ಹೊಸ ಸಿನಿಮಾಗಳಿಗೆ ಮರುಬಳಕೆ ಮಾಡಿಕೊಂಡ ಹಳೆಯ ಸೂಪರ್ ಹಿಟ್ ಹಾಡುಗಳಿವು!

ಡಾ.ರಾಜ್‌ಕುಮಾರ್ ಹಾಗೂ ಜಯಂತಿ ಲೀಡ್‌ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದ ಪರೋಪಕಾರಿ ಸಿನಿಮಾದ 'ಜೋಕೆ ನಾನು ಬಳ್ಳಿಯ ಮಿಂಚು' ಹಾಡನ್ನು ಪ್ರಪಂಚಾದ್ಯಂತ ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದ 'ಕೆಜಿಎಫ್' ಸಿನಿಮಾದಲ್ಲಿ ಮರುಬಳಕೆ ಮಾಡಲಾಗಿದೆ. ಈ ಹಾಡಿನಲ್ಲಿ ತಮನ್ನಾ ಭಾಟಿಯಾ  ಕಾಣಿಸಿಕೊಂಡಿದ್ದರು.   

ಸುಹಾಸಿನಿ, ಜೈಜಗದೀಶ್ ಹಾಗೂ ಕಮಲ್ ಹಾಸನ್ ನಟನೆಯ ಬೆಂಕಿಯಲ್ಲಿ ಅರಳಿದ ಹೂವು ಸಿನಿಮಾದ 'ಮುಂದೆ ಬನ್ನಿ ಇನ್ನು ಮುಂದೆ ಬನ್ನಿ' ಹಾಡನ್ನು ನಿರುಪ್ ಭಂಡಾರಿ ಹಾಗೂ ಅವಂತಿಕಾ ಶೆಟ್ಟಿ ಅಭಿನಯದ ರಾಜರಥ ಸಿನಿಮಾದಲ್ಲಿ ಬಳಸಿಕೊಳ್ಳಲಾಗಿದೆ.

ರಮೇಶ್ ಅರವಿಂದ್, ಹೇಮಾ, ಅಕ್ಷಯ್ ಆನಂದ್ ನಟನೆಯ 'ಅಮೆರಿಕಾ ಅಮೆರಿಕಾ' ಕನ್ನಡದ ಎವರ್ ಗ್ರೀನ್ ಸಿನಿಮಾ. ಈ ಚಿತ್ರದ ' ನೂರು ಜನ್ಮಕು ನೂರಾರು ಜನ್ಮಕು' ಹಾಡು ಕೂಡ ಅಷ್ಟೇ ಜನಪ್ರಿಯತೆ ಪಡೆದಿದೆ. ಈ ಹಾಡನ್ನು ಸಂತೋಷ್ & ಐಂದ್ರಿತಾ ರೇ ನಟನೆಯ ನೂರು ಜನ್ಮಕು ಸಿನಿಮಾದಲ್ಲಿ ರಿಮೇಡ್ ಮಾಡಲಾಗಿದೆ.

ಡಾ.ವಿಷ್ಣುವರ್ಧನ್, ಮಂಜುಳ ಹಾಗೂ ರಾಜೇಶ್ ಅಭಿನಯದ ಸೊಸೆ ತಂದ ಸೌಭಾಗ್ಯ ಸಿನಿಮಾ ಎವರ್ ಗ್ರೀನ್ ರೊಮ್ಯಾಂಟಿಕ್ ಹಾಡು 'ರವಿವರ್ಮನ ಕುಂಚದ ಕಲೆ ಬಲೆ'. ಈ ಸಾಂಗ್‌ ಅನ್ನು ರಿಯಲ್ ಸ್ಟಾರ್ ಉಪೇಂದ್ರ, ಪೂಜಾ ಗಾಂಧಿ, ಸುಮನ್ ರಂಗನಾಥ್ ನಟನೆಯ ಬುದ್ದಿವಂತ ಸಿನಿಮಾದಲ್ಲಿ ಬಳಸಿಕೊಳ್ಳಲಾಗಿದೆ.

ಸಾಹಸಸಿಂಹ ವಿಷ್ಣುವರ್ಧನ್, ದ್ವಾರಕೀಶ್, ಮಂಜುಳ ನಟನೆಯ ಕಿಟ್ಟು ಪುಟ್ಟು ಸಿನಿಮಾದ 'ಕಾಲವನ್ನು ತಡೆಯೋರು ಯಾರು ಇಲ್ಲ' ಹಾಡನ್ನು ಆಪ್ತಮಿತ್ರ ಸಿನಿಮಾದಲ್ಲಿ ಬಳಕೆ ಮಾಡಿಕೊಳ್ಳಲಾಗಿದೆ. ಈ ಹಾಡಿನಲ್ಲಿಯೂ ವಿಷ್ಣು-ದ್ವಾರಕೀಶ್ ಅವರೇ ನಟಿಸಿದ್ದಾರೆ.

ಡಾ.ರಾಜ್‌ಕುಮಾರ್, ಸರಿತಾ ಅಂಬಿಕಾ ನಟನೆಯ ಚಲಿಸುವ ಮೋಡಗಳು ಸಿನಿಮಾದ 'ಕಾಣದಂತೆ ಮಾಯಾವಾದನು' ಹಾಡಿನಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಚೈಲ್ಡ್ ಆರ್ಟಿಸ್ಟ್ ಆಗಿ ಕಾಣಿಸಿಕೊಂಡಿದ್ದರು. ಈ ಹಾಡನ್ನು ಅಪ್ಪು ಅಭಿನಯದ ಅಣ್ಣಾಬಾಂಡ್ ಚಿತ್ರದಲ್ಲಿ ರಿಮೇಡ್ ಮಾಡಲಾಗಿದೆ. ಎರಡೂ ಹಾಡುಗಳನ್ನು ಪುನೀತ್ ಅವರೇ ಹಾಡಿದ್ದಾರೆ.

ಕ್ರೇಜಿ ಸ್ಟಾರ್ ರವಿಚಂದ್ರನ್ ಹಾಗೂ ಊರ್ವಶಿ ನಟನೆಯ ನಾನು ನನ್ನ ಹೆಂಡ್ತಿ ಸಿನಿಮಾದ 'ಯಾರೇ ನೀನು ರೋಜಾ ಹೂವೆ' ಹಾಡನ್ನು ರವಿಚಂದ್ರನ್ ಪುತ್ರ ಮನೋರಂಜನ್ ಅಭಿನಯದ ಸಾಹೇಬ ಸಿನಿಮಾದಲ್ಲಿ ಮರುಬಳಕೆ ಮಾಡಲಾಗಿದೆ.

ಡಾ.ರಾಜ್‌ಕುಮಾರ್, ಗೀತಾ, ಮಾಧವಿ ನಟನೆಯ ಆಕಸ್ಮಿಕ ಸಿನಿಮಾದ 'ಹುಟ್ಟಿದರೆ ಕನ್ನಡ ನಾಡಲ್ಲಿ ಹುಟ್ಟಬೇಕು' ಹಾಡನ್ನು ಕನ್ನಡಿಗರು ಮರೆಯಲು ಸಾಧ್ಯವೇ ಇಲ್ಲ. ಈ ಹಾಡನ್ನು ಶಿವರಾಜ್‌ಕುಮಾರ್ ನಟನೆಯ ಚೆಲುವೆಯ ನಿನ್ನ ನೋಡಲು ಚಿತ್ರದಲ್ಲಿ ಮರುಬಳಕೆ ಮಾಡಲಾಗಿದೆ.

ಡಾ.ರಾಜ್‌ಕುಮಾರ್, ಅನಂತ್ ನಾಗ್, ಸರಿತಾ ಅಭಿನಯದ ಕಾಮನಬಿಲ್ಲು ಸಿನಿಮಾದ 'ಉಳುವ ಯೋಗಿಯ ನೋಡಲ್ಲಿ' ಎಂಬ ರೈಗೀತೆಯನ್ನು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ಐರಾವತ ಸಿನಿಮಾದಲ್ಲಿ  ರಿಮೇಡ್ ಮಾಡಲಾಗಿದೆ.