ಅತಿಹೆಚ್ಚು ದುಬಾರಿ ಬೈಕ್ ಕಲೆಕ್ಷನ್ ಹೊಂದಿರುವ ಸ್ಯಾಂಡಲ್‌ವುಡ್ ನಟ ಯಾರು ಗೊತ್ತಾ? ಇಲ್ಲಿದೆ ಲಿಸ್ಟ್

ಸ್ಯಾಂಡಲ್‌ವುಡ್ ನಟರ ಕಾರು ಕಲೆಕ್ಷನ್ ಅಂದಾಕ್ಷಣ ತಕ್ಷಣ ನೆನಪಿಗೆ ಬರೋದೇ ಚಾಲೆಂಜಿಂಗ್ ಸ್ಟಾರ್ ದರ್ಶನ್. ಕಾರುಗಳ ಜೊತೆಗೆ ದಾಸನ ಬಳಿ ತಾವು ಮೊದಲು ಬಳಸಿದ ಸ್ಕೂಟರ್‌ನಿಂದ ಹಿಡಿದು ನಾಲ್ಕು ಅತ್ಯಂತ ದುಬಾರಿ ಬೈಕ್‌ಗಳಿವೆ. ಈ ಪೈಕಿ 16 ಲಕ್ಷ ಬೆಲೆಬಾಳುವ ಸುಜುಕಿ ಹಯಾಭುಜ, 19 ಲಕ್ಷದ ಸುಜುಕಿ Intruder ಎಂ 1800 ಆರ್, 20 ಲಕ್ಷದ ಹಾರ್ಲೆ-ಡೇವಿಡ್ಸನ್ ಹೆರಿಟೇಜ್ ಸಾಫ್ಟೇಲ್ ಕ್ಲಾಸಿಕ್ ಬೈಕ್ ಜೊತೆಗೆ 18 ಲಕ್ಷ ಮೌಲ್ಯದ ಡುಕಾಟಿ ಮಲ್ಟಿ ಎಸ್‌ಡಿಆರ್ 18ಎ 19ಎಸ್ ಬೈಕ್‌ಗಳು ಇವೆ. 

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಕೋಟ್ಯಂತರ ಜನರ ಆರಾಧ್ಯ ದೈವ. ಪುನೀತ್ ದೈಹಿಕವಾಗಿ ನಮ್ಮೊಂದಿಗಿಲ್ಲವಾದರೂ ಅವರ ನೆನಪು ಮರೆಯಾಗಿಲ್ಲ. ಅಪ್ಪು ಅವರು ಕಾರು ಮತ್ತು ಬೈಕ್‌ಗಳ ಬಗ್ಗೆಯೂ ಆಸಕ್ತಿ ಹೊಂದಿದ್ದರು. ಪುನೀತ್ ಬಳಿ 37 ಲಕ್ಷ ಬೆಲೆಬಾಳುವ ಹಾರ್ಲೆ-ಡೇವಿಡ್ಸನ್ ಅಲ್ಟ್ರಾ ಕ್ಲಾಸಿಕ್ ಎಲೆಕ್ಟ್ರಾಗ್ಲೆಡ್ ಎಂಬ ಬೈಕ್ ಇತ್ತು. ಕನ್ನಡದ ಯಾವ ನಟರ ಬಳಿಯೂ ಇಲ್ಲದ ದುಬಾರಿ ಬೈಕ್ ಇದಾಗಿತ್ತು. ಇದರ ಜೊತೆಗೆ  22 ಲಕ್ಷ ರೂ. ಮೌಲ್ಯದ ಸುಜಿಕಿ ಜಿಎಸ್‌6 ಆರ್1000, 9 ಲಕ್ಷದ ಸುಜುಕಿ Intruder ಎಂ 1800 ಆರ್, 16 ಲಕ್ಷ ಬೆಲೆಬಾಳುವ ಸುಜುಕಿ ಹಯಾಭುಜ, ಸುದೀಪ್ ಸಲಹೆ ಮೇರೆಗೆ 19 ಲಕ್ಷ ರೂ ಮೌಲ್ಯದ ಬಿಎಂಬ್ಲ್ಯೂ ಆರ್ 1200 ಜಿಎಸ್ ಬೈಕ್ ಖರೀಸಿದ್ದರು.

ಡೈನಾಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ಕೂಡ ದುಬಾರಿ ಬೈಕ್‌ಗಳನ್ನು ಹೊಂದಿದ್ದಾರೆ. 16 ಲಕ್ಷ ಬೆಲೆಬಾಳುವ ಹಾರ್ಲೆ-ಡೇವಿಡ್ಸನ್ ಸ್ಟ್ರೀಟ್ ಬಾಪ್ ಬೈಕ್ ಹೊಂದಿರುವ ಪ್ರಜ್ವಲ್, ಆಗಾಗ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಜೊತೆ ಬೈಕ್ ರೈಡ್ ಹೋಗ್ತಾರೆ. ಇದರ ಜೊತೆಗೆ ದುಬಾರಿ ಬೆಲೆಯ ಕಾರು ಕಲೆಕ್ಷನ್ ಕೂಡ ಹೊಂದಿದ್ದಾರೆ. 

ಗೋಲ್ಡನ್ ಸ್ಟಾರ್ ಗಣೇಶ್ ಅವರು ಎಲ್ಲಾ ನಟರಿಗಿಂತ ವಿಭಿನ್ನ. ಗೋಲ್ಡನ್ ಹೀರೋ ಬಳಿ ಅನೇಕ ದುಬಾರಿ ಕಾರುಗಳಿವೆ. ಇದರ ಜೊತೆಗೆ ದುಬಾರಿ ಬೈಕ್‌ಗಳ ಬದಲಾಗಿ ದುಬಾರಿ ಸೈಕಲ್‌ಗಳಿವೆ. ಗಣೇಶ್ ಹತ್ತಿರ ಸುಮಾರು ಎರಡುವರೆ ಲಕ್ಷ ರೂ. ಬೆಲೆಬಾಳುವ ಮರ್ಸಿಡೀಸ್ ಬೆಂಜ್, ಬಿಎಂಡಬ್ಲ್ಯೂ, ಬಿ12 ಸೈಕಲ್‌ಗಳನ್ನು ಹೊಂದಿದ್ದಾತೆ.  ಹೆಲ್ತ್‌ ಬಗ್ಗೆ ಹೆಚ್ಚು ಕಾಳಜಿವಹಿಸುವ ಗಣಿ, ಪ್ರತಿ ಭಾನುವಾರ ಗೆಳೆಯರ ಜೊತೆಗೆ ಸೈಕಲ್ ಸವಾರಿ ಹೋಗ್ತಾರೆ. ಜೊತೆಗೆ ಶೂಟಿಂಗ್ ಸೆಟ್‌ಗಳಿಗೂ ಒಮ್ಮೊಮ್ಮೆ ಸೈಕಲ್‌ನಲ್ಲೇ ಹೋಗ್ತಾರಂತೆ. 

ಬೈಕ್ ಕ್ರೇಜ್ ಹೊಂದಿರುವ ಚಂದನವನದ ಮತ್ತೊಬ್ಬ ನಟ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್. ಕಿಚ್ಚನ ಬಳಿ 12 ಲಕ್ಷರೂ. ಬೆಲೆಬಾಳುವ ಯಮಹಾ ಎಂಟಿ 01 ಇದೆ. ಈ ಬೈಕ್ ಭಾರತಕ್ಕೆ 2010ರಲ್ಲಿ ಬಂದ ಅಪರೂಪದ ಸೂಪರ್ ಬೈಕ್‌ಗಳಲ್ಲಿ ಒಂದಾಗಿದೆ. ಇದರ ಜೊತೆಗೆ 19 ಲಕ್ಷ ರೂ ಮೌಲ್ಯದ ಬಿಎಂಬ್ಲ್ಯೂ ಆರ್ 1200 ಜಿಎಸ್ ಬೈಕ್ ಇದೆ. ಇಷ್ಟೇ ಅಲ್ಲದೇ ಇವುಗಳ ಜೊತೆಗೆ ಒಂದು ಸೈಕಲ್ ಕೂಡ ಹೊಂದಿದ್ದಾರೆ.