ಈ ಕಾರಣಗಳಿಗಾಗಿ ನೀವು ಪುನೀತ್ ರಾಜಕುಮಾರ್ ಜೇಮ್ಸ್ ಚಿತ್ರವನ್ನು ನೋಡಲೇಬೇಕು

ಮೊದಲ ಬಾರಿಗೆ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಸೈನಿಕನ ಪಾತ್ರದಲ್ಲಿ ನಟಿಸಿದ್ದಾರೆ. ಬಹದ್ದೂರ್ ಚೇತನ್ ನಿರ್ದೇಶನದಲ್ಲಿ ಮೂಡಿಬಂದ ಈ ಚಿತ್ರ ಅಪ್ಪು ದೇಶ ಕಾಯುವ ಸೈನಿಕನ ಪಾತ್ರದಲ್ಲಿ ನಟಿಸಿದ್ದಾರೆ.

ಶಿವರಾಜಕುಮಾರ್, ರಾಘವೇಂದ್ರ ರಾಜಕುಮಾರ್ ಮತ್ತು ಪುನೀತ್ ರನ್ನು ಒಂದೇ ಚಿತ್ರದಲ್ಲಿ ನೋಡಬೇಕೆಂಬುದು ಅಭಿಮಾನಿಗಳ ಬಹುದಿನಗಳ ಆಸೆಯಾಗಿತ್ತು. ಜೇಮ್ಸ್ ಪುನೀತ್ ನಾಯಕನಾಗಿ ನಟಿಸಿದ ಕೊನೆಯ ಚಿತ್ರವಾಗಿರುವುದರಿಂದ ಚೇತನ್ ಕುಮಾರ್ ಈ ಚಿತ್ರದಲ್ಲಿ ಶಿವಣ್ಣ ಮತ್ತು ರಾಘಣ್ಣ ವಿಶೇಷ ಪಾತ್ರಗಳಲ್ಲಿ ತೋರಿಸಿದ್ದಾರೆ.

ಚಿತ್ರದ ಒಂದು ಗೀತೆ ಮತ್ತು ಡಬ್ಬಿಂಗ್ ಕೆಲಸ ಬಾಕಿಯಿರುವಾಗ ಪುನೀತ್ ನಿಧನರಾಗಿದ್ದರಿಂದ, ಪುನೀತ್ ಪಾತ್ರದ ಡಬ್ಬಿಂಗ್ ಹಾಗೇ ಉಳಿದಿತ್ತು. ಚಿತ್ರತಂಡ ಚಿತ್ರೀಕರಣ ಮಾಡುವಾಗಿನ ಪುನೀತ್ ಧ್ವನಿಯನ್ನು ಉಳಿಸಿಕೊಳ್ಳಲು ಮೊದಲು ಪ್ರಯತ್ನಿಸಿದರೂ, ಸಾಧ್ಯವಾಗಲಿಲ್ಲ. ಕಾರಣ ಶಿವರಾಜಕುಮಾರ್ ರವರು ತಮ್ಮ ಸಹೋದರನ ಕೊನೆಯ ಚಿತ್ರಕ್ಕೆ ತಾವೇ ಧ್ವನಿ ನೀಡಿದ್ದರು. ಈ ಘಟನೆ ನಾಗ್ ಸಹೋದರರನ್ನು ನೆನಪಿಸುತ್ತದೆ. ಶಂಕರ್ ನಾಗ್ ತೀರಿಕೊಂಡಾಗ, ಶಂಕರ್ ರ ಕೊನೆಯ ಚಿತ್ರಗಳಿಗೆ ಅನಂತನಾಗ್ ಡಬ್ ಮಾಡಿದ್ದರು.

ಚಿತ್ರದಲ್ಲಿ ಪುನೀತ್ ಸೈನಿಕನ ಪಾತ್ರದಲ್ಲಿ ನಟಿಸಿರುವುದರಿಂದ ಅದ್ಧೂರಿ ಸಾಹಸ ದೃಶ್ಯಗಳಿವೆ. ರವಿ ವರ್ಮಾ, ರಾಮ್ ಲಕ್ಷ್ಮಣ್, ಚೇತನ್ ಡಿಸೋಜಾ, ಅರ್ಜುನ್ ಮಾಸ್ಟರ್ ಮತ್ತು ವಿಜಯ್ ಮಾಸ್ಟರ್ ಈ ಚಿತ್ರಕ್ಕೆ ಹಾಲಿವುಡ್ ರೇಂಜಿಗೆ ಫೈಟ್ ಮತ್ತು ಚೇಸಿಂಗ್ ದೃಶ್ಯಗಳನ್ನು ಕಂಪೋಸ್ ಮಾಡಿದ್ದಾರೆ. ಪುನೀತ್ ಕೂಡ ರವಿವರ್ಮ ಜೊತೆಗಿನ ಕೊನೆಯ ಕರೆಯಲ್ಲಿ ಚಿತ್ರದ ಸಾಹಸ ದೃಶ್ಯಗಳನ್ನು ಹೊಗಳಿದ್ದರು.

ಚಿತ್ರದ ಛಾಯಾಗ್ರಾಹಕ ಸ್ವಾಮಿ ಜೆ ಗೌಡ ಚಿತ್ರದಲ್ಲಿ ಹಾಲಿವುಡ್ ಚಿತ್ರ ಜೇಮ್ಸ್ ಬಾಂಡ್ ನ ಕಲರ್ ಪ್ಯಾಲೇಟ್ ಬಳಸಿದ್ದಾರೆ. ಇದೊಂದು ಸ್ಪೈ ಆ್ಯಕ್ಷನ್ ಥ್ರಿಲ್ಲರ್ ಚಿತ್ರವಾಗಿದ್ದು, ಸೈನಿಕನೊಬ್ಬ ಸ್ಯೆಕುರಿಟಿ ಏಜೆನ್ಸಿ ನಡೆಸುವ ಮೂಲಕ ಹೇಗೆ ಅಂತರಾಷ್ಟ್ರೀಯ ಮಟ್ಟದ ಡ್ರಗ್ ಮಾಫಿಯಾವನ್ನು ಸೆದೆ ಬಡಿಯುತ್ತಾನೆ ಎಂಬುದು ಚಿತ್ರದ ಕಥೆ.