Happy Birthday: ರಾಜೇಶ್ ಕೃಷ್ಣನ್ ಟಾಪ್ 10 ಮೆಲೋಡಿಯಸ್ ಸೋಲೋ ಗೀತೆಗಳು!

ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನದಲ್ಲಿ ಮೂಡಿಬಂದ ಈ ಚಿತ್ರದಲ್ಲಿ ರಮೇಶ್ ಅರವಿಂದ್ ಮತ್ತು ಹೇಮಾ ಪಂಚಮುಖಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿ ನಾಗತಿಹಳ್ಳಿ ಚಂದ್ರಶೇಖರ್ ಸಾಹಿತ್ಯದಲ್ಲಿ ಮೂಡಿ ಬಂದಿದ್ದ `ನೂರೂ ಜನ್ಮಕ್ಕೂ' ಗೀತೆಯನ್ನು ರಾಜೇಶ್ ಕೃಷ್ಣನ್ ಸೊಗಸಾಗಿ ಹಾಡಿದ್ದಾರೆ.

ಎಸ್ ನಾರಾಯಣ್ ನಿರ್ದೇಶಿಸಿ ನಾಯಕನಾಗಿ ನಟಿಸಿದ್ದ ನನ್ನವಳು ನನ್ನವಳು ಚಿತ್ರದಲ್ಲಿ ಪ್ರೇಮಾ ನಾಯಕಿಯಾಗಿ ನಟಿಸಿದ್ದರು. ಈ ಚಿತ್ರದಲ್ಲಿನ ` ನನ್ನವಳು ನನ್ನವಳು' ಗೀತೆಯನ್ನು ರಾಜೇಶ್ ಕೃಷ್ಣನ್ ಸೊಗಸಾಗಿ ಹಾಡಿದ್ದರು.

ಈ ಚೆನ್ನಗಂಗಪ್ಪ ನಿರ್ದೇಶನದಲ್ಲಿ ಮೂಡಿಬಂದ ನನ್ನಾಸೆಯ ಹೂವೇ ಚಿತ್ರದಲ್ಲಿ ಜಗ್ಗೇಶ್ ಮತ್ತು ಮೋನಿಕಾ ಬೇಡಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಹಂಸಲೇಖ ಸಾಹಿತ್ಯ ಮತ್ತು ಸಂಗೀತದಲ್ಲಿ ಮೂಡಿ ಬರುವ `ಹೊಂಬಾಳೆ ಹೊಂಬಾಳೆ' ಗೀತೆಯನ್ನು ರಾಜೇಶ್ ಕೃಷ್ಣನ್ ಮಧುರವಾಗಿ ಹಾಡಿದ್ದರು.

ಓಂ ಪ್ರಕಾಶರಾವ್ ನಿರ್ದೇಶನದಲ್ಲಿ ಮೂಡಿಬಂದ ನಿನ್ನೇ ಪ್ರೀತಿಸುವೆ ಚಿತ್ರದಲ್ಲಿ ಶಿವರಾಜಕುಮಾರ್, ರಮೇಶ್ ಅರವಿಂದ ಮತ್ತು ರಾಶಿ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಕೆ ಕಲ್ಯಾಣ್ ಸಾಹಿತ್ಯದಲ್ಲಿ ಮೂಡಿ ಬಂದ `ನನ್ನ ಪ್ರೀತಿಯ ದೇವತೆಯೂ' ಗೀತೆಯನ್ನು ರಾಜೇಶ್ ಕೃಷ್ಣನ್ ಅದ್ಭುತವಾಗಿ ಹಾಡಿದ್ದರು.

ರಾಧಾ ಭಾರತಿ ಮತ್ತು ಆರ್ ಶೇಷಾದ್ರಿ ನಿರ್ದೇಶನದಲ್ಲಿ ಮೂಡಿಬಂದ ಯಜಮಾನ ಚಿತ್ರದಲ್ಲಿ ಸಾಹಸಸಿಂಹ ವಿಷ್ಣುವರ್ಧನ್ ರವರು ದ್ವಿಪಾತ್ರದಲ್ಲಿ ನಟಿಸಿದರು. ಈ ಚಿತ್ರದಲ್ಲಿ ಕೆ ಕಲ್ಯಾಣ್ ಸಾಹಿತ್ಯದಲ್ಲಿ ಮೂಡಿಬಂದ `ಪ್ರೇಮ ಚಂದ್ರಮ' ಪ್ರೇಮ ಗೀತೆಗೆ ರಾಜೇಶ್ ಧ್ವನಿಯಾಗಿದ್ದಾರೆ. 

ಎಸ್ ಮಹೇಂದರ್ ನಿರ್ದೇಶನದಲ್ಲಿ ಮೂಡಿಬಂದ ಕುಶಲವೇ ಕ್ಷೇಮವೇ ಚಿತ್ರದಲ್ಲಿ ರಮೇಶ್ ಅರವಿಂದ್ ಮತ್ತು ಶ್ರೀ ಲಕ್ಷ್ಮಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿ ಕೆ ಕಲ್ಯಾಣ್ ಸಾಹಿತ್ಯದಲ್ಲಿ ಮೂಡಿಬಂದ `ಟೆಲಿಫೋನ್ ಗೆಳತಿ' ಹಾಡು ರಾಜೇಶ್ ಕಂಠದಲ್ಲಿ ಅದ್ಭುತವಾಗಿ ಮೂಡಿ ಬಂದಿತ್ತು.

ಅರುಣ ಪ್ರಸಾದ್ ನಿರ್ದೇಶನದಲ್ಲಿ ಮೂಡಿಬಂದ ಚಂದು ಚಿತ್ರದಲ್ಲಿ ಕಿಚ್ಚ ಸುದೀಪ್ ಮತ್ತು ಸೋನಿಯಾ ಅಗರ್ವಾಲ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿ ಗುರುಕಿರಣ್ ಸಂಗೀತ ನೀಡಿದ್ದ `ಅವಳ ಒಲವ ನಗೆ' ಗೀತೆಯನ್ನು ರಾಜೇಶ್ ಮಧುರವಾಗಿ ಹಾಡಿದ್ದರು.

ಶ್ರೀ ನಿರ್ದೇಶನದಲ್ಲಿ ಮೂಡಿಬಂದ `ಒರಟ ಐ ಲವ್ ಯೂ' ಚಿತ್ರದಲ್ಲಿ ಪ್ರಶಾಂತ್ ಮತ್ತು ಸೌಮ್ಯ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿ ಮೂಡಿ ಬರುವ `ಯಾರೋ ಕಣ್ಣಲ್ಲಿ ಕಣ್ಣನ್ ಇಟ್ಟು' ಗೀತೆಯನ್ನು ರಾಜೇಶ್ ತುಂಬಾ ಎನರ್ಜಟಿಕ್ ಆಗಿ ಹಾಡಿದ್ದರು.

ಓಂ ಪ್ರಕಾಶ್ ರಾವ್ ನಿರ್ದೇಶನದಲ್ಲಿ ಮೂಡಿಬಂದ ಪಾರ್ಥ್ ಚಿತ್ರದಲ್ಲಿ ಸುದೀಪ್ ಮತ್ತು ಪಂಜಾಬಿ ಬೆಡಗಿ ಹರ್ದೀಪ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿನ `ಈ ಪ್ರೀತಿ ಒಂಥರಾ' ಗೀತೆಯನ್ನು ರಾಜೇಶ್ ಮಧುರವಾಗಿ ಹಾಡಿದ್ದರು.

ಉಪೇಂದ್ರ ನಿರ್ದೇಶಿಸಿ ನಾಯಕರಾಗಿ ನಟಿಸಿದ್ದ `ಎ' ಚಿತ್ರಕ್ಕೆ ಗುರುಕಿರಣ್ ಅದ್ಭುತವಾಗಿ ಸಂಗೀತ ನೀಡಿದ್ದರು. ಈ ಚಿತ್ರದಲ್ಲಿ ಉಪೇಂದ್ರ ಸಾಹಿತ್ಯದಲ್ಲಿ ಮೂಡಿಬಂದ `ಸುಮ್ ಸುಮ್ನೆ' ಗೀತೆಯನ್ನು ರಾಜೇಶ್ ಕೃಷ್ಣನ್ ಸುಮಧುರವಾಗಿ ಹಾಡಿದ್ದರು.