ನಿರ್ದೇಶಕ, ನಿರ್ಮಾಪಕರನ್ನು ಮದುವೆಯಾದ ಸ್ಯಾಂಡಲ್‌ವುಡ್ ನಟಿಯರಿವರು!

ಸ್ಯಾಂಡಲ್‌ವುಡ್ ಮಾತ್ರವಲ್ಲದೆ ಟಾಲಿವುಡ್, ಮಾಲಿವುಡ್, ಕಾಲಿವುಡ್‌ನಲ್ಲಿ ಮಿಂಚಿದ್ದ  ನಟಿ ಶ್ರುತಿ ಚಿತ್ರರಂಗದಲ್ಲಿ ಸಾಕಷ್ಟು ಹೆಸರು ಮಾಡಿದ್ದಾರೆ. 1998ರಲ್ಲಿ ನಿರ್ದೇಶಕ ಮಹೇಂದ್ರ ಅವರನ್ನು ಪ್ರೀತಿಸಿ ಮದುವೆಯಾದರು. ಬಳಿಕ ಕಾರಣಾಂತರಗಳಿಂದ ವಿಚ್ಛೇದನ ನೀಡಿ, ಅವರಿಂದ ದೂರ ಉಳಿದರು. ಶ್ರುತಿ ಅವರಿಗೆ ಗೌರಿ ಎಂಬ ಮಗಳು ಇದ್ದಾರೆ.

ಕನ್ನಡ ಚಿತ್ರರಂಗದಲ್ಲಿ ಕನಸಿನ ರಾಣಿ ಅಂತಲೇ ಖ್ಯಾತಿ ಪಡೆದಿರುವ ನಟಿ ಮಾಲಾಶ್ರೀ, ಹಲವಾರು ಸೂಪರ್ ಹಿಟ್ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಖ್ಯಾತಿ ಪಡೆದಿದ್ದಾರೆ. ಮಾಲಾಶ್ರೀ ಅವರು 1997ರಲ್ಲಿ ನಿರ್ಮಾಪಕ ಕೋಟಿ ರಾಮು ಅವರನ್ನು ಮದುವೆಯಾದರು. ಇವರಿಗೆ ಇಬ್ಬರು ಮಕ್ಕಳಿದ್ದಾರೆ.

90ರ ದಶಕದ ಪ್ರಸಿದ್ಧ ನಟಿಯಾಗಿ ಗುರುತಿಸಿಕೊಂಡಿದ್ದ ಕನ್ನಡದ ನಟಿ ರೇಖಾದಾಸ್, ಕನ್ನಡದ ಖ್ಯಾತ ನಿರ್ದೇಶಕ ಓಂ ಪ್ರಕಾಶ್ ರಾವ್ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಅನಂತರ ಕಾರಣಾಂತರಗಳಿಂದ ಈ ದಂಪತಿ ದೂರವಾಗಿತ್ತು. ಈ ದಂಪತಿಗೆ ಶ್ರಾವ್ಯ ಎಂಬ ಮಗಳಿದ್ದು, ಅವರು ಕೂಡ ಕನ್ನಡ ಸಿನಿಮಾರಂಗದಲ್ಲಿ ಸಕ್ರಿಯರಾಗಿದ್ದಾರೆ.

ಕನ್ನಡ ಸಿನಿಮಾರಂಗ ಹಾಗೂ ಕಿರುತೆರೆಯಲ್ಲಿ ಫೋಷಕ ಪಾತ್ರಗಳ ಮೂಲಕ ಗಮನ ಸೆಳೆಯುತ್ತಿರುವ ಚಿತ್ರಾ ಶೆಣೈ ಅವರು, ನಿರ್ಮಾಪಕ ಗುರುದಾಸ್ ಶೆಣೈ ಎಂಬುವವರನ್ನು ಮದುವೆಯಾಗಿದ್ದಾರೆ. ಇವರಿಬ್ಬರು ಸೇರಿಕೊಂಡು ಪ್ರೊಡಕ್ಸನ್ ಕಂಪನಿಯನ್ನು ಮುನ್ನಡೆಸುತ್ತಿದ್ದಾರೆ. ಚಿತ್ರ ಅವರು ಸದ್ಯ ಅಮೃತಧಾರೆ ಎಂಬ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ.

ನಟಿ ರಕ್ಷಿತಾ ಹಾಗೂ ನಟ ಪ್ರೇಮ್ 2007ರಲ್ಲಿ ಪ್ರೀತಿಸಿ ಮದುವೆಯಾದರು. ಪ್ರೇಮ್ ಅವರಲ್ಲಿ ತಂದೆಯ ಗುಣಗಳನ್ನು ಕಂಡ ರಕ್ಷಿತಾ, ಅವರನ್ನೇ ಮದುವೆಯಾಗಲು ನಿರ್ಧಾರ ಮಾಡಿದ್ದರಂತೆ. ಈ ದಂಪತಿಗೆ ಸೂರ್ಯ ಎಂಬ ಮಗನಿದ್ದಾನೆ. ರಕ್ಷಿತಾ ಮದುವೆ ನಂತರ ಸಿನಿಮಾದಿಂದ ದೂರವುಳಿದರೂ ಕೂಡ ಕಿರುತೆರೆಯ ರಿಯಾಲಿಟಿ ಶೋಗಳ ಜಡ್ಜ್ ಆಗಿ ಕೆಲಸ ಮಾಡುತ್ತಿದ್ದಾರೆ.

ಉಪೇಂದ್ರ ಬರೆದ ಬೆಸ್ಟ್ ಕಥೆಯ ಸಿನಿಮಾ 'H2O'. ಕಾವೇರಿ ನೀರಿನ ಸಮಸ್ಯೆಯನ್ನು ಉಪೇಂದ್ರ ತಮ್ಮ ಸ್ಟೈಲ್ ನಲ್ಲಿ ತೋರಿಸಿದ್ದರು. H20 ಸಿನಿಮಾದಲ್ಲಿ ನಟಿ ಪ್ರಿಯಾಂಕ ಹಾಗೂ ಉಪೇಂದ್ರ ಒಟ್ಟಿಗೆ ಅಭಿನಯಿಸಿದ್ದರು. ಬರೀ ಸಿನಿಮಾವಾಗಿ ಮಾತ್ರವಲ್ಲ ಉಪೇಂದ್ರ ಅವರ ನಿಜ ಜೀವನಕ್ಕೂ ಈ ಚಿತ್ರ ಬಹಳ ಹತ್ತಿರ ಆಗಿದೆ. ಕಾರಣ ಈ ಸಿನಿಮಾ ಉಪ್ಪಿ ಹಾಗೂ ಪ್ರಿಯಾಂಕ ಪ್ರೀತಿಗೆ ಮೊದಲ ಕಾರಣ. ಈ ಸಿನಿಮಾ ಚಿತ್ರೀಕರಣದ ಸಮಯದಲ್ಲಿ ಉಪೇಂದ್ರ ಮತ್ತು ಪ್ರಿಯಾಂಕ ಅವರ ನಡುವೆ ಸ್ನೇಹ ಬೆಳೆಯಿತು, ಸ್ನೇಹ ಪ್ರೀತಿಗೆ ತಿರುಗಿತು. ನಂತರದ ದಿನಗಳಲ್ಲಿ ಈ ಜೋಡಿ ವಿವಾಹವಾಗಿತ್ತು. ಇವರಿಗೂ ಇಬ್ಬರು ಮಕ್ಕಳಿದ್ದಾರೆ.