ನೂರು ಜನ್ಮಕೂ ಸೀರಿಯಲ್‌ನ ಮೈತ್ರಿ ಪಾತ್ರಧಾರಿಯ ಊರು, ಶಿಕ್ಷಣ, ಸಿನಿಮಾ ಸೇರಿದಂತೆ ಇಂಟರೆಸ್ಟಿಂಗ್ ವಿಷಯಗಳಿವು!

 'ನೂರು ಜನ್ಮಕೂ' ಸೀರಿಯಲ್‌ನಲ್ಲಿ ಕಾಮಿನಿ ಹಾಗೂ ಮೈತ್ರಿ ಎಂಬ ಎರಡು ನಾಯಕಿಯರಿದ್ದಾರೆ. ಈ ಪೈಕಿ ಮೈತ್ರಿ ಪಾತ್ರದ ಮೂಲಕ ಗಮನ ಸೆಳೆಯುತ್ತಿರುವ ನಟಿಯ ಹೆಸರು ಶಿಲ್ಪಾ ಕಾಮತ್. ಮೂಲತಃ ಉಡುಪಿಯವರಾದ ಈ ನಟಿ, ಬೆಳೆದಿದೆಲ್ಲಾ ಮಂಗಳೂರಿನಲ್ಲಿ. ಇದೀಗ ಧಾರಾವಾಹಿಯಲ್ಲಿ ನಟಿಸುತ್ತಿರುವ ಕಾರಣ ಬೆಂಗಳೂರಿನಲ್ಲಿ ನೆಲೆಸಿದ್ದಾರೆ.

ಶಿಲ್ಪಾ ಬಣ್ಣದ ಲೋಕಕ್ಕೆ ಕಾಲಿಡುವ ಮುನ್ನ ಮಾಡೆಲಿಂಗ್‌ನಲ್ಲಿ ಗುರುತಿಸಿಕೊಂಡಿದ್ದರು. 2023ರಲ್ಲಿ 'ಮಿಸ್ ಮಂಗಳೂರು' ಸ್ಪರ್ಧೆಯಲ್ಲಿ ಭಾಗವಹಿಸಿ, ರನ್ನರ್ ಅಪ್ ಆಗಿದ್ದರು. ಎಂಕಾಂ ಪದವೀಧರೆಯಾಗಿರುವ ಶಿಲ್ಪಾ ಕಾಮತ್ ಒಂದಷ್ಟು ಸಮಯಗಳ ಕಾಲ ಬ್ಯಾಂಕ್‌ನಲ್ಲಿ ಕೆಲಸ ಮಾಡಿದ್ದರು. ನಂತರ ಐಟಿ ಕಂಪನಿಯೊಂದರಲ್ಲಿ ಕೆಲಸ ಮಾಡಿದ್ದರು.

ಕಿರುಚಿತ್ರದ ಮೂಲಕ ನಟನೆಯತ್ತ ಮುಖ ಮಾಡಿದ್ದ ಶಿಲ್ಪಾ, ಮೊದಲ ಸಿನಿಮಾವೊಂದರಲ್ಲಿ ನಟಿಸಿದ್ದರು. ರಂಗಸ್ಥಳ ಎಂಬ ಸಿನಿಮಾದಲ್ಲಿ ನಟಿಸುವ ಮೂಲಕ ಬೆಳ್ಳಿತೆರೆಯಲ್ಲಿ ಮಿಂಚಿದ್ದರು. ಇದೀಗ ನೂರು ಜನ್ಮಕೂ ಸೀರಿಯಲ್‌ ಮೂಲಕ ಕಿರುತೆರೆ ಎಂಟ್ರಿಕೊಟ್ಟ ಶಿಲ್ಪಾ, ಅದ್ಭುತ ನಟನೆ ಮೂಲಕ ಕಿರುತೆರೆ ವೀಕ್ಷಕರ ಮನಗೆಲ್ಲುತ್ತಿದ್ದಾರೆ. ಅಂದ್ಹಾಗೆ ಇದು ಅವರ ಮೊದಲ ಸೀರಿಯಲ್.

ನೂರು ಜನ್ಮಕೂ ಧಾರಾವಾಹಿಯಲ್ಲಿ ನಾಯಕ-ನಾಯಕಿಯನ್ನು ಹೊರತುಪಡಿಸ ನಾಯಕನನ್ನು ಕಾಡುವ ಆತ್ಮವಾಗಿ ಚಂದನಾ ಗೌಡ ಕಾಣಿಸಿಕೊಂಡಿದ್ದಾರೆ. ಅವರು ಈ ಹಿಂದೆ ಕನ್ಯದಾನ ಸೀರಿಯಲ್‌ನಲ್ಲಿ ನಟಿಸಿದ್ದರು. ಜೊತೆಗೆ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾದ ಮಹಾನಟಿ ರಿಯಾಲಿ ಶೋನಲ್ಲೂ ಭಾಗವಹಿಸಿದ್ದರು. ಹಿರಿಯ ನಟಿ ಗಿರಿಜಾ ಲೋಕೇಶ್, ನಟಿ ಶಾಲಿನಿ ಎಸ್ ರಾವ್, ಭಾಗ್ಯಶ್ರೀ, ಬಿ ಎಂ ವೆಂಕಟೇಶ್, ಅರ್ಚನಾ ಉಡುಪ, ರೇಮೋ ಮೊದಲಾದರು ತಾರಾಗಣದಲ್ಲಿದ್ದಾರೆ.