ಹಿರಿಯ ನಟ ಕೆ ಶಿವರಾಮ್ ನಿಧನ: ಮಾಜಿ ಐಎಎಸ್ ಅಧಿಕಾರಿ ಅಭಿನಯಿಸಿದ್ದ ಸಿನಿಮಾಗಳಿವು!

ಕೆ ಶಿವರಾಮ್ ಅಭಿನಯದ ಮೊದಲ ಸಿನಿಮಾ ಬಾ ನಲ್ಲೆ ಮಧುಚಂದ್ರಕೆ. 1993ರಲ್ಲಿ ತೆರೆಕಂಡ ಈ  ಎವರ್‌ಗ್ರೀನ್ ಚಿತ್ರವನ್ನು ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನ ಮಾಡಿದ್ದರು. ನಂದಿನಿ ಸಿಂಗ್ ನಾಯಕಿಯಾಗಿ ಅಭಿನಯಿಸಿದ್ದರು. ಬಾ ನಲ್ಲೆ ಮಧುಚಂದ್ರಕೆ ಹೆಸರಿನ ಕಾದಂಬರಿ ಆಧರಿಸಿ ಈ ಸಿನಿಮಾ ನಿರ್ಮಿಸಲಾಗಿತ್ತು. ಈ ಚಿತ್ರ ನಾಗತಿಹಳ್ಳಿ ಚಂದ್ರಶೇಖರ್, ಕೆ ಶಿವರಾಂ ಇಬ್ಬರಿಗೂ ಸಕ್ಸಸ್ ಕೊಟ್ಟಿತ್ತು. ನಾಗತಿಹಳ್ಳಿ ಚಂದ್ರಶೇಖರ್, ಹಂಸಲೇಖ, ಪ್ರಕಾಶ್ ರೈ ಅಂತಹ ದಿಗ್ಗಜರ ಸಮಾಗಮ ಈ ಸಿನಿಮಾದಲ್ಲಾಗಿತ್ತು. ಬಹುತೇಕ ಹೊಸ ಮುಖಗಳೇ ಇದ್ದ ಈ ಸಿನಿಮಾ ಜನರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು.

1996ರಲ್ಲಿ ರಿಲೀಸ್ ಆದ ವಸಂತಕಾವ್ಯ ಸಿನಿಮಾದಲ್ಲಿ ಕೆ ಶಿವರಾಮ್ ನಾಯಕನಾಗಿ ಹಾಗೂ ಸುಧಾರಾಣಿ ನಾಯಕಿಯಾಗಿ ನಟಿಸಿದ್ದರು. ಇವರ ಜೊತೆ ದಿ.ಲೀಲಾವತಿ, ಪ್ರಕಾಶ್ ರಾಜ್, ಜಾಕಿ ಶುವು, ರಾಜಾನಂದ್, ಟೆನ್ನಿಸ್ ಕೃಷ್ಣ, ಹೊನ್ನಾವಳ್ಳಿ ಕೃಷ್ಣ, ಗೌತಮ್, ಡಾ.ಸುರೇಶ್ ಶರ್ಮಾ ಅಭಿನಯಿಸಿದ್ದರು. ಚಿತ್ರವನ್ನು ಎಸ್ ನಾರಾಯಣ್ ನಿರ್ದೇಶನ ಮಾಡಿದ್ದರು. 

1998ರಲ್ಲಿ ಬಿಡುಗಡೆಯಾಗಿದ್ದ 'ಖಳನಾಯಕ' ಸಿನಿಮಾದಲ್ಲಿ ಟೈಗರ್ ಪ್ರಭಾಕರ್, ಶಶಿಕುಮಾರ್, ಕೆ ಶಿವರಾಮ್, ರಾವಲ್ಲಿ ಪ್ರಮುಖ ಪಾತ್ರದದಲ್ಲಿ ಅಭಿನಯಿಸಿದ್ದರು.  ಮೊಹಮ್ಮದ್ ಗೌಸ್ ನಿರ್ದೇಶನದ ಈ ಸಿನಿಮಾ ಹಲವು ವಿಷಯಗಳಿಂದ ಪ್ರೇಕ್ಷಕರ ಗಮನ ಸೆಳೆದಿತ್ತು. 

ಗುರುಪ್ರಸಾದ್ ನಿರ್ದೇಶನದ 'ಯಾರಿಗೆ ಬೇಡ ದುಡ್ಡು' ಸಿನಿಮಾದಲ್ಲಿ  ಅಭಿಜಿತ್, ಟೆನ್ನಿಸ್ ಕೃಷ್ಣ ಹಾಗೂ ಕೆ ಶಿವರಾಮ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದರು. ಇದೊಂದು ಹಾಸ್ಯ ಚಲನಚಿತ್ರವಾಗಿದ್ದು, 2002ರಲ್ಲಿ ಬಿಡುಗಡೆ ಆಗಿತ್ತು.  

2003ರಲ್ಲಿ ಬಿಡುಗಡೆಯಾಗಿದ್ದ 'ಗೇಮ್ ಫಾರ್ ಲವ್' ಸಿನಿಮಾದಲ್ಲಿ ಕೆ ಶಿವರಾಮ್, ಮೀನಾ, ಶಿವಧ್ವಜ್, ಭವ್ಯ, ಹರಿ, ನಾಗಶೇಖರ್, ಸುರೇಶ್ ಅಂಚನ್, ಗಣೇಶ್ ಸೇರಿದಂತೆ ಮುಂತಾದ ಕಲಾವಿದರು ಅಭಿನಯಿಸಿದ್ದರು. ಈ ಚಿತ್ರವನ್ನು ಎಂ.ಡಿ ಶ್ರೀಧರ್ ನಿರ್ದೇಶನ ಮಾಡಿದ್ದರು.  

ಓ ಪ್ರೇಮ ದೇವತೆ ಸಿನಿಮಾದಲ್ಲಿ ಕೆ ಶಿವರಾಮ್, ಪ್ರಸನ್ನಾಕ್ಷಿ, ಮಧುರ, ಹೇಮಂತ್ ಕುಮಾರ್ ಮುಂತಾದವರು ಅಭಿನಯಿಸಿದ್ದರು. ಈ ಸಿನಿಮಾವನ್ನು ಶಂಕರಲಿಂಗ ಸುಗ್ನಳ್ಳಿ ನಿರ್ದೇಶನ ಮಾಡಿದ್ದರು. ಈ ಸಿನಿಮಾ 2007ರಲ್ಲಿ ತೆರೆಗೆ ಬಂದಿತ್ತು. 

ನಾಗ ಸಿನಿಮಾದಲ್ಲಿ ಕೆ ಶಿವರಾಮ್, ಅಶ್ವಿನಿ, ಲಂಬು ನಾಗೇಶ್, ಶೋಭರಾಜ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಯೇಸುದಾಸ್ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದರು.  

ನಾಗ ಸಿನಿಮಾದಲ್ಲಿ ಕೆ ಶಿವರಾಮ್, ಅಶ್ವಿನಿ, ಲಂಬು ನಾಗೇಶ್, ಶೋಭರಾಜ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಯೇಸುದಾಸ್ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದರು.