Happy Birthday: ನಟಿ ಸುಮಲತಾ ಅಂಬರೀಶ್ ಅವರ ಆಸ್ತಿ ವಿವರ ಇಲ್ಲಿದೆ.

ಸುಮಲತಾ ಅಂಬರೀಶ್ 17,72,91,150 ರೂಪಾಯಿ ಸ್ಥಿರಾಸ್ತಿಯನ್ನು ಹೊಂದಿದ್ದಾರೆ. 41,00,000 ರೂಪಾಯಿ ಮೌಲ್ಯದ ಕೃಷಿ ಭೂಮಿಯನ್ನು ಹೊಂದಿದ್ದಾರೆ. ಬೆಂಗಳೂರಿನ ಜಯಪ್ರಕಾಶ  ನಗರದಲ್ಲಿ ಮನೆ ಹಾಗೂ ಕಟ್ಟಡಗಳನ್ನು  ಹೊಂದಿದ್ದು, ಅದರ ಮೌಲ್ಯ 17,72,91,150 ರೂಪಾಯಿಯಾಗಿದೆ. 

ಸುಮಲತಾ ಅಂಬರೀಶ್ ಲೋಕಸಭಾ ಚುನಾವಣೆಯ ನಾಮಪತ್ರ ಸಲ್ಲಿಕೆ ವೇಳೆ ನೀಡಿರುವ ಮಾಹಿತಿ ಪ್ರಕಾರ, ಅವರು 5.6 ಕೋಟಿ ಚರಾಸ್ತಿ ಹೊಂದಿದ್ದಾರೆ. ಹೆಚ್‌ಡಿಎಫ್ಸಿ, ಸಿಟಿ ಬ್ಯಾಂಕ್ ಹಾಗೂ ಎಸ್‌ಬಿಐ ಬ್ಯಾಂಕ್‌ಗಳ ಖಾತೆಗಳಲ್ಲಿ 12,70,363 ರೂಪಾಯಿ ನಗದು ಹೊಂದಿದ್ದಾರೆ. ವಿಜಯ ಬ್ಯಾಂಕ್ ಷೇರು, ಹೆಚ್‌ಡಿಎಫ್ಸಿ ಈಕ್ವಿಟಿ, ಹೆಚ್‌ಡಿಎಫ್ಸಿ ಯುಲಿಪ್, ವಿಮೆ, ಕೋಟಕ್ ಮಹೀಂದ್ರಾ ವಿಮೆ ಹೊಂದಿದ್ದಾರೆ. 1,66,81,189 ಮೌಲ್ಯದ ಚಿನ್ನ ಹಾಗೂ 12,57,545 ರೂ ಮೌಲ್ಯ ಬೆಳ್ಳಿ ಹೊಂದಿದ್ದಾರೆ.

ಸುಮಲತಾ ಅವರು ಒಟ್ಟು 1,42,32,295 ರೂಪಾಯಿ ಸಾಲ ಹೊಂದಿದ್ದಾರೆ. ಪ್ರಮೀಳಾ ಕೆ.ಜಿ (ಯಾವುದೇ ಭದ್ರತೆ ಇಲ್ಲದ ಸಾಲ) 45,00,000 ರೂ, ಸಂತೋಷ್ ಡಿ.ಟಿ (ಯಾವುದೇ ಭದ್ರತೆ ಇಲ್ಲದ ಸಾಲ) 95,00,000 ರೂ, ಸ್ಯಾಂಡಲ್‌ವುಡ್‌ ಮೀಡಿಯಾ (ಯಾವುದೇ ಭದ್ರತೆ ಇಲ್ಲದ ಸಾಲ) 2,32,295 ರೂಪಾಯಿ ಸಾಲ ಹೊಂದಿದ್ದಾರೆ. ಬ್ಯಾಂಕ್ ಇನ್ನಿತರ ಆರ್ಥಿಕ ಸಂಸ್ಥೆಗಳಿಂದ ಯಾವುದೇ ಬಗೆಯ ಸಾಲವನ್ನು ಹೊಂದಿಲ್ಲ, ಬಾಕಿ ಉಳಿಸಿಕೊಂಡಿಲ್ಲ ಎಂಬ ಮಾಹಿತಿಯನ್ನ ನೀಡಿದ್ದಾರೆ.

ಲೋಕಸಭಾ ಚುನಾವಣೆಯ ಸಂದರ್ಭದಲ್ಲಿ ಸ್ವತಃ ಸುಮಲತಾ ಅವರೇ ಪ್ರಕಟಿಸಿರುವ ಪ್ರಕಾರ, ಒಟ್ಟು 23.4 ಕೋಟಿಗೂ ಅಧಿಕ ಆಸ್ತಿ ಹೊಂದಿದ್ದಾರೆ. ಇನ್ನು ಗಮನಿಸಬೇಕಾದ ವಿಚಾರ ಅಂದರೆ ಸುಮಲತಾ ಅಂಬರೀಶ್ ದೊಡ್ಡ ಮೊತ್ತದ ಸಾಲವನ್ನ ಕೂಡ ಹೊಂದಿದ್ದಾರೆ. 

ಅಂಬಿ ಅಭಿಮಾನಿಗಳ ಪ್ರೀತಿಯ ಒತ್ತಾಯದ ಮೇರೆಗೆ ಸುಮಲತಾ ಅಂಬರೀಶ್ 2019ರ ಲೋಕಸಭಾ ಚುನಾವಣೆಯಲ್ಲಿ ಮಂಡ್ಯ ಕ್ಷೇತ್ರದಿಂದ ಸ್ಪರ್ಧಿಸಿದ್ದರು. ಪಕ್ಷೇತರ ಅಭ್ಯರ್ಥಿಯಾಗಿ ಕಣಕ್ಕಿಳಿದಿದ್ದ ಇವರು, ಅಭೂತಪೂರ್ವ ಗೆಲವುವನ್ನು ಸಾಧಿಸಿ ಮಂಡ್ಯ ಸಂಸದೆಯಾಗಿ ಆಯ್ಕೆಯಾಗಿದ್ದರು.