ಸೌತ್ ಸಿನಿಮಾರಂಗದ ಸ್ಟಾರ್ ನಟರ ಮಕ್ಕಳ ಹೆಸರೇನು ಗೊತ್ತಾ? ಇಲ್ಲಿದೆ ಲಿಸ್ಟ್

ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿರುವ ಟಾಲಿವುಡ್ ನಟ ಅಲ್ಲು ಅರ್ಜುನ್ 2010ರಲ್ಲಿ ಸ್ನೇಹಾ ರೆಡ್ಡಿಯವರನ್ನು ಪ್ರೀತಿಸಿ ಮದುವೆಯಾದರು. ಸ್ನೇಹಾ ಹೈದರಾಬಾದ್‌ನ ಖ್ಯಾತ ಉದ್ಯಮಿಯ ಪುತ್ರಿಯಾಗಿದ್ದು, ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಸದ್ಯ ಪುಷ್ಪಾ೨ ಸಿನಿಮಾದ ಯಶಸ್ಸಿನ ಖುಷಿಯಲ್ಲಿರುವ ಅಲ್ಲು ಅರ್ಜುನ್ ಪುತ್ರಿಯ ಹೆಸರು ಅರ್ಹ ಹಾಗೂ ಮಗನ ಹೆಸರು ಅಯಾನ್. 

ಜೂನಿಯರ್ ಎನ್‌ಟಿಆರ್ ಟಾಲಿವುಡ್‌ನ ಸ್ಟಾರ್ ನಟರಲ್ಲೊಬ್ಬರು. 2022ರಲ್ಲಿ ಬಿಡುಗಡೆಯಾದ ರಾಜಮೌಳಿ ನಿರ್ದೇಶನದ 'ಆರ್‌ಆರ್‌ಆರ್' ಸಿನಿಮಾ ಮೂಲಕ ವಿಶ್ವದಾದ್ಯಂತ ಅಪಾರ ಜನಪ್ರಿಯತೆ ಗಳಿಸಿರುವ ಅವರು, 2011ರಲ್ಲಿ ಲಕ್ಷ್ಮೀ ರಾವ್ ಅವರನ್ನು ಮದುವೆಯಾದರು. ಇವರಿಗೆ ಇಬ್ಬರು ಗಂಡು ಮಕ್ಕಳಿದ್ದು, ಅವರಿಗೆ ನಂದಮುರಿ ಅಭಯ್ ರಾಮ್ ಹಾಗೂ ನಂದಮುರಿ ಭಾರ್ಗವ್ ರಾಮ್ ಅಂತ ಹೆಸರಿಟ್ಟಿದ್ದಾರೆ. 

ಕಾಲಿವುಡ್‌ನ ಕ್ಯೂಟ್‌ ಕಪಲ್ ಸೂರ್ಯ ಮತ್ತು ಜ್ಯೋತಿಕಾ. ಕೆಲ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದ ಈ ಜೋಡಿ, 2006ರಲ್ಲಿ ಪ್ರೀತಿಸಿ ಮದುವೆಯಾದರು. ಜ್ಯೋತಿಕಾ ನಿರ್ಮಾಪಕ ಚಂದರ್ ಸದನ ಅವರ ಮಗಳು. ಈ ಜೋಡಿಗೂ ಕೂಡ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ. ಮಗಳಿಗೆ ದಿಯಾ ಹಾಗೂ ಮಗನಿಗೆ ದೇವ್ ಅಂತ ಹೆಸರಿಟ್ಟಿದ್ದಾರೆ. 

ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕಾ ಪಂಡಿತ್ ಕನ್ನಡ ಚಿತ್ರರಂಗದ ಮುದ್ದಾದ ಜೋಡಿ. KGF ರೀತಿಯ ಸೆನ್ಸೇಷನ್‌ ಸಿನಿಮಾದಿಂದ ದೇಶ ವಿದೇಶದಲ್ಲೂ ರಾಕಿ ಭಾಯ್ ಆಗಿ ಚಿರಪರಿಚಿತರಾಗಿರುವ ಯಶ್, ಅಸಂಖ್ಯಾತ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಯಶ್ & ರಾಧಿಕಾ  2016ರಲ್ಲಿ ಮದುವೆಯಾಗಿದ್ದು, ಇಬ್ಬರು ಮಕ್ಕಳಿದ್ದಾರೆ. ಯಶ್ ಮಗಳ ಹೆಸರು ಐರಾ ಹಾಗೂ ಮಗ ಯಥರ್ವ್. 

ತೆಲುಗು ಚಿತ್ರರಂಗದ ಬೇಡಿಕೆಯ ನಟರಲ್ಲಿ ಒಬ್ಬರಾಗಿರುವ ಮಹೇಶ್ ಬಾಬು, ಸಿನಿಮಾದ ಜೊತೆಗೆ ಕುಟುಂಬಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತಾರೆ. ಇವರು 2005ರಲ್ಲಿ ತೆಲುಗು, ಮಲಯಾಳಂ, ಮರಾಠಿ, ಹಿಂದಿ ಹಾಗೂ ಕನ್ನಡ ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದ ನಟಿ  ನಮ್ರತಾ ಶಿರೋಡ್ಕರ್ ಅವರನ್ನು ಮದುವೆಯಾದರು. ಈ ದಂಪತಿಯ ಮಗಳ ಹೆಸರು ಸಿತಾರಾ ಘಟ್ಟಮನೇನಿ ಹಾಗೂ ಮಗ ಗೌತಮ್ ಘಟ್ಟಮನೇನಿ.  

ದುಲ್ಕರ್ ಸಲ್ಮಾನ್ ಮಲಯಾಳಂ ಚಿತ್ರರಂಗದ ಹ್ಯಾಂಡ್ ಸಮ್ ನಟ. ಇವರು ಮಾಲಿವುಡ್ ಮಾತ್ರವಲ್ಲದೇ, ಪರಭಾಷೆಯಲ್ಲೂ ಸಿಕ್ಕಾಪಟ್ಟೆ ಅಭಿಮಾನಿಗಳನ್ನು ಹೊಂದಿದ್ದಾರೆ. ದುಲ್ಕರ್ 2011ರಲ್ಲಿ ಅಮಲಾ ಸೂಫಿಯಾ ಅವರನ್ನು ಪ್ರೀತಿಸಿ ಮದುವೆಯಾದರು. ಅಮಲಾ ಅವರು ಖ್ಯಾತ ಉದ್ಯಮಿ ಸೈಯದ್ ನಿಜಾಮುದ್ದೀನ್ ಮಗಳು. ಈ ದಂಪತಿಗೆ ಓರ್ವ ಪುತ್ರಿಯಿದ್ದು, ಆಕೆಗೆ ಮರಿಯಮ್ ಅಮೀರಾ ಸಲ್ಮಾನ್ ಅಂತ ಹೆಸರಿಟ್ಟಿದ್ದಾರೆ. 

ಟಾಲಿವುಡ್ ನಟ ರಾಮ್ ಚರಣ್ ಕೂಡ 'ಆರ್‌ಆರ್ಆರ್' ಸಿನಿಮಾ ಮೂಲಕ ಗ್ಲೋಬಲ್ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಇವರು 2012ರಲ್ಲಿ ಉಪಾಸನಾ ಅವರನ್ನು ಮದುವೆಯಾದರು. ಉಪಾಸನಾ ತಂದೆ ಅನಿಲ್ ಕಾಮಿನೇನಿ ಕೆಇಐ ಗ್ರೂಪ್‌ನ ಸಂಸ್ಥಾಪಕರು. ಅವರ ತಾಯಿ ಶೋಭನಾ ಅಫೋಲೋ ಆಸ್ಪತ್ರೆಯಲ್ಲಿ ಉನ್ನತ ಹುದ್ದೆಯಲ್ಲಿದ್ದಾರೆ. ಶೋಭನಾ ತಂದೆ ಪ್ರತಾಪ್ ಸಿ ರೆಡ್ಡಿ ಅವರೇ ಅಫೋಲೋ ಆಸ್ಪತ್ರೆಯ ಸಂಸ್ಥಾಪಕರು. ಉಪಾಸನಾ ಕೂಡ ಅಪೋಲೋ ಆಸ್ಪತ್ರೆಯಲ್ಲಿ ಉನ್ನತ ಹುದ್ದೆಯಲ್ಲಿದ್ದಾರೆ. ಈ 2023ರಲ್ಲಿ ಪುತ್ರಿ ಜನಿಸಿದ್ದು, ಆಕೆಗೆ ಕ್ಲಿನ್ ಕಾರಾ ಅಂತ ಹೆಸರಿಟ್ಟಿದ್ದಾರೆ.