ರಾಮಾಚಾರಿ ಸೀರಿಯಲ್‌ನ 'ಚಾರು' ಪಾತ್ರಧಾರಿಯ ವಯಸ್ಸು, ಶಿಕ್ಷಣ ಸೇರಿದಂತೆ ಇಂಟರೆಸ್ಟಿಂಗ್ ವಿಷಯಗಳಿವು!

ನಟಿ ಮೌನ ಗುಡ್ಡೆಮನೆ ಮೂಲತಃ ಮಂಗಳೂರಿನವರು. ತುಳುನಾಡಿನಲ್ಲೇ ಹುಟ್ಟಿ ಬೆಳೆದ ಇವರು, ಅಲೋಶಿಯಸ್ ಕಾಲೇಜಿನಲ್ಲಿ ಶಿಕ್ಷಣ ಪಡೆದಿದ್ದಾರೆ. 16ನೇ ವಯಸ್ಸಿಗೆ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟ ಇವರಿಗೆ ಈಗ 21 ವರ್ಷ. ಸದ್ಯ ಡಿಗ್ರಿ ಓದುತ್ತಿರುವ ಮೌನಗೆ  'ರಾಮಾಚಾರಿ' ಧಾರಾವಾಹಿಯಲ್ಲಿ ನಾಯಕಿಯಾಗಿ ನಟಿಸುವ ಅವಕಾಶ ದೊರೆತ್ತಿದ್ದು, ನಟನೆ ಹಾಗೂ ಶಿಕ್ಷಣ ಎರಡನ್ನೂ ಬ್ಯಾಲೆನ್ಸ್ ಮಾಡುತ್ತಿದ್ದಾರೆ.

ವಯಸ್ಸು 16 ಆದರೂ 17 ಅಂತ ಸುಳ್ಳು ಹೇಳಿ ಮಾಡೆಲಿಂಗ್ ಕ್ಷೇತ್ರಕ್ಕೆ ಕಾಲಿಟ್ಟ ಮೌನ,  ಬಳಿಕ 2020ರಲ್ಲಿ ನಡೆದ 'ಮಿಸ್ ಟೀನ್ ತುಳುನಾಡು' ಸ್ಪರ್ಧೆಯಲ್ಲಿ ಎರಡನೇ ರನ್ನರ್ ಅಪ್ ಆಗಿ ಹೊರಹೊಮ್ಮಿದ್ದರು. ಬಿಗ್‌ಬಾಸ್ ಸ್ಪರ್ಧಿ ವಿಶ್ವನಾಥ್ ಹಾವೇರಿ ಅವರ ವಿಡಿಯೋ ಹಾಡಿನಲ್ಲೂ ಕಾಣಿಸಿಕೊಂಡಿದ್ದಾರೆ.

ಮೌನ ಗುಡ್ಡೆಮನೆ ಕನ್ನಡ ಕಿರುತೆರೆ ಲೋಕಕ್ಕೆ ಬರುವ ಮುನ್ನ 'ಅಸೆದಾ ಕಡಲ್' ಹಾಗೂ 'ಮನಸಾ' ಎಂಬ ತುಳು ಆಲ್ಬಂಗಳಲ್ಲಿ ನಟಿಸಿದ್ದಾರೆ. ಜೊತೆಗೆ ರಾಧಾಕೃಷ್ಣ ಎನ್ನುವ ಹಿಂದಿ, ಕನ್ನಡ, ತುಳು ಭಾಷೆಯ ಆಲ್ಬಂನಲ್ಲಿ ಅಭಿನಯಿಸಿದ್ದಾರೆ. 

ತಂದೆ ಸ್ಟ್ರಿಕ್ಟ್‌ ಮಿಲಿಟರಿ ಆಫಿಸರ್ ಆಗಿರುವುದರಿಂದ ಯಾವುದಕ್ಕೂ ಬೆಂಬಲ ಸಿಕ್ಕಿದ್ದೇ ಕಡಿಮೆ ಎನ್ನುವ ಮೌನ ಗುಡ್ಡೆಮನೆ ಅವರಿಗೆ ತಾಯಿಯ ದೊಡ್ಡಶಕ್ತಿ. ಅವರ ಸಪೋರ್ಟ್‌ನಿಂದಲೇ ಇಲ್ಲಿಯವರೆಗೂ ಬರಲು ಸಾಧ್ಯವಾಯಿತು ಎನ್ನುತ್ತಾರೆ. 

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ರಾಮಾಚಾರಿ' ಮೌನ ಅವರ ಮೊದಲ ಧಾರವಾಹಿ. ಈ ಸೀರಿಯಲ್‌ನಲ್ಲಿ ಮೊದಲು ಸೊಕ್ಕಿನ, ಧಿಮಾಕಿನ, ಹಠಮಾರಿಯಾಗಿದ್ದ ಚಾರು, ಆನಂತರ ರಾಮಾಚಾರಿಯನ್ನು ಮದುವೆಯಾಗಿ ಸಂಪೂರ್ಣ ಬದಲಾಗುತ್ತಾಳೆ. ವಯಸ್ಸಿಗೂ ಮೀರಿದ ಪಾತ್ರ ನಿರ್ವಹಿಸುತ್ತಿರುವ ಮೌನ ಸೀರಿಯಲ್ ಪ್ರಿಯರ ಮನಗೆದ್ದಿದ್ದಾರೆ. 

ಅಂದ್ಹಾಗೆ ಇಂದು ಮೌನ ಗುಡ್ಡೆಮನೆ ಅವರ ಬರ್ತಡೇ. ಹುಟ್ಟುಹಬ್ಬದಂದೇ ಹೊಸ ಕಾರಿಗೆ ಒಡತಿಯಾಗಿರುವ ಈ ನಟಿ, ತಮ್ಮ ಕನಸು ನನಸಾದ ಖುಷಿಯನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಮೌನ ಖರೀದಿಸಿರುವ ಕಿಯಾ ಫ್ರೈಝ್ ರೇಂಜ್ ಕಾರಿನ ಬೆಲೆ  13 ಲಕ್ಷದಿಂದ 24 ಲಕ್ಷದ ರೂಪಾಯಿವರೆಗೂ ಇದೆ.