ಕಡುಕಷ್ಟದಿಂದ ಸಿನಿಮಾರಂಗಕ್ಕೆ ಬಂದು ಕೋಟಿಗಟ್ಟಲೇ ದುಡಿದ ಕಲಾವಿದರ ಪಟ್ಟಿ

ಕನ್ನಡ ಚಿತ್ರರಂಗದ ಮೇರುನಟ ಡಾ.ರಾಜ್‌ಕುಮಾರ್ ಬಡತನದಲ್ಲಿ ಬೆಳೆದವರು. ಅಣ್ಣಾವ್ರ ಮೊದಲ ಹೆಸರು ಮುತ್ತುರಾಜ್. ಇವರ ತಂದೆ ಸಿಂಗಾನಲ್ಲೂರು ಪುಟ್ಟಸ್ವಾಮಯ್ಯ ಗುಬ್ಬಿ ಕಂಪನಿಯಲ್ಲಿ ಕಲಾವಿದರಾಗಿದ್ದರು. ರಂಗಭೂಮಿಯಲ್ಲಿ ಪುಟ್ಟಸ್ವಾಮಯ್ಯ ದೊಡ್ಡ ಹೆಸರು ಮಾಡಿದ್ದರು. ಬಡತನದಿಂದಾಗಿ ಮುತ್ತುರಾಜನ ವಿದ್ಯಾಭ್ಯಾಸ 4ನೇ ತರಗತಿಗೆ ನಿಂತಿತು. ನಂತರ ತಂದೆಯ ಜೊತೆ ಗುಬ್ಬಿ ಕಂಪನಿ ಸೇರಿದರು. ಹೀಗೆ ರಂಗಭೂಮಿಯಿಂದ ವೃತ್ತಿ ಆರಂಭಿಸಿದ ಅಣ್ಣಾವ್ರ, ನಂತರದಲ್ಲಿ ಕನ್ನಡ ಚಿತ್ರರಂಗದಲ್ಲಿ ನಟಸಾರ್ವಭೌಮ ಅಂತಲೇ ಖ್ಯಾತಿ ಪಡೆದರು. ತಮಿಳುನಾಡಿನ ಗಾಜನೂರಿನಲ್ಲಿ ರಾಜ್‌ಕುಮಾರ್ ಆಸ್ತಿಯಿದೆ. ಅದನ್ನು ಅವರು ಮಕ್ಕಳು ಹಂಚಿಕೊಂಡಿದ್ದಾರೆ. 

ಕನ್ನಡ ಚಿತ್ರರಂಗ ಹಿರಿಯ ನಟಿ ಲೀಲಾವತಿ ಚಿತ್ರರಂಗಕ್ಕೂ ಬರುವ ಮುನ್ನ ಸಾಕಷ್ಟು ಕಷ್ಟಪಟ್ಟಿದ್ದಾರೆ. ಚಿಕ್ಕ ವಯಸ್ಸಿನಲ್ಲಿಯೇ ಫೋಷಕರನ್ನು ಕಳೆದುಕೊಂಡ ಲೀಲಾವತಿ, ಹೊಟ್ಟೆ ಪಾಡಿಗಾಗಿ ಮನೆಗೆಲಸ ಮಾಡುತ್ತಿದ್ದರಂತೆ. ಮನೆಯ ಯಜಮಾನಿಯ ತಲೆಯಲ್ಲಿ ಹೇನು ನೋಡಿದ್ರೆ ಅಂದಿಗೆ ನಾಲ್ಕಾಣೆ ಕಾಸು ಸಿಗುತ್ತಿತ್ತಂತೆ. ಸಿನಿಮಾರಂಗಕ್ಕೂ ಬರುವ ಮುನ್ನ ಸಾಕಷ್ಟು ಸಮಸ್ಯೆಗಳನ್ನು ಎದುರಿಸಿದ್ದ ಅವರು, ಸಿನಿಮಾದಲ್ಲಿ ಬಂದ ಹಣವನ್ನೆಲ್ಲಾ ಕೃಷಿ ಭೂಮಿಗೆ ಹಾಕಿದ್ದರು. ಅಂದಿನ ಕಾಲದಲ್ಲಿ ಅವರು ಚೈನೈನಲ್ಲಿ ಮನೆ, ಜಮೀನು ಖರೀದಿ ಮಾಡಿದ್ದರು. ಅದೀಗ ಕೋಟಿಗಟ್ಟಲೇ ಬೆಲೆ ಬಾಳುತ್ತದೆ. ಒಂದಷ್ಟು ಕಾರು ಕಲೆಕ್ಷನ್ ಕೂಡ ಇದೆ. ನೆಲಮಂಗಲದಲ್ಲಿ ಕೂಡ ಲೀಲಾವತಿಯವರು ಮನೆ ಕಟ್ಟಿಸಿದ್ದು, ಜಮೀನು ಮಾಡಿದ್ದಾರೆ. ಜೊತೆಗೆ ಆಸ್ಪತ್ರೆಯನ್ನು ಕೂಡ ಕಟ್ಟಿಸಿದ್ದಾರೆ. ಸಾಕಷ್ಟು ಸಮಾಜ ಸೇವೆಯನ್ನು ಮಾಡಿದ್ದಾರೆ. 

ಯಾವುದೇ ಚಿತ್ರರಂಗದ ಹಿನ್ನೆಯಿಲ್ಲದೆ ಚಿತ್ರರಂಗಕ್ಕೆ ಕಾಲಿಟ್ಟ ನಟ ಗಣೇಶ್ ಇಂದು ಸ್ಯಾಂಡಲ್‌ವುಡ್‌ನ ಪ್ರಮುಖ ನಾಯಕನಟನಾಗಿ ಗುರುತಿಸಿಕೊಂಡಿದ್ದಾರೆ. ಖಾಸಗಿ ವಾಹಿನಿಯಲ್ಲಿ 'ಕಾಮಿಡಿ ಶೋ' ನಡೆಸಿಕೊಡುತ್ತಿದ್ದ ಅವರು ಬೆಂಗಳೂರಿನ ಆರ್.ಆರ್‌ ನಗರದಲ್ಲಿ ಸುಂದರ ಮನೆ ಹೊಂದಿದ್ದಾರೆ. ಬಂಡಿಪುರದಲ್ಲಿ 1.5 ಎಕರೆ ಎಕರೆ ಜಾಗ ಹೊಂದಿದ್ದಾರೆ.

ಕುಂದಾಪುರದಲ್ಲಿ ಮಧ್ಯಮ ಕುಟುಂಬದಲ್ಲಿ ಹುಟ್ಟಿದ ರಿಯಲ್ ಸ್ಟಾರ್ ಉಪೇಂದ್ರ, ಡಿಫರೆಂಟ್ ಅಂದರೆ ಏನು ಅಂತ ಕನ್ನಡ ಚಿತ್ರರಂಗಕ್ಕೇ ತೋರಿಸಿಕೊಟ್ಟವರು. ವಿಭಿನ್ನ ಕತೆ, ವಿಶಿಷ್ಟ ಸಂಭಾಷಣೆ, ವಿಶೇಷ ಹಾಡುಗಳಿಂದ ಪ್ರೇಕ್ಷಕರನ್ನು ರಂಜಿಸುವ ಉಪೇಂದ್ರ, ಬೆಂಗಳೂರಿನ ಕತ್ರಿಗುಪ್ಪೆಯಲ್ಲಿ ಹಾಗೂ ಸದಾಶಿವ ನಗರದಲ್ಲಿ ಮನೆಗಳನ್ನು ಹೊಂದಿದ್ದಾರೆ. ದುಬಾರಿ ಕಾರುಗಳನ್ನು ಕೂಡ ಹೊಂದಿದ್ದಾರೆ. ಜೊತೆಗೆ ತಾವರೆಕೆರೆಯ ಚುಂಚನಕುಪ್ಪೆ ಬಳಿ 'ರುಪ್ಪಿಸ್' ಹೆಸರಿನ ರೆಸಾರ್ಟ್ ಹೊಂದಿದ್ದಾರೆ. ಈ ರೆಸಾರ್ಟ್‌ನಲ್ಲಿ ಸಮಾರಂಭ ಹಾಗೂ ಶೂಟಿಂಗ್‌ಗಳು ನಡೆಯು್ತ್ತವೆ. ಕೃಷಿ ಭೂಮಿ ಕೂಡ ಉಪೇಂದ್ರ ಹೊಂದಿದ್ದಾರೆ. 

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ತಂದೆ ಶ್ರೀನಿವಾಸ್ ತೂಗುದೀಪ ಖಳನಟ. ಆದರೂ ಅವರಿಗೆ ಬಡತನವಿತ್ತು. ಲೈಟ್​​ಬಾಯ್ ಆಗಿ ಚಿತ್ರರಂಗದಲ್ಲಿ ಕರಿಯರ್ ಆರಂಭಿಸಿದ ದರ್ಶನ್ ಬಳಿ ಇಂದು ದುಬಾರಿ ಕಾರುಗಳಿವೆ. ಬೆಂಗಳೂರಿನ ಬೆಂಗಳೂರಿನ ಆರ್.ಆರ್‌ ನಗರದಲ್ಲೊಂದು ಮನೆ, ಮೈಸೂರಿನಲ್ಲೊಂದು ಮನೆ ಹಾಗೂ ಫಾರ್ಮ್ ಹೌಸ್ ಹೊಂದಿದ್ದಾರೆ. ಜೊತೆಗೆ ಇನ್ನೊಂದು ಅಪಾರ್ಟ್‌ಮೆಂಟ್ ಕೂಡ ಇದೆ ಎನ್ನಲಾಗಿದೆ.

ಯಾವುದೇ ಸಿನಿಮಾ ಹಿನ್ನೆಲೆಯಿಲ್ಲದೆ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಯಶ್ ಇಂದು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಬಸ್ ಚಾಲಕನ ಮಗನಾಗಿರುವ ರಾಕಿಂಗ್ ಸ್ಟಾರ್ ಯಶ್, ಇಂದು ಕೆಜಿಎಫ್ ಚಿತ್ರದ ಮೂಲಕ ನ್ಯಾಷನಲ್ ಸ್ಟಾರ್ ಆಗಿ ಗುರುತಿಸಿಕೊಂಡಿದ್ದಾರೆ. ಬೆಂಗಳೂರಿನ ಹೊಸಕೆರೆಹಳ್ಳಿಯಲ್ಲಿ ಯಶ್ ಮನೆ ಹೊಂದಿದ್ದಾರೆ. ಜೊತೆಗೆ ಪ್ರತಿಷ್ಠಿತ ಅಪಾರ್ಟ್‌ಮೆಂಟ್‌ನಲ್ಲಿ ಪ್ಲ್ಯಾಟ್ ಇದೆ. ಹಾಸನದಲ್ಲೂ ದೊಡ್ಡ ಮನೆ ಹಾಗೂ ಕೃಷಿ ಭೂಮಿಯಿದೆ. ಜೊತೆಗೆ ಅಲ್ಲಿಯೇ ದೊಡ್ಡದಾದ ಮನೆಯೊಂದನ್ನು ಕಟ್ಟಿಸುತ್ತಿದ್ದಾರೆ.