿ ಇಬ್ಬರೂ ಇಲ್ಲ. ಇವರು ಒಬ್ಬಳೇ ಮಗಳು. ಚಿಕ್ಕಂದಿನಿಂದಲೂ ಬಹಳ ಮುದ್ದಿನಿಂದ ಬೆಳೆದ ಐಶ್ವರ್ಯಾ, ಕಳೆದ ಕೆಲವರ್ಷಗಳ ಹಿಂದೆ ತಂದೆಯನ್ನು ಕಳೆದುಕೊಂಡರು. ಇದಾದ ಎರಡು ವರ್ಷದ ಬಳಿಕ ಅವರ ತಾಯಿ ಕೂಡ ನಿಧನರಾದರು. ಸದ್ಯ ಐಶ್ವರ್ಯಾ ಒಂಟಿಯಾಗಿ ಜೀವನ ನಡೆಸುತ್ತಿದ್ದಾರೆ. ಎಲ್ಲಾ ಕಷ್ಟಗಳನ್ನು ಮೆಟ್ಟಿ ನಿಂತು ಜೀವನ ಸಾಗಿಸುತ್ತಿದ್ದಾರೆ.

ಅಗ್ನಿಸಾಕ್ಷಿ ಹಾಗೂ ಪಾರು ಧಾರಾವಾಹಿಯಲ್ಲಿ ಅಭಿನಯಿಸಿರುವ ಸಿತಾರಾ ಅವರಿಗೂ ತಂದೆ-ತಾಯಿ ಇಬ್ಬರೂ ಇಲ್ಲ. ಮೂರು ತಿಂಗಳ ಮಗುವಿದ್ದಾಗಲೇ ಪಾಲಕರನ್ನು ಕಳೆದಕೊಂಡ ಸಿತಾರಾ ಅವರನ್ನು ಸಾಣೇಹಳ್ಳಿ ಸ್ವಾಮೀಜಿ ದತ್ತು ತೆಗೆದುಕೊಂಡರು. ನಂತರ ನೀನಾಸಂನಲ್ಲಿ ನಟನೆ ಕಲಿತು ಕಿರುತೆರೆ ಎಂಟ್ರಿಕೊಟ್ಟರು. ಸೀರಿಯಲ್‌ನಲ್ಲಿ ಬಹಳ ಜೋರಿನ ಪಾತ್ರ ಮಾಡುವ ಸಿತಾರಾ, ನಿಜ ಜೀವನದಲ್ಲಿ ಈ ಹಂತಕ್ಕೆ ಬರಲು ಸಾಕಷ್ಟು ಕಷ್ಟಪಟ್ಟಿದ್ದಾರೆ. ಅನೇಕ ಸವಾಲುಗಳನ್ನು ಎದುರಿಸಿದ್ದಾರೆ. 

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಶ್ರೀಗೌರಿ ಧಾರಾವಾಹಿಯಲ್ಲಿ ನಟಿಸುತ್ತಿರುವ ಅಮೂಲ್ಯ ಗೌಡ ಕೂಡ ಚಿಕ್ಕ ವಯಸ್ಸಿನಲ್ಲಿರುವಾಗಲೇ ತಾಯಿಯನ್ನು ಕಳೆದುಕೊಂಡಿದ್ದಾರೆ. ನಂತರ ತಂದೆ ಪ್ರೀತಿಯಲ್ಲಿ ಬೆಳೆದ ಅಮೂಲ್ಯ ಗೌಡ, ಸದ್ಯ ಕನ್ನಡ ಕಿರುತೆರೆಯ ಟಾಪ್ ನಟಿಯಾಗಿ ಮಿಂಚುತ್ತಿದ್ದಾರೆ. 

ಬಿಗ್‌ಬಾಸ್ ಒಟಿಟಿ ಸ್ಪರ್ಧಿ ಹಾಗೂ ನಟ ರೂಪೇಶ್ ಶೆಟ್ಟಿ ಕೂಡ ಚಿಕ್ಕ ವಯಸ್ಸಿನಲ್ಲಿಯೇ ತಾಯಿಯಿಂದ ದೂರವಾದರು. 13ನೇ ವಯಸ್ಸಿನಲ್ಲಿ ತಾಯಿ ಕಳೆದಕೊಂಡ ರೂಪೇಶ್ ಶೆಟ್ಟಿ, ತಂದೆಯ ಆಶ್ರಯದಲ್ಲಿ ಬೆಳೆದರು. ಸದ್ಯ ಅವರು ಅಧಿಪತ್ರ ಎಂಬ ಸಿನಿಮಾದಲ್ಲಿ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ.