ದರ್ಶನ್, ಸುದೀಪ್, ಪುನೀತ್ ಸೇರಿದಂತೆ ಸ್ಯಾಂಡಲ್‌ವುಡ್‌ ಸ್ಟಾರ್ ನಟರ ಮದುವೆ ನಡೆದದ್ದು ಎಲ್ಲಿ ಗೊತ್ತಾ? ಇಲ್ಲಿದೆ ಲಿಸ್ಟ್

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ವಿಜಯಲಕ್ಷ್ಮೀ 2000ನೇ ಇಸವಿಯ ಮೇ 19ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇವರಿಬ್ಬರದ್ದು ಲವ್ ಮ್ಯಾರೇಜ್. ಈ ಸಂದರ್ಭದಲ್ಲಿ ದರ್ಶನ್ ಪೋಷಕ ಕಲಾವಿದನಾಗಿದ್ದರೇ, ಹೊರತು ನಾಯಕನಟನಾಗಿರಲಿಲ್ಲ. ಅಂದ್ಹಾಗೆ ಇವರಿಬ್ಬರ ವಿವಾಹ ಧರ್ಮಸ್ಥಳದ ಮಂಜುನಾಥ ಸ್ವಾಮಿ ದೇವಸ್ಥಾನದಲ್ಲಿ ನಡೆದಿತ್ತು.

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಹಾಗೂ ಗೀತಾ ಅವರದ್ದು ಆರೇಂಜ್ಡ್ ಮ್ಯಾರೇಜ್. ಗೀತಾ ಅವರು ಖ್ಯಾತ ರಾಜಕಾರಣಿ, ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪ ಅವರ ಪುತ್ರಿ. 1986 ಮೇ 19ರಂದು ಬೆಂಗಳೂರಿನಲ್ಲಿಯೇ ಇವರಿಬ್ಬರ ವಿವಾಹ ಸಮಾರಂಭ ಜರುಗಿತ್ತು. ಶಿವಣ್ಣ ಮದುವೆಯಲ್ಲಿ ಎಂಜಿಆರ್, ರಜನಿಕಾಂತ್, ಕಮಲ್ ಹಾಸನ್ ಸೇರಿದಂತೆ ಕನ್ನಡ ನಟ-ನಟಿಯರು ಭಾಗಿಯಾಗಿದ್ದರು.  

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮತ್ತು ಪ್ರಿಯಾ ಅವರದ್ದು ಕೂಡ ಲವ್ ಮ್ಯಾರೇಜ್. ಇವರಿಬ್ಬರ 2000ರ ಅಕ್ಟೋಬರ್ 18ರಲ್ಲಿ ಬೆಂಗಳೂರಿನಲ್ಲಿಯೇ ನೆವೇರಿತ್ತು. ಆ ವೇಳೆ ಸುದೀಪ್ ನಾಯಕನಾಗಿ ಅಭಿನಯಿಸಿದ ಮೊದಲ ಸಿನಿಮಾ 'ಸ್ಪರ್ಶ' ಬಿಡುಗಡೆಯಾಗಿತ್ತು. ಮದುವೆಗೂ ಮುನ್ನ ಪ್ರಿಯಾ ಏರ್‌ಲೈನ್ ಹಾಗೂ ಬ್ಯಾಕ್‌ವೊಂದರಲ್ಲಿ ಕೆಲಸ ಮಾಡುತ್ತಿದ್ದರು.

ಪವರ್ ಸ್ಟಾರ್ ಪುನೀತ್‌ ರಾಜ್‌ಕುಮಾರ್ ಮತ್ತು ಅಶ್ವಿನಿ ಅವರು ಪ್ರೀತಿಸಿ ಮದುವೆಯಾಗಿದ್ದರು. ಇವರಿಬ್ಬರ ವಿವಾಹ ಸಮಾರಂಭ 1999ರ ಡಿಸೆಂಬರ್ 1ರಂದು ಕಾಫಿನಾಡು ಚಿಕ್ಕಮಗಳೂರಿನಲ್ಲಿ ನಡೆದಿತ್ತು. ಇಂದು ಕನ್ನಡದ ಕಣ್ಮಣಿ ಅಪ್ಪು ನಮ್ಮೊಂದಿಗೆ ದೈಹಿಕವಾಗಿ ಇಲ್ಲವಾದರೂ ಭಾವನಾತ್ಮಕವಾಗಿ ಪ್ರತಿಯೊಬ್ಬರಲ್ಲೂ ಬೆರೆತುಹೋಗಿದ್ದಾರೆ. ಮನೆ ಮಗನಂತೆ ಕರ್ನಾಟಕದ ರಾಜರತ್ನನನ್ನು ಜನರು ಇಂದಿಗೂ ಆರಾಧನೆ ಮಾಡುತ್ತಲೇ ಬಂದಿದ್ದಾರೆ. ಜನಮಾನಸದಲ್ಲಿ ಅಪ್ಪು ಎಂದಿಗೂ ಅಮರವಾಗಿದ್ದಾರೆ.

ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಪ್ರಿಯಾಂಕಾ ನಡುವೆ H2O ಸಿನಿಮಾದ ಚಿತ್ರೀಕರಣದ ಸಂದರ್ಭದಲ್ಲಿ ಪ್ರೀತಿ ಚಿಗುರೊಡೆದಿತ್ತು.  2003ರ ಡಿಸೆಂಬರ್ 14ರಂದು ದೂರದ ಕೋಲ್ಕತ್ತಾದಲ್ಲಿ ಕುಟುಂಬಸ್ಥರ ಸಮ್ಮುಖದಲ್ಲಿ ಮದುವೆಯಾಗಿ, ಈ ಜೋಡಿ ಅಭಿಮಾನಿಗಳಿಗೆ ಶಾಕ್​ ನೀಡಿತ್ತು.  

ಗೋಲ್ಡನ್ ಸ್ಟಾರ್ ಗಣೇಶ್ 2008ರ ಫೆಬ್ರವರಿ  11ರಂದು ಶಿಲ್ಪಾ ಅವರನ್ನು ಸೀಕ್ರೆಟ್ ಆಗಿ ಮದುವೆಯಾಗಿದ್ದರು. ಗಣೇಶ್ ಮದುವೆ ಅವರ ಫ್ಯಾನ್ಸ್‌ಗೆ  'ಹಾರ್ಟ್ ಬ್ರೇಕಿಂಗ್ ನ್ಯೂಸ್' ಆಗಿತ್ತು. ದಿಢೀರ್ ಅಂತ ಮದುವೆ ಆಗಿ ನಟ ಗಣೇಶ್ ಸಿಕ್ಕಾಪಟ್ಟೆ ಸದ್ದು ಮಾಡಿದ್ದರು. ತಮ್ಮ ಮದುವೆ ಬಗ್ಗೆ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲಿ ಮಾತನಾಡಿದ್ದ ಗಣೇಶ್, 'ಮುಂಗಾರು ಮಳೆ' ಶುರು ಆಗುವ ಮುಂಚಿನಿಂದಲೂ ನಾವಿಬ್ಬರು ಸ್ನೇಹಿತರು. ಈ ಸಿನಿಮಾ ಬಂದ್ಮೇಲೆ ಮದುವೆ ಆಗೋಣ ಅನಿಸ್ತು. ಮದುವೆ ಆದ್ವಿ ಎಂದು ತಿಳಿಸಿದ್ದರು.  ಅಂದ್ಹಾಗೆ ಇವರಿಬ್ಬರ ವಿವಾಹ ಬೆಂಗಳೂರಿನ ಜೆ.ಪಿ ನಗರದಲ್ಲಿ ಜರುಗಿತ್ತು.