ಬಾಕ್ಸಾಫೀಸ್‌ನಲ್ಲಿ ಅತಿಹೆಚ್ಚು ಗಳಿಕೆ ಕಂಡ ಅಲ್ಲು ಅರ್ಜುನ್ ನಟನೆಯ 5 ಸಿನಿಮಾಗಳಿವು!

ಬಾಕ್ಸಾಫೀಸ್‌ನಲ್ಲಿ ಅತಿಹೆಚ್ಚು ಗಳಿಕೆ ಕಂಡ ಅಲ್ಲು ಅರ್ಜುನ್ ನಟನೆಯ ಸಿನಿಮಾಗಳ ಪೈಕಿ 2021ರಲ್ಲಿ ತೆರೆಕಂಡ 'ಪುಷ್ಪ ದಿ ರೈಸ್' ಮೊದಲ ಸ್ಥಾನದಲ್ಲಿದೆ. ತಿರುಪತಿ ಹತ್ತಿರದ ಶೇಷಾಚಲಂ ಕಾಡಿನಲ್ಲಿ ನಡೆಯುವ ಸ್ಮಗ್ಲಿಂಗ್ ಹಿನ್ನಲೆಯ ಕಥೆಯುಳ್ಳ ಈ ಸಿನಿಮಾವನ್ನು 200 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗಿತ್ತು. ಪುಷ್ಪ ದಿ ರೂಲ್ ಸಿನಿಮಾದ ಜೊತೆಗೆ ಹಾಡುಗಳೆಲ್ಲವೂ ಸೂಪರ್ ಹಿಟ್ ಆಗಿದ್ದವು. ಗಲ್ಲಾಪೆಟ್ಟಿಗೆಯಲ್ಲೂ ಕಮಾಲ್ ಮಾಡಿದ್ದ ಈ ಚಿತ್ರ, ಬರೋಬ್ಬರಿ 365 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು.

2020ರಲ್ಲಿ ತೆರೆಕಂಡ ಅಲ್ಲು ಅರ್ಜುನ್ ಹಾಗೂ ತ್ರಿವಿಕ್ರಮ್ ಶ್ರೀನಿವಾಸ್ ಕಾಂಬಿನೇಷನ್‌ನ 'ಅಲಾ ವೈಕುಂಠಪುರಮುಲೋ' ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಓರ್ವ ವ್ಯಕ್ತಿಯ ಕುತಂತ್ರದಿಂದ ಶ್ರೀಮಂತ ಮನೆತನದ ಹುಡುಗನೊಬ್ಬ ಬಡವರ ಮನೆಯಲ್ಲಿ ಬೆಳೀತಾನೆ. ಆತನಿಗೆ ತಾನು ಶ್ರೀಮಂತ ಕುಟುಂಬದವನು ಎಂದು ಗೊತ್ತಾದಾಗ ಹೇಗೆ ಆ ಕುಟುಂಬಕ್ಕೆ ಸೇರಿಕೊಳ್ಳುತ್ತಾನೆ ಎಂಬುದೇ ಸಿನಿಮಾ ಕಥೆಯಾಗಿದ್ದು, ಇದಕ್ಕೆ ಕಾಮಿಡಿ, ಆಕ್ಷನ್, ಸೆಂಟಿಮೆಂಟ್, ಫ್ಯಾಮಿಲಿ ಡ್ರಾಮಾ ಎಲ್ಲವನ್ನು ಸೇರಿಸಿ ಸಿನಿಮಾ ಮಾಡಲಾಗಿತ್ತು. 100 ಕೋಟಿ ರೂ. ಬಜೆಟ್‌ನಲ್ಲಿ ನಿರ್ಮಾಣವಾಗಿದ್ದ ಈ ಚಿತ್ರ ಬಾಕ್ಸಾಪೀಸ್‌ನಲ್ಲಿ 262 ಕೋಟಿ ರೂ. ಬಾಚಿಕೊಂಡಿತ್ತು.

2016ರಲ್ಲಿ ಬಿಡುಗಡೆಯಾಗಿದ್ದ ಸರೈನೋಡು ಸಿನಿಮಾದಲ್ಲಿ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್, ಕಾನೂನು ವ್ಯವಸ್ಥೆಯ ದೋಷದಿಂದಾಗಿ ಶಿಕ್ಷೆಯಿಂದ ತಪ್ಪಿಸಿಕೊಂಎ ವಿಲನ್‌ಗಳನ್ನು ಹೊಡೆಯುವ ಯುವಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಪರಿಪೂರ್ಣ ಆಕ್ಷನ್ ಲವ್ ಸ್ಟೋರಿ ಹೊಂದಿದ್ದ ಸರೈನೋಡು, ಬಾಕ್ಸಾಫೀಸ್‌ನಲ್ಲಿ 126 ಕೋಟಿ ರೂ. ಗಳಿಕೆ ಕಂಡಿತ್ತು. ಈ ಚಿತ್ರವನ್ನು 50 ಕೋಟಿ ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗಿತ್ತು.

2017ರಲ್ಲಿ ರಿಲೀಸ್ ಆಗಿದ್ದ 'ದೇವುಡಾ ಜಗನ್ನಾಥಂ' ಸಿನಿಮಾ ಹಿಟ್ ಲಿಸ್ಟ್ ಸೇರಿತ್ತು.  ಚಿತ್ರದಲ್ಲಿ ಅಲ್ಲು ಅರ್ಜುನ್ ನಾಯಕನಾಗಿ ಹಾಗೂ ಪೂಜಾ ಹೆಗಡೆ ನಾಯಕಿಯಾಗಿ ನಟಿಸಿದ್ದರು. ಉಳಿದಂತೆ ರಾವ್ ರಮೇಶ್, ಮುರಳಿ ಶರ್ಮಾ, ಪವಿತ್ರ ಲೋಕೇಶ್ ಮುಂತಾದವರು ನಟಿಸಿದ್ದರು. 75 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗಿದ್ದ ಈ ಚಿತ್ರ, ಬಾಕ್ಸಾಫೀಸ್‌ನಲ್ಲಿ 119 ಕೋಟಿ ರೂ. ಕಲೆಕ್ಷನ್ ಮಾಡಿತ್ತು.

2014ರಲ್ಲಿ ಬಿಟುಗಡೆಯಾದ ರೇಸ್ ಗುರ್ರಂ ಸಿನಿಮಾವನ್ನು ಸುರೇಂದರ್ ರೆಡ್ಡಿ ನಿರ್ದೇಶನ ಮಾಡಿದ್ದರು. ಫನ್, ಆಕ್ಷನ್, ಕಾಮಿಡಿ ಎಲ್ಲವನ್ನು ಹೊಂದಿದ್ದ ಈ ಸಿನಿಮಾವನ್ನು 52 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗಿತ್ತು. ಬಿಡುಗಡೆಯಾದ ಬಳಿಕ ಪ್ರೇಕ್ಷಕರಿಂಧ ಭರ್ಜರಿ ರೆಸ್ಪಾನ್ಸ್ ಪಡೆದ ರೇಸ್ ಗುರ್ರಂ, ಗಲ್ಲಾಪೆಟ್ಟಿಗೆಯಲ್ಲಿ 100 ಕೋಟಿ ರೂ. ಬಾಚಿಕೊಂಡಿತ್ತು.