ಯಜಮಾನ ಸೀರಿಯಲ್‌ನ ನಾಯಕನ ವಯಸ್ಸು, ಊರು, ಎಜುಕೇಷನ್ ಸೇರಿದಂತೆ ಇಂಟರೆಸ್ಟಿಂಗ್ ವಿಷಯಗಳು ಇಲ್ಲಿವೆ.

ಯಜಮಾನ ಸೀರಿಯಲ್‌ನಲ್ಲಿ ನಾಯಕ ರಾಘವೇಂದ್ರ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ನಟನ ಹೆಸರು ಹರ್ಷ ಬಿ ಎಸ್. ಮೂಲತಃ ತುಮಕೂರು ಜಿಲ್ಲೆಯ ತಿಪಟೂರಿನರಾದ ಇವರು, ಓದಿದ್ದು, ಬೆಳೆದಿದೆಲ್ಲಾ ತುಮಕೂರು & ಬೆಂಗಳೂರಿನಲ್ಲಿ. ಅಂದ್ಹಾಗೆ ಇವರು ಬಿಎಸ್‌ಸಿ ವ್ಯಾಸಂಗ ಮಾಡಿದ್ದಾರೆ.

ಹರ್ಷ ಅವರ ತಂದೆ ಪೌರಾಣಿಕ ನಾಟಕಗಳಲ್ಲಿ ಅಭಿನಯಿಸುತ್ತಿದ್ದರು. ಹೀಗಾಗಿ, ಹರ್ಷ ಅವರಿಗೂ ಚಿಕ್ಕಂದಿನಿಂದಲೇ ನಟನೆ ಮೇಲೆ ಆಸಕ್ತಿ ಬೆಳೆಯಿತು. ವಿದ್ಯಾಭ್ಯಾಸ ಮುಗಿದ ಬಳಿಕ  2016ರಲ್ಲಿ ರಂಗಭೂಮಿಗೆ ಎಂಟ್ರಿಕೊಟ್ಟ ಹರ್ಷ, ತುಮಕೂರಿನ ಗುಬ್ಬಿ ವೀರಣ್ಣ ಕಲಾಕ್ಷೇತ್ರ ಸೇರಿಕೊಂಡರು. ಇಲ್ಲಿ ನಾಟನ ಮನೆ ಹಾಗೂ ಕ್ರಿಯಾತ್ಮಕ ರಂಗ ಎಂಬ ತಂಡದಲ್ಲಿದ್ದರು. ಮೂರ್ನಾಲ್ಕು ವರ್ಷಗಳ ರಂಗಭೂಮಿ ಬಳಿಕ ಬೆಂಗಳೂರಿಗೆ ಬಂದ ಹರ್ಷ, ಹಲವು ಸಿನಿಮಾ ಹಾಗೂ ಸೀರಿಯಲ್‌ಗಳಿಗೆ ಆಡಿಷನ್ ಕೊಟ್ಟರು. ಕೆಲ ಪ್ರಾಜೆಕ್ಟ್‌ಗಳಲ್ಲಿ ಚಿಕ್ಕಪುಟ್ಟ ಪಾತ್ರ ಮಾಡಿದ್ದರು.

ಇಂದಿನ ಕಾಲದಲ್ಲಿ ಚಿಕ್ಕಮಕ್ಕಳಿಂದ ಹಿಡಿದು ವಯಸ್ಸಾದವರವರೆಗೆ ಎಲ್ಲರೂ ಸೋಶಿಯಲ್ ಮೀಡಿಯಾದಲ್ಲಿ ಆಕ್ಟೀವ್ ಆಗಿದ್ದಾರೆ. ಆದರೆ, ನಟ ಹರ್ಷ ಬಿ ಎಸ್ ಅವರು ಸಾಮಾಜಿಕ ಜಾಲತಾಣಗಳಿಂದ ದೂರ. ಅವರು ಇವುಗಳನ್ನು ಬಳಸಲು ಇಷ್ಟಪಡುವುದಿಲ್ಲವಂತೆ.

ಸದ್ಯ ಯಜಮಾನ ಧಾರಾವಾಹಿಯಲ್ಲಿ ಹೀರೋ ರಾಘವೇಂದ್ರನಾಗಿ ನಟಿಸುತ್ತಿರುವ ಹರ್ಷ, ಡೆಲವರಿ ಬಾಯ್ ಆಗಿ ಕಾಣಿಸಿಕೊಂಡಿದ್ದಾರೆ. ಚೂರು ಸ್ವಾರ್ಥವಿಲ್ಲದೇ ಕಷ್ಟಪಟ್ಟು ದುಡಿಯುವ ರಾಘು, ಮನೆಯವರಿಗಾಗಿ ಏನು ಮಾಡವುದಕ್ಕೂ ಸಿದ್ದ. ಆದರೆ, ಮನೆಯವರು ಮೂರು ಕಾಸಿನ ಬೆಲೆ ಕೊಡಲ್ಲ. 

ಶ್ರೀಮಂತಿಕೆಯ ದರ್ಪ ಹಾಗೂ ಬಡವನ ಶ್ರಮ ಎಂಬ ಕಾನ್ಸೆಪ್ಟನಲ್ಲಿ ಯಜಮಾನ ಧಾರಾವಾಹಿ ಮೂಡಿಬರುತ್ತಿದೆ. ಕೋಪ, ದ್ವೇಷ , ಅಹಂಕಾರ ತುಂಬಿಕೊಂಡಿರುವ ಹುಡುಗಿ ಹಾಗೂ ಪ್ರೀತಿ, ವಿಶ್ವಾಸ, ಸ್ನೇಹ ಹುಡುಗ. ಅಪ್ಪಿತಪ್ಪಿ ಇವರಿಬ್ಬರೂ ಮದುವೆಯಾದರೆ ಏನಾಗಲಿದೆ ಎಂಬುದೇ ಸೀರಿಯಲ್ ಕಥೆ.