ಸಿನಿಮಾದಲ್ಲಿ ಸೋತರೂ ಕಿರುತೆರೆಯಲ್ಲಿ ಸಕ್ಸಸ್ ಕಂಡ ಸೃಜನ್ ಲೋಕೇಶ್ ಕುರಿತು ನಿಮಗೆ ಗೊತ್ತಿರದ ವಿಷಯಗಳಿವು!

ಕನ್ನಡ ಚಿತ್ರರಂಗದಲ್ಲಿ ಟಾಕಿಂಗ್ ಸ್ಟಾರ್ ಎಂದೇ ಗುರುತಿಸಿಕೊಂಡಿರುವ ಸೃಜನ್ ಲೋಕೇಶ್, 1980ರ ಜೂನ್ 28ರಂದು ಬೆಂಗಳೂರಿನ ಬಸವನಗುಡಿಯಲ್ಲಿ ಜನಿಸಿದರು. 1991ರಲ್ಲಿ ತೆರೆಕಂಡ ವೀರಪ್ಪನ ಸಿನಿಮಾದಲ್ಲಿ ಬಾಲನಟನಾಗಿ ನಟಿಸುವ ಮೂಲಕ ಚಂದನವನ ಪ್ರವೇಶಿಸಿದರು. ಆನಂತರ ಮೂರು ಸಿನಿಮಾಗಳಲ್ಲಿ ಬಾಲನಟನಾಗಿ ಅಭಿನಯಿಸಿದರು.

2002ರಲ್ಲಿ ತೆರೆಗೆ ಬಂದ ರಾಜ್‌ಕಿಶೋರ್ ನಿರ್ದೇಶನದ 'ನೀಲ ಮೇಘ ಶ್ಯಾಮ' ಸಿನಿಮಾ ಮೂಲಕ ನಾಯಕನಾಗಿ ಎಂಟ್ರಿಕೊಟ್ಟ ಸೃಜನ್, ನಾಯಕನಾಗಿ ನಟಿಸುತ್ತಲೇ ನವಗ್ರಹ, ಚಿಂಗಾರಿ, ಎದೆಗಾರಿಕೆ ಮುಂತಾದ ಚಿತ್ರಗಳಲ್ಲಿ ಪೋಷಕ ಪಾತ್ರಗಳಲ್ಲಿ ಅಭಿನಯಿಸಿದರು. ಇವರು ನಾಯಕನಾಗಿ ಅಭಿನಯಿಸಿದ ಯಾವ ಸಿನಿಮಾಗಳು ಯಶಸ್ವಿಯಾಗಲಿಲ್ಲ.

ಸಿನಿಮಾರಂಗದಲ್ಲಿ ಯಶಸ್ಸಿಗಾಗಿ ಕಾದು ಕುಳಿತ್ತಿದ್ದಾಗ, ಕಿರುತೆರೆಯತ್ತ ಆಕರ್ಷಿತರಾದ್ರು. ಆನಂತರ 2011ರಲ್ಲಿ  'ಮಜಾ ವಿತ್ ಸೃಜಾ' ಎಂಬ ನಡೆಸಿಕೊಡುವ ಮೂಲಕ ಜನಪ್ರಿಯರಾದರು. ಈ ಶೋ ಅನ್ನು ಕರ್ನಾಟಕ ಜನತೆ ಬಹಳ ಇಷ್ಟಪಟ್ಟರು. ಬಳಿಕ ಸೃಜನ್‌ಗೆ ಕಿರುತೆರೆಯಲ್ಲಿ ಸಾಕಷ್ಟು ಆಫರ್ಸ್ ಬರತೊಡಗಿದವು. 2012ರಲ್ಲಿ ಸ್ಟಾರ್ ಸಿಂಗರ್ ಗ್ರ್ಯಾಂಡ್ ಫಿನಾಲೆ, ಸುವರ್ಣ ಫಿಲ್ಮ್ ಆವಾಡ್ರ್ಸ್‌ , ಮಮ್ಮಿ ನಂಬರ್ 1 ಶೋಗಳನ್ನು ನಿರೂಪಣೆ ಮಾಡಿದರು.

2014ರಲ್ಲಿ ಕಿಚ್ಚ ಸುದೀಪ್ ನಿರೂಪಣೆಯ ಬಿಗ್‌ಬಾಸ್ ಕನ್ನಡ ಸೀಸನ್ 2ರಲ್ಲಿ ಸ್ಪರ್ಧಿಸಿದ್ದರು.  ಈ ಕಾರ್ಯಕ್ರಮದ ವಿನ್ನರ್ ಅಕುಲ್ ಬಾಲಾಜಿ ಅಗಿದ್ದರೆ,  ಸೃಜನ್ ಮೊದಲ ರನ್ನರ್ ಅಪ್ ಆದರು. ಬಿಗ್‌ಬಾಸ್ ಇವರಿಗೆ ಹೆಚ್ಚು ಜನಪ್ರಿಯತೆ ತಂದುಕೊಟ್ಟಿತ್ತು.

2015 ರಿಂದ 2017 ರವರೆಗೆ ಸೃಜನ್ ಸಾರಥ್ಯದಲ್ಲಿ ಮಜಾ ಟಾಕೀಸ್ ಪ್ರಸಾರವಾಯಿತು. ಆನಂತರ ಹಲವು ಕಾರ್ಯಕ್ರಮಗಳ ನಿರೂಪಕರಾದರು. ಸದ್ಯ ನಮ್ಮಮ್ಮ ಸೂಪರ್ ಸ್ಟಾರ್, ಗಿಚ್ಚಿ ಗಿಲಿ ಗಿಲಿ ಹಾಗೂ ರಾಜಾ ರಾಣಿ ಶೋಗಳ ಜಡ್ಕ್‌ ಆಗಿ ಗುರಿತಿಸಿಕೊಂಡಿದ್ದಾರೆ. 2013ರಲ್ಲಿ ಸೃಜನ್ ಲೋಕೇಶ್ ಹಾಗೂ ಗಿರಿಜಾ ಲೋಕೇಶ್ 'ಲೋಕೇಶ್ ಪ್ರೊಡಕ್ಷನ್ಸ್' ಆರಂಭಿಸಿದರು. ಇದರ ಮೂಲಕ ಮಜಾ ಟಾಕೀಸ್ ಸೇರಿದಂತೆ ಹಲವು ಯಶಸ್ವಿ ಶೋಗಳನ್ನು ನಿರ್ಮಾಣ ಮಾಡಿದ್ದಾರೆ.