ಅತಿಚಿಕ್ಕ ವಯಸ್ಸಿನಲ್ಲೇ ಮದುವೆಯಾದ ಸ್ಯಾಂಡಲ್‌ವುಡ್ ನಟರು ಯಾರು ಗೊತ್ತಾ? ಇಲ್ಲಿದೆ ಮಾಹಿತಿ.

ಕರುನಾಡ ಚಕ್ರವರ್ತಿ ಶಿವರಾಜ್‌ಕುಮಾರ್ ಅವರು 1986 ಮೇ 19ರಂದ ಗೀತಾ ಅವರನ್ನು ಮದುವೆಯಾದರು. ಆಗ ಶಿವಣ್ಣನಿಗೆ 24 ವರ್ಷವಾಗಿದ್ದು, ಇವರ ಮದುವೆಯಲ್ಲಿ ಎಂಜಿಆರ್, ರಜನಿಕಾಂತ್, ಕಮಲ್ ಹಾಸನ್ ಸೇರಿದಂತೆ ಕನ್ನಡದ ಖ್ಯಾತ ನಟ-ನಟಿಯರು ಭಾಗಿಯಾಗಿದ್ದರು. ಗೀತಾ ಅವರು ಖ್ಯಾತ ರಾಜಕಾರಣಿ, ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪ ಅವರ ಪುತ್ರಿಯಾಗಿದ್ದರು. ಶಿವಣ್ಣ ಮದುವೆಯಾದ ವರ್ಷವೇ ಚೊಚ್ಚಲ ಸಿನಿಮಾ ಆನಂದ್ ಬಿಡುಗಡೆಯಾಗಿತ್ತು.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ 2000ನೇ ಇಸವಿಯ ಮೇ 19ರಂದು ಧರ್ಮಸ್ಥಳ ಮಂಜುನಾಥ ಸ್ವಾಮಿ ದೇವಸ್ಥಾನದಲ್ಲಿ  ವಿಜಯಲಕ್ಷ್ಮಿ ಅವರನ್ನು ಮದುವೆಯಾದರು. ಆಗ ನಟ ದರ್ಶನ್ ಅವರಿಗೆ ಕೇವಲ 23ವರ್ಷವಾಗಿತ್ತು. ಅಂದ್ಹಾಗೆ ದರ್ಶನ್ ಹಾಗೂ ವಿಜಯಲಕ್ಷ್ಮೀ ಅವರದ್ದು ಲವ್ ಕಮ್ ಆರೆಂಜ್ಡ್ ಮ್ಯಾರೇಜ್. ಆಗ ದರ್ಶನ್ ಪೋಷಕ ಕಲಾವಿದನಾಗಿದ್ದರೆ ಹೊರತು ನಾಯಕನಟನಾಗಿರಲಿಲ್ಲ.

ಪವರ್ ಸ್ಟಾರ್ ಪುನೀತ್‌ ರಾಜ್‌ಕುಮಾರ್ ಅವರು ಡಿಸೆಂಬರ್ 1, 1999ರಲ್ಲಿ ಅಶ್ವಿನಿ ಅವರನ್ನು ಮದುವೆಯಾದರು. ಕಾಮನ್ ಫ್ರೆಂಡ್ ಮೂಲಕ ಪರಿಚಯವಾದ ಈ ಜೋಡಿ ನಂತರ ಹಿರಿಯ ಸಮ್ಮುಖದಲ್ಲಿ ಚಿಕ್ಕಮಗಳೂರಿನಲ್ಲಿ ಮದುವೆಯಾಗಿದ್ದರು. ಅಪ್ಪು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಾಗ ಅವರ ವಯಸ್ಸು 24 ವರ್ಷ.

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರು ಅಕ್ಟೋಬರ್ 18, 2000ನೇ ಇಸವಿಯಲ್ಲಿ ಪ್ರಿಯಾ ಅವರನ್ನ ಪ್ರೀತಿಸಿ ಮದುವೆಯಾಗಿದ್ದರು. ಆಗ ಕಿಚ್ಚನಿಗೆ 24 ವರ್ಷ ವಯಸ್ಸಾಗಿತ್ತು. ಈ ಸಂದರ್ಭ ಸುದೀಪ್ ನಾಯಕನಾಗಿ ಅಭಿನಯಿಸಿದ ಮೊದಲ ಸಿನಿಮಾ 'ಸ್ಪರ್ಶ' ಬಿಡುಗಡೆಯಾಗಿತ್ತು. ಮದುವೆಗೂ ಮುನ್ನ ಪ್ರಿಯಾ ಏರ್‌ಲೈನ್ ಹಾಗೂ ಬ್ಯಾಕ್‌ವೊಂದರಲ್ಲಿ ಕೆಲಸ ಮಾಡುತ್ತಿದ್ದರು.

ರಾಕಿಂಗ್ ಸ್ಟಾರ್ ಯಶ್ 2016ರಲ್ಲಿ ರಾಧಿಕಾ ಪಂಡಿತ್ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಆಗ ಅವರಿಗೆ 30  ವರ್ಷ ವಯಸ್ಸಾಗಿತ್ತು. 2004ರಲ್ಲಿ ನಂದಗೋಕುಲ ಧಾರಾವಾಹಿ ಸಂದರ್ಭದಲ್ಲಿ ಯಶ್ ಮತ್ತು ರಾಧಿಕಾ ಭೇಟಿಯಾದರು. ಈ ಧಾರಾವಾಹಿ ಬಳಿಕ ಇವರಿಬ್ಬರು ಮೊಗ್ಗಿನ ಮನಸು ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದರು. ಈ ಸಂದರ್ಭ ಇಬ್ಬರ ನಡುವೆ ಉಂಟಾದ ಸ್ನೇಹ ಪ್ರೀತಿಗೆ ತಿರುಗಿತ್ತು. ಬಳಿಕ ಯಶ್ ಅವರೇ ರಾಧಿಕಾಗೆ ಮೊದಲು ಪ್ರಪೋಸ್ ಮಾಡಿದ್ದು, ಅವರು ಒಪ್ಪಿಗೆ ಸೂಚಿಸಲು 6 ತಿಂಗಳು ಸಮಯ ತೆಗೆದುಕೊಂಡಿದ್ದರಂತೆ.

ಗೋಲ್ಡನ್ ಸ್ಟಾರ್ ಗಣೇಶ್ 2008ರ ಫೆಬ್ರವರಿ  11 ರಂದು ಶಿಲ್ಪಾ ಅವರನ್ನು ಸೀಕ್ರೆಟ್ ಆಗಿ ಮದುವೆಯಾಗಿದ್ದರು. ಗಣೇಶ್ ಮದುವೆ ಅವರ ಫ್ಯಾನ್ಸ್‌ಗೆ  'ಹಾರ್ಟ್ ಬ್ರೇಕಿಂಗ್ ನ್ಯೂಸ್' ಆಗಿತ್ತು. ದಿಢೀರ್ ಅಂತ ಮದುವೆ ಆಗಿ ನಟ ಗಣೇಶ್ ಸಿಕ್ಕಾಪಟ್ಟೆ ಸದ್ದು ಮಾಡಿದ್ದರು. ಮದುವೆಯಾದಾಗ ಗೋಲ್ಡನ್ ಸ್ಟಾರ್‌ಗೆ 29 ವರ್ಷ ವಯಸ್ಸು.

ರಿಯಲ್ ಸ್ಟಾರ್ ಉಪೇಂದ್ರ ಮತ್ತು 'ಮಿಸ್ ಕೊಲ್ಕತ್ತಾ' ಆಗಿದ್ದ ಪ್ರಿಯಾಂಕಾ ಅವರ ವಿವಾಹ ಡಿಸೆಂಬರ್ 14, 2003ರಲ್ಲಿ ಮದುವೆಯಾದರು. ಆಗ ಉಪ್ಪಿಗೆ 26 ವರ್ಷ ವಯಸ್ಸು. ತೆಲುಗು ಸಿನಿಮಾ 'ರಾ' ವೇಳೆ ಉಪ್ಪಿ ಮೊದಲ ಬಾರಿ ಪ್ರಿಯಾಂಕಾ ಅವರನ್ನು ಭೇಟಿಯಾಗಿದ್ದರು. ನಂತರ ಇವರಿಬ್ಬರು  'H2O' ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದರು. ಇದು ಪ್ರಿಯಾಂಕಾ ಅವರ ಮೊದಲ ಚಿತ್ರ. ಈ ಸಿನಿಮಾ ವೇಳೆಯೇ ಉಪೇಂದ್ರ ಹಾಗೂ ಪ್ರಿಯಾಂಕ ಪ್ರೀತಿ ಶುರು ಆಯಿತು. ಬಳಿಕ 2003ರಲ್ಲಿ ಈ ಜೋಡಿ ವಿವಾಹ ಬಂಧನಕ್ಕೆ ಒಳಾಗಾಗಿಯಿತು.

ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅವರು 1975ರ ಫೆಬ್ರವರಿ 27ರಂದು ಭಾರತಿ ಅವರನ್ನು ಮದುವೆಯಾದರು. ಆಗ ಅವರಿಗೆ 25 ವರ್ಷ ವಯಸ್ಸಾಗಿತ್ತು. ಆಗತಾನೆ 'ನಾಗರಹಾವು' ಚಿತ್ರದ ಮೂಲಕ ಯಶಸ್ಸು ಕಂಡಿದ್ದ ವಿಷ್ಣುವರ್ಧನ್ ಮತ್ತು ಆಗಾಗಲೇ ಚಿತ್ರರಂಗದಲ್ಲಿ ಸ್ಟಾರ್ ನಟಿಯಾಗಿದ್ದ ಭಾರತಿ ಅವರ ವಿವಾಹ ದೊಡ್ಡ ಮಟ್ಟದಲ್ಲಿ ನಡೆದಿತ್ತು.

ನವರಸ ನಾಯಕ ಜಗ್ಗೇಶ್ 1984ರ ಮಾರ್ಚ್ ತಿಂಗಳಲ್ಲಿ ಪರಿಮಳ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಆಗ ಅವರಿಗೆ ಕೇವಲ 21 ವರ್ಷ ವಯಸ್ಸಾಗಿತ್ತು.  ಜಗ್ಗೇಶ್ ಅವರಿಗೆ ಪರಿಮಳ ಅವರಿಗೆ ಕಾಣಿಸಿಕೊಂಡಿದ್ದು ಒಂಬತ್ತನೇ ತರಗತಿಯಲ್ಲಿರುವಾಗ. ಇಬರಿಬ್ಬರ ಲವ್ ಸ್ಟೋರಿಗೆ ಕೋಮಲ್ ಸಾಥ್ ನೀಡುತ್ತಿದ್ದರಂತೆ. ಈ ಲವ್‌ಸ್ಟೋರಿ ಸಕ್ಸಸ್ ಆಗಿ ಮದುವೆ ಹಂತಕ್ಕೆ ಹೋದಾಗ ಹುಡುಗಿ ತಂದೆ ಕೋರ್ಟ್ ಮೆಟ್ಟಿಲೇರಿದ್ದರಂತೆ. ಬಳಿಕ ನ್ಯಾಯಾಧೀಶರು ಇವರಿಬ್ಬರ ಮದುವೆ ಅಸ್ತು ಅಂದಿದ್ದರಂತೆ.

ರೆಬೆಲ್ ಸ್ಟಾರ್ ಅಂಬರೀಶ್  8 ಡಿಸೆಂಬರ್ 1991ರಲ್ಲಿ ಸುಮಲತಾ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಆಗ ಅವರಿಗೆ 39 ವರ್ಷ ವಯಸ್ಸಾಗಿತ್ತು. ಈ ಸಂದರ್ಭ ಇವರಿಬ್ಬರು ಇಬ್ಬರು ಚಿತ್ರರಂಗದಲ್ಲಿ ಸ್ಟಾರ್ ನಟ-ನಟಿಯಾಗಿ ಬೆಳೆದಿದ್ದರು. ಸುಮಲತಾ ಹಾಗೂ ಅಂಬಿ 'ಆಹುತಿ' ಸಿನಿಮಾ ಶೂಟಿಂಗ್ ಸಂದರ್ಭದಲ್ಲಿ ಭೇಟಿಯಾಗಿದ್ದರಂತೆ. ಬಳಿಕ ಇವರಿಬ್ಬರ ನಡುವೆ ಉಂಟಾದ ಸ್ನೇಹ ಪ್ರೀತಿಗೆ ತಿರುಗಿತ್ತು.  ಸುಮಲತಾ ಅವರನ್ನು ಮದುವೆಯಾಗುವಾಗ ಅಂಬಿಗೆ 39 ವರ್ಷವಾಗಿತ್ತು.