ಕನ್ನಡದಲ್ಲಿ ಸ್ನೇಹದ ಮೇಲೆ ಸಾಕಷ್ಟು ಚಲನಚಿತ್ರಗಳು ತೆರೆಗೆ ಬಂದಿವೆ. ಡಾ. ರಾಜಕುಮಾರ್ ರವರ ಸ್ನೇಹಿತನಿಗಾಗಿ ತನ್ನ ಪ್ರೀತಿಯನ್ನು ತ್ಯಾಗ ಮಾಡುವ ಕಾಮನಬಿಲ್ಲು ಚಿತ್ರದಿಂದ ಹಿಡಿದು ವಿಷ್ಣುವರ್ಧನ್ ರವರ ಸ್ನೇಹಿತನಿಗಾಗಿ ಪ್ರಾಣ ನೀಡುವ ದಿಗ್ಗಜರು ಚಿತ್ರಗಳ ವರೆಗೆ ಹಲವಾರು ಚಿತ್ರಗಳು ಸ್ನೇಹದ ಮೇಲೆ ವಿಭಿನ್ನ ಬೆಳಕು ಚೆಲ್ಲಿವೆ. ಸ್ನೇಹಿತರ ಪ್ರೀತಿಗೆ ತಮ್ಮ ಪ್ರಾಣ ಒತ್ತೆ ಇಟ್ಟು ಸಾಥ್ ನೀಡುವ ಹುಡುಗರು, ಸ್ನೇಹದ ಹೆಸರಿನಿಲ್ಲಿ ಬೆನ್ನಿಗೆ ಇರಿಯುವ ಸ್ನೇಹಿತರ ಬಗ್ಗೆ ಹೇಳುವ ರಾಜಾಹುಲಿ ಹೀಗೆ ಹತ್ತು ಹಲವು ಚಿತ್ರಗಳು ಈ ಲಿಸ್ಟಿನಲ್ಲಿವೆ..