ಮದರ್ಸ್ ಡೇ 2024: ಅಮ್ಮನ ಕುರಿತ ಈ ಚೆಂದದ ಹಾಡುಗಳನ್ನು ಮಿಸ್ ಮಾಡದೇ ಕೇಳಿ!

ಡಾ.ವಿಷ್ಣುವರ್ಧನ್, ದ್ವಾರಕೀಶ್, ಲೀಲಾವತಿ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಕಳ್ಳ-ಕುಳ್ಳ ಚಿತ್ರದ  'ಅಮ್ಮ ಎಂದರೇ ಏನೋ ಹರುಷವೂ' ಎಂಬ ಹಾಡು ಎಲ್ಲರೂ ಕೇಳಿಯೇ ಇರುತ್ತಾರೆ. ಅಮ್ಮನನ್ನು ನೆನಪಿಸಿಕೊಂಡಾಗ ಈ ಹಾಡು ಥಟ್ಟನೇ ನೆನಪಿಗೆ ಬರುತ್ತದೆ. ಚಿ.ಉದಯಶಂಕರ್ ಅವರು ಬರೆದಿರುವ ಈ ಹಾಡು ಸೂಪರ್ ಹಿಟ್. 

ಕ್ರೇಜಿ ಸ್ಟಾರ್ ರವಿಚಂದ್ರನ್ ನಟನೆಯ ಅಣ್ಣಯ್ಯ ಸಿನಿಮಾದ 'ಅಮ್ಮಾ ಊರು ಏನೇ, ನೀನು ನನ್ನ ದೇವರು' ಅಮ್ಮನ ಮೇಲಿನ ಪ್ರೀತಿ ಹೇಗಿರುತ್ತೆ ಎಂಬುದಕ್ಕೆ ಸಾಕ್ಷಿ. ನಾದಬ್ರಹ್ಮ ಹಂಸಲೇಖ ಈ ಹಾಡನ್ನು ರಚಿಸಿ ಸಂಗೀತ ನೀಡಿದ್ದರು. 

ಕಲಿಯುಗ ಭೀಮ ಸಿನಿಮಾದ 'ಕೈ ತುತ್ತು ಕೊಟ್ಟೋಳೆ....ಮದರ್ ಇಂಡಿಯಾ'. ಈ ಹಾಡಿನಲ್ಲಿ ಟೈಗರ್ ಪ್ರಭಾಕರ್ ಮತ್ತು ಪಂಡರೀಭಾಯಿ ಅವರನ್ನ ನೋಡುವುದೇ ಒಂದು ಖುಷಿ. 

ಸಾಹಸಸಿಂಹ ವಿಷ್ಣುವರ್ಧನ್ ಮತ್ತು ಪಂಡರೀಬಾಯಿ ಅಭಿನಯದ ಕುಂತಿ ಪುತ್ರ ಸಿನಿಮಾದ 'ಅಮ್ಮ ಎನ್ನಲು ಕೋಟಿ ಪುಣ್ಯವೋ' ಎಂಬ ಹಾಡು ಕೂಡ ಎಲ್ಲ ತಾಯಂದಿರಿಗೂ ಅರ್ಪಿಸುವಂತಹ ಹಾಡು.  

ವರನಟ ಡಾ.ರಾಜ್‌ಕುಮಾರ್ ಹಾಗೂ ಮಾಸ್ಟರ್ ಪುನೀತ್ ರಾಜ್‌ಕುಮಾರ್ ಅಭಿನಯದಲ್ಲಿ ಮೂಡಿಬಂದ 'ಯಾರಿವನು' ಸಿನಿಮಾದ 'ಕಣ್ಣಿಗೆ ಕಾಣುವ ದೇವರು ಎಂದರೆ ಅಮ್ಮ ತಾನೇ' ಹಾಡು ಎಲ್ಲರಿಗೂ ಗೊತ್ತು. ಈ ಹಾಡನ್ನು ಅಪ್ಪು ಅವರೇ ಹಾಡಿರುವುದು ಇನ್ನೊಂದು ವಿಶೇಷ. 

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ನಟನೆಯ 'ಜೋಗಿ' ಸಿನಿಮಾದ 'ಬೇಡುವನು ವರವನು ಕೊಡು ತಾಯಿ ಜನ್ಮವನು' ಹಾಡು ಆಲ್ ಟೈಮ್ ಸೂಪರ್ ಹಿಟ್ ಗೀತೆ. ತಾಯಿ-ಮಗ ದೂರುವಾದಾಗ ಮೂಡಿಬರುವ ಈ ಹಾಡು ಸೂಪರ್ ಹಿಟ್ ಆಗಿತ್ತು. 

 'ಎಕ್ಸ್ ಕ್ಯೂಸ್ ಮಿ' ಚಿತ್ರದ 'ಬ್ರಹ್ಮ-ವಿಷ್ಣು-ಶಿವ ಎದೆ ಹಾಲು ಕುಡಿದರು....ಅಮ್ಮ ನೀನೇ ದೈವ ಅಂತ ಕಾಲು ಮುಗಿದರು' ಎಂಬ ಹಾಡಿದ್ದು, ತುಂಬ ಸೊಗಸಾಗಿ ಮೂಡಿಬಂದಿದೆ. 

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅಭಿನಯದ  ವಂಶಿ ಸಿನಿಮಾದ  ತಾಯಿ ತಾಯಿ ಸಾಂಗ್ ಅಮ್ಮನ ಮಹತ್ವವನ್ನ ತಿಳಿಸುವ ಸೂಪರ್ ಹಿಟ್ ಹಾಡು. ಈ ಹಾಡಿನಲ್ಲಿ ಪುನೀತ್ ಹಾಗೂ ಲಕ್ಷ್ಮಿ ಅವರ ಅಭಿನಯ ಅಮೋಘವಾಗಿತ್ತು. 

ರಮೇಶ್ ಅರವಿಂದ್, ಕಸ್ತೂರಿ, ಪ್ರೇಮಾ ಅಭಿನಯಿಸಿದ್ದ ತುತ್ತಾ ಮುತ್ತಾ ಸಿನಿಮಾದ 'ಮುತ್ತು ಕೊಡೋವಳು ಬಂದಾಗ ತುತ್ತು ಕೊಟ್ಟೋಳಾ ಮರಿಬೇಡ' ಹಾಡನ್ನು ಪ್ರತಿಯೊಬ್ಬ ಮಗನನ್ನ ಕಾಡುವ ಸಾಲುಗಳು. 

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಮತ್ತು ರೋಜಾ ಅಭಿನಯದ ಮೌರ್ಯ ಸಿನಿಮಾದ ' ಅಮ್ಮಾ ಅಮ್ಮಾ ಐ ಲವ್ ಯೂ' ಕೂಡ ಎಲ್ಲರ ಫೇವರಿಟ್. 

ಚಿರಂಜೀವಿ ಸರ್ಜಾ, ಹಿರಿಯ ನಟಿ ಸಿತಾರಾ ಮುಖ್ಯ ಪಾತ್ರ ನಿರ್ವಹಿಸಿದ್ದ ಅಮ್ಮ ಐ ಲವ್ ಯೂ ಸಿನಿಮಾದ 'ಅಮ್ಮ ನನ್ನ ಈ ಜನುಮ' ಹಾಡನ್ನು ಕೂಡ ನೀವು ಕೇಳಲೇಬೇಕು. 

ಡಾ.ವಿಷ್ಣುವರ್ಧನ್, ಊರ್ವಶಿ ಬೇಬಿ ಶಾಲಿನಿ ಅಭಿನಯದ 'ಈ ಜೀವ ನಿನಗಾಗಿ' ಚಿತ್ರದ 'ಅಮ್ಮಾ ಅಮ್ಮಾ ಎನ್ನುವ ಮಾತು ಬಂತು ಎಲ್ಲಿಂದ' ಕೂಡ ಸೂಪರ್ ಹಿಟ್ ಗೀತೆ.