ಫಿಟ್ನೆಸ್ ಫ್ರೀಕ್..ರಂಗಭೂಮಿ ಕಲಾವಿದ: ಕರಿಮಣಿ ಸೀರಿಯಲ್ ನಾಯಕ ಕರ್ಣ ಕುರಿತ ನಿಮಗೆ ಗೊತ್ತಿರದ ವಿಷಯಗಳಿವು!

ಕರಿಮಣಿ ಸೀರಿಯಲ್‌ನಲ್ಲಿ 'ಕರ್ಣ' ಪಾತ್ರ ನಿರ್ವಹಿಸುತ್ತಿರುವ ನಟನ ನಿಜವಾದ ಹೆಸರು ಅಶ್ವಿನ್. ಇವರು ಮೂಲತಃ ಸಾಂಸ್ಕೃತಿಕ ನಗರಿ ಮೈಸೂರಿನವರು. ಮೈಸೂರಿನಲ್ಲೇ ವಿದ್ಯಾಭ್ಯಾಸ ಮಾಡಿರುವ ಇವರು, ಇಂಜಿನಿಯರಿಂಗ್ ಓದಿದ್ದಾರೆ. ಇವರು ಈ ವೃತ್ತಿಯಲ್ಲೇ ಮುಂದವರೆದಿದ್ದಾರೆಯೋ, ಇಲ್ಲವೋ ಎಂಬ ತಿಳಿದಿಲ್ಲ.

ನಟನೆ ಮೇಲೆ ಮೊದಲಿನಿಂದ ಆಸಕ್ತಿ ಹೊಂದಿದ್ದ ಅಶ್ವಿನ್ ರಂಗಭೂಮಿ ಕಲಾವಿದ. ಇವರು ಹಲವು ನಾಟಕಗಳಲ್ಲಿ ಅಭಿನಯಿಸಿದ್ದಾರೆ. ಸಿನಿಮಾಗಳ ಬಗ್ಗೆ ಸಾಕಷ್ಟು ಹೊಂದಿರುವ ಇವರಿಗೆ, ಮುಂದಿನ ದಿನಗಳಲ್ಲಿ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಬೇಕೆಂಬ ಹಂಬಲ ಹೊಂದಿದ್ದಾರೆ.

ಅಶ್ವಿನ್ ಅವರು ಕನ್ನಡ ಕಿರುತೆರೆಗೆ ಎಂಟ್ರಿಕೊಡುವುದಕ್ಕೂ ಮುನ್ನ ಹಲವು ಕಿರುಚಿತ್ರಗಳಲ್ಲಿ ಬಣ್ಣಹಚ್ಚಿದ್ದಾರೆ. ಚದುರಂಗ, ರಾಗ ಮತ್ತು ತಾಳ ಎಂಬ ಶಾರ್ಟ್‌ ಫಿಲ್ಮಗಳಲ್ಲಿ ಅಶ್ವಿನ್ ಅಭಿನಯಿಸಿದ್ದಾರೆ. ಈ ಪೈಕಿ ರಾಗ ಮತ್ತು ತಾಳ ಸಿನಿಮಾದಲ್ಲಿನ ನಟನೆಗಾಗಿ ಮೈಸೂರು ಇಂಟರ್‌ ನ್ಯಾಷನಲ್ ಫಿಲ್ಮ ಫೆಸ್ಟಿವಲ್‌ನಲ್ಲಿ ಸ್ಪೆಷಲ್ ಜ್ಯೂರಿ ಅವರ್ಡ್ ಕೂಡ ಬಂದಿದೆ.

ಅಶ್ವಿನ್ ಅವರು ಫಿಟ್‌ನೆಸ್ ಬಗ್ಗೆ ಎಷ್ಟು ಗಮನ ನೀಡುತ್ತಾರೆ ಎಂಬುದನ್ನು ಅವರ ಸೋಶಿಯಲ್ ಮೀಡಿಯಾ ನೋಡಿದ್ರೆ ಗೊತ್ತಾಗುತ್ತೆ. ಸಿಕ್ಸ್ ಪ್ಯಾಕ್ ಹೊಂದಿರುವ ಇವರು, ಸೆಲೆಬ್ರಿಟಿ ಟ್ರೇನರ್ ಶ್ರೀನಿವಾಸ್ ಗೌಡ ಅವರಿಂದ ಟ್ರೇನಿಂಗ್ ಪಡೆದುಕೊಳ್ಳುತ್ತಿದ್ದಾರೆ. ಕರಿಮಣಿ ಧಾರಾವಾಹಿಯಲ್ಲಿ ಕರ್ಣ ತನ್ನೆದುರು ತಪ್ಪು ನಡೆಯುತ್ತಿದ್ದರೆ ಅದನ್ನು ನೋಡಿಕೊಂಡು ಸಮ್ಮನಿರುವ ಹುಡುಗನಲ್ಲ. ತಪ್ಪು ಮಾಡಿದವರಿಗೆ ಬೆಂಡೆತ್ತಿಯಾದರು ಬುದ್ದಿ ಕಲಿಸಬೇಕು ಎಂಬ ಮನಸ್ಸಿನವನು. 

ಕರಿಮಣಿ ಧಾರಾವಾಹಿಯಲ್ಲಿ ದೊಡ್ಡ-ದೊಡ್ಡ ಕಲಾವಿದರ ದಂಡೇ ಇದೆ. ಅದರಲ್ಲೂ ಸಾಹಿತ್ಯಾಳ ಅಪ್ಪನ ಪಾತ್ರದಲ್ಲಿ ಸುಚೇಂದ್ರ ಪ್ರಸಾದ್ ಕಾಣಿಸಿಕೊಂಡಿದ್ದಾರೆ. ಬಿ. ಸುರೇಶ್ ಕೂಡ ಈ ಧಾರಾವಾಹಿಯ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ನಾಯಕಿಯಾಗಿ ಸ್ಪಂದನ ಸೋಮಣ್ಣ ಬಣ್ಣ ಹಚ್ಚಿದ್ದಾರೆ.