ಇತ್ತೀಚೆಗೆ ದುಬಾರಿ ಕಾರು ಖರೀಸಿದ ಸ್ಯಾಂಡಲ್‌ವುಡ್ ಸೆಲೆಬ್ರಿಟಿಗಳಿವರು: ಇವುಗಳ ಬೆಲೆ ಎಷ್ಟು ಗೊತ್ತಾ?

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಬಳಿ ಹಲವು ದುಬಾರಿ ಕಾರುಗಳಿವೆ. ಡಿ ಬಾಸ್ ಅವರಂತೆಯೇ ಕಾರುಗಳ ಕ್ರೇಜ್ ಹೊಂದಿರುವ ಅವರ ಪತ್ನಿ ವಿಜಯಲಕ್ಷ್ಮೀ ಇತ್ತೀಚೆಗೆ ರೇಂಜ್ ರೋವರ್ ಇವೊಕ್ ಕಾರು ಖರೀದಿಸಿದ್ದಾರೆ. ಈ ಕಾರಿನ ಬೆಲೆ 67 ಲಕ್ಷ ರೂಪಾಯಿಯಾಗಿದೆ. ಈ ಕಾರಿನ ಇಂಟೀರಿಯರ್ ನೋಡುವುದಾದರೆ, ವಿಂಡ್ಸರ್ ಲೆದರ್ ಸೀಟುಗಳು, ಮರು ವಿನ್ಯಾಸಗೊಳಿಸಲಾದ ಸೆಂಟರ್ ಕನ್ಸೋಲ್, ಹೀಡೆಟ್ ಮತ್ತು ಕೋಲ್ಡ್ ಫ್ರಂಟ್ ಸೀಟ್‌ಗಳು, ಕಾಸ್ಟಮೈಸ್ ಕ್ಯಾಬಿನ್ ಲೈಟಿಂಗ್ ಮತ್ತು ವಿಸ್ತರಿತ ಆಂತರಿಕ ಸ್ಥಳವನ್ನು ಹೊಂದಿದೆ. 

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಪತ್ನಿ ಹಾಗೂ ನಿರ್ಮಾಪಕಿ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಕೂಡ ಮೊನ್ನೆಯಷ್ಟೇ ಐಷಾರಾಮಿ ಕಾರು ಖರೀದಿಸಿದ್ದಾರೆ. ಅಪ್ಪು ಅವರಿಗೂ ಕೂಡ ಸಿಕ್ಕಾಪಟ್ಟೆ ಕಾರು-ಬೈಕ್ ಕ್ರೇಜ್ ಇತ್ತು. ಸಾಕಷ್ಟು ದುಬಾರಿ ಕಾರುಗಳು ಅವರ ಗ್ಯಾರೇಜ್‌ನಲ್ಲಿದ್ದು, ಇದೀಗ ಹೊಸ ಆಡಿಕ್ಯೂ 7 ಕಾರು ಸೇರಿಕೊಂಡಿದೆ. ಅಂದ್ಹಾಗೆ ಈ ಕಾರಿನ ಬೆಲೆ ಬೆಂಗಳೂರಿನಲ್ಲಿ 1 ಕೋಟಿ 10 ಲಕ್ಷ ರೂಪಾಯಿಯಾಗಿದೆ.  ಪನೋರಮಿಕ್ ಸನ್‌ರೂಫ್, 4 ಝೋನ್ ಆಟೋ ಕ್ಲೈಮೇಟ್ ಕಂಟ್ರೋಲ್, 250 KMPH ಸ್ಪೀಡ್ ಹೀಗೆ ಸಾಕಷ್ಟು ಫೀಚರ್ಸ್ ಈ ಕಾರ್‌ನಲ್ಲಿದ್ದು, ಇತ್ತೀಚೆಗೆ ಹೆಚ್ಚು ಮಾರಾಟವಾಗುತ್ತಿರುವ ಕಾರುಗಳಲ್ಲಿ ಇದು ಒಂದು.

ಬಿಗ್‌ಬಾಸ್‌ ಕನ್ನಡ ಸೀಸನ್ 10ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದ ತುಕಾಲಿ ಸಂತೋಷ್, ಶೋ ಮುಗಿದ ಬಳಿಕ ಕಿಯಾ ಸೆಲ್ಟೋಸ್ ಕಾರು ಖರೀದಿಸಿದ್ದರು. ಈ ಮೂಲಕ ಬಹುದಿನದ ತಮ್ಮ ಕನಸು ನನಸು ಮಾಡಿಕೊಂಡಿದ್ದರು. ಇದರ ಬೆಲೆ 20 ಲಕ್ಷ ರೂಪಾಯಿ ಎನ್ನಲಾಗಿದೆ. ಆದರೆ, ತುಕಾಲಿ ಸಂತೋಷ್ ಕಾರು ಖರೀದಿಸಿ ವಾರ ಕಳೆಯುವಷ್ಟರಲ್ಲಿ ಅಪಘಾತಕ್ಕೀಡಾಗಿತ್ತು. ಪತ್ನಿ ಮಾನಸ ಜೊತೆ ತುಮಕೂರು ಕಡೆಯಿಂದ ಕುಣಿಗಲ್ ಮಾರ್ಗವಾಗಿ ಹೊಳೆನರಸೀಪುರ ತೆರಳುತ್ತಿದ್ದಾಗ ಆಟೋ ಡಿಕ್ಕಿ ಹೊಡೆದಿತ್ತು. 

ಕನ್ನಡ ಚಿತ್ರರಂಗ ಖ್ಯಾತ ಹಾಸ್ಯನಟ ಬುಲೆಟ್ ಪ್ರಕಾಶ್ ಪುತ್ರ ರಕ್ಷಕ್ ಕೂಡ ಇತ್ತೀಚೆಗೆ ಹೊಸ ಕಾರು ಖರೀದಿಸಿದ್ದಾರೆ. ಬಿಗ್‌ಬಾಸ್‌ ಕನ್ನಡ ಸೀಸನ್ 10ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದ ರಕ್ಷಕ್, ಹೊರಬಂದ ಮೇಲೆ ಬಿಎಂಡಬ್ಬ್ಯೂ ಕಾರು ಖರೀದಿಸಿದ್ದರು. ಇದರ ಆರಂಭಿಕ ಬೆಲೆ 40 ಲಕ್ಷ ರೂಪಾಯಿಂದ 2 ಕೋಟಿ ರೂಪಾಯಿವರೆಗೆ ಇದೆ. ಇದನ್ನು ನೋಡಿದ ಹಲವರು, ಮಾಡಿದ್ದು ಒಂದೇ ಸಿನಿಮಾ ಇಷ್ಟೊಂದು ದುಬಾರಿ ಬೆಲೆಯ ಬಿಎಂಡಬ್ಬ್ಯೂ ಕಾರು ಖರೀದಿಸಲು ಹಣ ಎಲ್ಲಿಂದ ಬಂತು ಅಂತ ಪ್ರಶ್ನಿಸಿದ್ದರು. ಅಂದ್ಹಾಗೆ, ರಕ್ಷಕ್ ತಮ್ಮ ಅಕ್ಕನ ಮದುವೆ ಸಂದರ್ಭದಲ್ಲಿ ಮಹೀಂದ್ರಾ ಥಾರ್ ಖರೀದಿ ಮಾಡಿದ್ದರು. ಅದರ ಬೆನ್ನಲ್ಲೇ ಬಿಎಂಡಬ್ಬ್ಯೂ ಕಾರು ಖರೀದಿಸಿ ಎಲ್ಲರೂ ಹುಬ್ಬೇರಿಸುವಂತೆ ಮಾಡಿದ್ದರು.

ಸ್ಯಾಂಡಲ್‌ವುಡ್‌ನ ಸ್ಟಾರ್ ನಿರ್ದೇಶಕ ತರುಣ್ ಸುಧೀರ್ ಕೂಡ ಕಳೆದೆರಡು ದಿನಗಳ ಹಿಂದೆಯಷ್ಟೇ ಬಿಎಂಡಬ್ಲ್ಯೂ ಎಕ್ಸ್1 ಕಾರು ಖರೀಸಿಸಿದ್ದಾರೆ. ಈ ಕಾರಿನ ಬೆಲೆ 62 ಲಕ್ಷ ರೂಪಾಯಿ. ತಾಯಿ ಜೊತೆ ತೆರಳಿ ಕಾರು ಖರೀದಿಸಿ ತರುಣ್ ಸುಧೀರ್, ತಮ್ಮ ಹೊಸ ಕಾರನ್ನು ಮೋಹನ್ ಬಿ ಕೆರೆ ಸ್ಟೋಡಿಯೋದಲ್ಲಿ ನಡೆಯುತ್ತಿರುವ ಡೆವಿಲ್ ಸಿನಿಮಾ ಸೆಟ್‌ಗೆ ಕೊಂಡೊಯ್ದಿದ್ದಾರೆ. ನಂತರ ಎಡಗೈ ನೋವಿನ ಮಧ್ಯೆಯೂ ಗೆಳೆಯನ ಹೊಸ ಕಾರು ಓಡಿಸಿ ಖುಷಿಪಟ್ಟಿದ್ದಾರೆ. ಈ ವಿಡಿಯೋ ಸ್ವತಃ ತರುಣ್ ಸುಧೀರ್ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.  

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಮಾಂಗಲ್ಯಂ ತಂತು ನಾನೇನಾ ಧಾರಾವಾಹಿ ನಟಿ ಪ್ರಜ್ಞಾ ಭಟ್ ಕುಡ ಹೊಸ ಕಾರು ಖರೀದಿ ಮಾಡಿದ್ದಾರೆ. ಅವರು ಖರೀದಿಸಿರು ಕಾರು ಪೋಕ್ಸ್‌ವ್ಯಾಗನ್ ವರ್ಟಸ್‌ ಜಿಟಿ ಪ್ಲಸ್. ಈ ಕಾರಿನ ಎಕ್ಸ್‌ ಶೋ ರೂಮ್ ಬೆಲೆ 17 ಲಕ್ಷ ರೂಪಾಯಿ. ಇದು ಎಂಟು ಬಣ್ಣಗಳ ಆಯ್ಕೆಯಲ್ಲಿ ಸಿಗುತ್ತದೆ. ಶೃಂಗೇರಿ ಮೂಲದ ನಟಿ ಪ್ರಜ್ಞಾ ಭಟ್, ಒಲವೇ ಮಂದಾರ 2 ಸಿನಿಮಾದಲ್ಲಿಯೂ ಅಭಿನಯಿಸಿದ್ದಾರೆ.