ಅರ್ಧಕ್ಕೆ ನಿಂತು ಹೋದ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಸಿನಿಮಾಗಳಿವು!

10 ವರ್ಷಗಳ ಹಿಂದೆ ಶಿವರಾಜ್‌ಕುಮಾರ್ ಹೀರೋ ಆಗಿ 'ಮನಮೋಹಕ' ಸಿನಿಮಾ ಘೋಷಣೆಯಾಗಿತ್ತು. ಈ ಸಿನಿಮಾಗೆ ಸಿಂಪಲ್ ಸುನಿ ಆಕ್ಷನ್ ಕಟ್ ಹೇಳಲು ಹೊರಟಿದ್ದರು. ಚಿತ್ರಕ್ಕಾಗು ಕಲರ್‌ಫುಲ್ ಫೋಟೋಶೂಟ್ ಕೂಡ ಮಾಡಲಾಗಿತ್ತು. ಶಿವಣ್ಣ ಸ್ಟೈಲಿಶ್‌ ಲುಕ್‌ನಲ್ಲಿ ಲವರ್‌ ಬಾಯ್ ಆಗಿ ಕಾಣಿಸಿಕೊಂಡಿದ್ದರು. ಈ ಫೋಟೋಗಳು ವೈರಲ್ ಆಗ್ತಿದ್ದಂತೆ ಸಿನಿಮಾ ಮೇಲೆ ಸಿಕ್ಕಾಪಟ್ಟೆ ನಿರೀಕ್ಷೆ ಮೂಡಿತ್ತು. ಆದರೆ, ಸಿನಿಮಾ ಶೂಟಿಂಗ್ ಹಂತ ತಲುಪಲೇ ಇಲ್ಲ. 

ಕುಮಾರ್ ಎಸ್ ರಾಜ್ ಹಾಗೂ ಶಿವರಾಜ್‌ಕುಮಾರ್ ಕಾಂಬಿನೇಷನ್‌ನಲ್ಲಿ 'ಖದರ್' ಎಂಬ ಸಿನಿಮಾ ಅನೌನ್ಸ್ ಆಗಿತ್ತು. ಗೋವಿಂದಾಯ ನಮಃ ಸಿನಿಮಾಗೆ ಸಹ ನಿರ್ದೇಶಕರಾಗಿ ದುಡಿದಿದ್ದ ಕುಮಾರ್ ಎಸ್ ರಾಜ್, ಖದರ್ ಮೂಲಕ ಪೂರ್ಣ ಪ್ರಮಾಣದ ನಿರ್ದೇಶಕರಾಗಲು ಹೊರಟ್ಟಿದ್ದರು. ರಚಿತಾ ರಾಮ್ ಈ ಸಿನಿಮಾಗೆ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆದರೆ, ಈ ಸಿನಿಮಾ ಅರ್ಧಕ್ಕೆ ನ ನಿಂತಿದೆ. 

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಹಾಗೂ ಸುದೀಪ್ ಅವರನ್ನು ಹಾಕಿಕೊಂಡು ಜೋಗಿ ಪ್ರೇಮ್ 'ಕಲಿ' ಎಂಬ ಸಿನಿಮಾಗೆ ಆಕ್ಷನ್ ಕಟ್ ಹೇಳಲು ಹೊರಟ್ಟಿದ್ದರು. ಸಿನಿಮಾ ಶೀರ್ಷಿಕೆ ಕೆಳಗೆ ವಾರಿಯರ್ ಮತ್ತು ರೂಲರ್ ಎಂಬ ಅಡಿಬರವಿತ್ತು. ಸಿಕ್ಕಾಪಟ್ಟೆ ಕುತೂಹಲ ಮೂಡಿಸಿದ್ದ ಈ ಸಿನಿಮಾ ಅರ್ಧಕ್ಕೆ ನಿಂತಿತ್ತು. 

ಶಿವಣ್ಣನ 123ನೇ ಸಿನಿಮಾವನ್ನು ತಮಿಳಿನ ಖ್ಯಾತ ನಿರ್ದೇಶಕ ರವಿ ಅರಸು ನಿರ್ದೇಶಿಸಲು ಮುಂದಾಗಿದ್ದರು. ಆರ್‌ಡಿಎಕ್ಸ್ ಎಂಬ ಶಿರ್ಷಿಕೆ ಹೊಂದಿದ್ದ ಈ ಸಿನಿಮಾಗೆ 2020 ಫೆಬ್ರವರಿ 19ರಂದು ಕಂಠೀರವ ಸ್ಟುಡಿಯೋದಲ್ಲಿ ಮೂಹೂರ್ತ ನೆರವೇರಿತ್ತು. ಚಿತ್ರಕ್ಕೆ ತಮಿಳಿನ  ಸತ್ಯಜ್ಯೋತಿ ಫಿಲ್ಮ್ಸ್ ಬಂಡವಾಳ ಹೂಡಲು ಮುಂದಾಗಿತ್ತು. ಆದರೆ, ಇದುವರೆಗೂ ಈ ಸಿನಿಮಾದ ಅಪ್‌ಡೇಟ್ ಸಿಕ್ಕಿಲ್ಲ. 

ರಾಮ್ ಧುಲಿಪುಡಿ ಹಾಗೂ ಶಿವರಾಜ್‌ಕುಮಾರ್ ಕಾಂಬಿನೇಷನ್‌ನಲ್ಲಿ ಸಿನಿಮಾವೊಂದು ಮೂಡಿಬರಬೇಕಿತ್ತು. ಈ ಸಿನಿಮಾಗೆ ತಾತ್ಕಾಲಿಕವಾಗಿ ನೀ ಸಿಗೋವರೆಗೂ ಎಂಬ ಟೈಟಲ್ ಇಡಲಾಗಿತ್ತು. ಸ್ವಾತಿ ವನಪಲ್ಲಿ, ಶ್ರೀಕಾಂತ್ ಧುಲಿಪುಡಿ ಮತ್ತು ನರಲಾ ಶ್ರೀನಿವಾಸ ರೆಡ್ಡಿ ಜೊತೆಗೆಯಾಗಿ ಈ ಚಿತ್ರಕ್ಕೆ ಬಂಡವಾಳ ಹೂಡಲು ಮುಂದಾಗಿದ್ದರು. ಈ ಸಿನಿಮಾ ಕೂಡ ಅರ್ಧಕ್ಕೆ ನಿಂತಿದೆ. 

ಅವನೇ ಶ್ರೀಮನ್ನಾರಾಯಣ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದ ಸಚಿನ್ ಬಿ ರವಿ ನಿರ್ದೇಶನದ 'ದ ಸಾಗಾ ಆಫ್ ಅಶ್ವತ್ಥಾಮ' ಚಿತ್ರದಲ್ಲಿ ಶಿವಣ್ಣ ಅಭಿನಯಿಸಬೇಕಿತ್ತು. ಶಿವಣ್ಣನನ್ನು ಒಪ್ಪಿಸಿದ್ದ ಸಚಿನ್, ಈ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಆಗಿದ್ದರು. ಈ ಸಿನಿಮಾ ಕೂಡ ನಿಂತುಹೋಗಿದೆ ಎಂಬ ಅನುಮಾನ ಮೂಡಿದೆ.