ಯುವರಾಜ್ ಸಿಂಗ್‌ರಿಂದ ಇರ್ಫಾನ್ ಪಠಾಣ್‌ವರೆಗೆ: ಸಿನಿಮಾಗಳಲ್ಲಿ ನಟಿಸಿರುವ ಸ್ಟಾರ್ ಕ್ರಿಕೆಟಿಗರಿವರು!

ಯುವರಾಜ್‌ ಸಿಂಗ್ ಕ್ರಿಕೆಟ್ ಹಾಗೂ ನಟನೆ ಹಿನ್ನೆಲೆ ಹೊಂದಿರುವ ಕುಟುಂಬಕ್ಕೆ ಸೇರಿದವರು. ಯುವರಾಜ್ ಬಾಲಕಲಾವಿದರಾಗಿ ತಮ್ಮ ತಂದೆ ಸಿನಿಮಾಗಳ ಜೊತೆಗೆ ಹಲವು ಸ್ಟಾರ್ ನಟರ ಸಿನಿಮಾಗಳಲ್ಲಿ ಬಣ್ಣಹಚ್ಚಿದ್ದಾರೆ. ಮಂದೆ ಕ್ರಿಕೆಟ್‌ನತ್ತ ಹೆಚ್ಚಿನ ಗಮನ ವಹಿಸಿದ ಇವರು, ಸ್ಟಾರ್ ಕ್ರಿಕೆಟರ್ ಆಗಿ ಜನಪ್ರಿಯತೆ ಗಳಿಸಿದರು.

ಭಾರತೀಯ ರಾಷ್ಟ್ರೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಮತ್ತು ವಿಶ್ವದ ಅತ್ಯುತ್ತಮ ಫೀಲ್ಟರ್‌ಗಳಲ್ಲಿ ಒಬ್ಬರೆಂದು ಗುರುತಿಸಿಕೊಂಡಿರುವ ಅಜಯ್ ಜಡೇಜಾ, 2003ರಲ್ಲಿ ಕ್ರಿಕೆಟ್‌ನಿಂದ ನಿವೃತ್ತರಾದರು. ನಂತರ 'ಖೇಲ್' ಸಿನಿಮಾ ಮೂಲಕ ಸಿನಿಮಾರಂಗಕ್ಕೆ ಎಂಟ್ರಿಕೊಟ್ಟರು. ನಂತರ ಪಲ್‌ ಪಲ್‌ ದಿ ಕೆ ಸಾಥ್ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

1983ರ ವಿಶ್ವಕಪ್‌ನಲ್ಲಿ ಭಾರತ ತಂಡವನ್ನು ಅನೀರಿಕ್ಷಿತ ವಿಜಯದತ್ತ ಮುನ್ನೆಡಿಸಿದ ಕೀರ್ತಿಗೆ ಪಾತ್ರರಾದ ಕಪಿಲ್ ದೇವ್, ಕ್ರಿಕೆಟ್ ಇತಿಹಾಸದಲ್ಲಿ ಶ್ರೇಷ್ಠ ಆಲ್‌ರೌಂಡರ್‌ಗಳಲ್ಲಿ ಒಬ್ಬರು. ಅಂದ್ಹಾಗೆ ಇವರು ದಿಲ್ಲಗಿ ಯೇ ದಿಲ್ಲಗಿ, ಚೈನ್ ಕುಲಿ ಕಿ ಮೈನ್ ಕುಲಿ, ಇಕ್ಬಾಲ್ ಸೇರಿಂದತೆ 7ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಸಚಿನ್ ತೆಂಡೂಲ್ಕರ್ ಅವರೊಂದಿಗೆ ಟೆಸ್ಟ್ ವೃತ್ತಿಜೀವನವನ್ನು ಆರಂಭಿಸಿದ ಸಲೀಲ್ ಅಂಕೋಲಾ, 2000ರಲ್ಲಿ ಸಿನಿಮಾರಂಗಕ್ಕೆ ಕಾಲಿಟ್ಟರು. ಇವರು ಬಾಲಿವುಡ್ ಸ್ಟಾರ್ ನಟ ಸಂಜಯ್ ದತ್ ಜೊತೆಗೆ 'ಕುರುಕ್ಷೇತ್ರ' ಸಿನಿಮಾದಲ್ಲಿ ಪೊಲೀಸ್ ಅಧಿಕಾರಿಯಾಗಿ ನಟಿಸಿದರು. ಆನಂತರ ಕ್ರಿಕೆಟ್ ಆಧಾರಿತ 'ಸೈಲೆನ್ಸ್‌'ನಲ್ಲೂ ಕಾಣಿಸಿಕೊಂಡಿದ್ದಾರೆ.

ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿಗೆ ಹೆಸರಾದ ಕ್ರಿಕೆಟಿಗ ವಿನೋದ್ ಕಾಂಬ್ಳಿ, 2002ರಲ್ಲಿ ಸುನೀಲ್ ಶೆಟ್ಟಿ ಅವರೊಂದಿಗೆ 'ಅನರ್ಥ್' ಸಿನಿಮಾದಲ್ಲಿ ನಟಿಸಿದರು. ಆನಂತರ 2009ರಲ್ಲಿ ಕ್ರಿಕೆಟಿಗ ಅಜಯ್ ಜಡೇಜಾ ಜೊತೆ ಪಲ್‌ ಪಲ್‌ ದಿ ಕೆ ಸಾಥ್ ಚಿತ್ರದಲ್ಲೂ ಬಣ್ಣಹಚ್ಚಿದ್ದರು.

2004ರಲ್ಲಿ ಭಾರತ ಕ್ರಿಕೆಟ್ ತಂಡಕ್ಕೆ ಎಡಗೈ ಬೌಲರ್ ಆಗಿ ಎಂಟ್ರಿಕೊಟ್ಟ ಇರ್ಫಾನ್ ಪಠಾಣ್, ಉತ್ತಮ ಆಟಗಾರನಾಗಿ ಗಮನ ಸೆಳೆದಿದ್ದರು. ಬೌಲಿಂಗ್ ಜೊತೆಗೆ ಬ್ಯಾಟಿಂಗ್‌ನಲ್ಲಿಯೂ ಸ್ಕೋರ್ ಮಾಡಿದ್ದ ಇವರು, ಇತ್ತೀಚೆಗೆ ಕ್ರಿಕೆಟ್‌ನಿಂದ ದೂರ ಉಳಿದಿದ್ದಾರೆ. ಇವರು  2022 ತೆರೆಕಂಡ ಚಿಯಾನ್ ವಿಕ್ರಮ್ ಹಾಗೂ ಶ್ರೀನಿಧಿ ಶೆಟ್ಟಿ ನಟನೆಯ 'ಕೋಬ್ರಾ' ಸಿನಿಮಾದಲ್ಲಿ ಇಂಟರ್‌ಪೋಲ್ ಆಫೀಸರ್ ಆಗಿ ಕಾಣಿಸಿಕೊಂಡಿದ್ದರು.