ಪರಭಾಷಾ ಕಲಾವಿದರನ್ನು ಮದುವೆಯಾಗಲು ಸಜ್ಜಾಗಿರುವ ಕನ್ನಡದ ಕಲಾವಿದರಿವರು!

ಕನ್ನಡದ ಸೂಪರ್ ಹಿಟ್ ಧಾರಾವಾಹಿ ಅಗ್ನಿಸಾಕ್ಷಿಯಲ್ಲಿ ತನು ಪಾತ್ರದ ಮೂಲಕ ಗಮನ ಸೆಳೆದಿದ್ದ ಶೋಭಾ ಶೆಟ್ಟಿ ಈಗಾಗಲೇ ಎಂಗೇಜ್‌ಮೆಂಟ್ ಮಾಡಿಕೊಂಡಿದ್ದಾರೆ. ಕನ್ನಡದ ಪಡುವಾರಹಳ್ಳಿ ಪಡ್ಡೆಗಳು ಧಾರಾವಾಹಿ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಈ ನಟಿ, ಅಗ್ನಿಸಾಕ್ಷಿಯಲ್ಲಿ ತನು ಪಾತ್ರದ ಮೂಲಕ ಜನಪ್ರಿಯತೆ ಗಳಿಸಿದ್ದರು. ನಂತರ ಪರಭಾಷೆಯತ್ತ ಮುಖ ಮಾಡಿದ ಶೋಭಾ, ರುಕ್ಕು ಸೇರಿದಂತೆ ಒಂದೆರಡು ಧಾರಾವಾಹಿಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದರು. ಕಾರ್ತಿಕ ದೀಪಂ ಧಾರಾವಾಹಿಯಲ್ಲಿ ಒಟ್ಟಿಗೆ ನಟಿಸಿದ್ದತೆಲುಗು ನಟ  ಯಶವಂತ್ ರೆಡ್ಡಿ ಹಾಗೂ ಶೋಭಾ ಪ್ರೀತಿಸಿ, ಮನೆಯವರ ಒಪ್ಪಿಗೆ ಪಡೆದು ಮದುವೆಯಾಗಲು ಸಜ್ಜಾಗಿದ್ದಾರೆ.

ಉದಯ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ನೇತ್ರಾವತಿ' ಧಾರಾವಾಹಿಯಲ್ಲಿ ನಟಿ ದುರ್ಗಶ್ರೀ ಅವರು ಯುಟ್ಯೂಬರ್ ಲಕ್ಷ್ಮಣ್ ತೆಂಕುಮುಡಿ ರಾವ್ ಅವರನ್ನು ಮದುವೆ ಆಗಲಿದ್ದಾರೆ. ಇವರಿಬ್ಬರು ಈ ಹಿಂದೆ ಒಂದೇ ಧಾರಾವಾಹಿಯಲ್ಲಿ ನಟಿಸಿದ್ದರು. ನಂತರ ಇಬ್ಬರ ನಡುವೆ ಪ್ರೀತಿಯಾಗಿ ಮದುವೆಗೆ ರೆಡಿಯಾಗಿದ್ದಾರೆ. ಲಕ್ಷ್ಮಣ್ ಸಿನಿಮಾ ವಿಮರ್ಶೆ ಮಾಡಿ ಖ್ಯಾತಿ ಗಳಿಸಿದ್ದಾರೆ. ವಿಭಿನ್ನ ಸ್ಟೈಲ್‌ನಲ್ಲಿ ಕೂಗುತ್ತಾ ರಿವ್ಯೂ ಹೇಳುತ್ತಾರೆ.

ಕನ್ನಡದ 'ಮಾನಸ ಸರೋವರ' ಧಾರಾವಾಹಿಯಲ್ಲಿ ಅಬಿನಯಿಸಿದ್ದ ಶಿವಕುಮಾರ್ ಅವರು ತೆಲುಗು ನಟಿಯನ್ನು ಮದುವೆಯಾಗಲಿದ್ದಾರೆ. ಬಿಗ್‌ಬಾಸ್ ತೆಲುಗು ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದ ಪ್ರಿಯಾಂಕಾ ಹಾಗೂ ಶಿವಕುಮಾರ್ ಪರಸ್ಪರ ಪ್ರೀತಿಸುತ್ತಿದ್ದು, ಸದ್ಯದಲ್ಲೇ ಮದುವೆ ಆಗಲಿದ್ದಾರೆ.

ತುಮಕೂರಿನ ಶಿರಾ ಮೂಲದ ತೇಜಸ್ವಿನಿ ಗೌಡ 'ಬಿಳಿ ಹೆಂಡ್ತಿ' ಧಾರಾವಾಹಿ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಇಂಜಿನಿಯರಿಂಗ್ ಪದವೀಧರೆಯಾದ ಇವರು ಥಿಯೇಟರ್ ಆರ್ಟಿಸ್ಟ್ ಕೂಡ. ಮೊದಲ ಸೀರಿಯಲ್‌ನಲ್ಲಿ ನೆಗೆಟಿವ್ ಪಾತ್ರ ಮಾಡಿದ್ದ ತೇಜಸ್ವಿನಿಗೆ 'ಕೋಯಿಲಮ್ಮ' ಎಂಬ ತೆಲುಗು ಧಾರಾವಾಹಿಯಲ್ಲಿ ನಟಿಸಿದರು. ಜಾನಕಿ ಕಲಗನಲೇದು ಸೀರಿಯಲ್ ನಟ ಅಮರ್ ದೀಪ್ ಚೌಧರಿಯನ್ನು ಪ್ರೀತಿಸಿ, ಮದುವೆಯಾಗಿದ್ದಾರೆ.

2015ರಲ್ಲಿ ಪ್ರಸಾರವಾಗಿದ್ದ 'ಶುಭ ವಿವಾಹ' ಧಾರಾವಾಹಿಯಲ್ಲಿ ನಟಿಸಿದ್ದ ನಟ ವಿರಾಟ್ ಅವರು ತಮಿಳುನಾಡು ಮೂಲದ ನವೀನಾ ಶಿವಾನಿ ಎಂಬುವವರನ್ನು ಕೆಲ ತಿಂಗಳ ಹಿಂದೆ ಮದುವೆಯಾಗಿದ್ದಾರೆ. ನವೀನಾ ಶಿವಾನಿ ಸೆಲೆಬ್ರಿಟಿ ಮೇಕಪ್ ಆರ್ಟಿಸ್ಟ್ ಅಂತೆ. ಶುಭ ವಿವಾಹ ಬಳಿಕ ನಟ ವಿರಾಟ್ ಪರಭಾಷಾ ಸೀರಿಯಲ್‌ಗಳಲ್ಲಿ ಬ್ಯುಸಿಯಾಗಿದ್ದಾರೆ.