ಬಿಗ್‌ಬಾಸ್ ಬಳಿಕ ಆರಂಭವಾಗ್ತಿರುವ ಯಜಮಾನ ಸೀರಿಯಲ್‌ನ ನಾಯಕ & ನಾಯಕಿ ಯಾರು ಗೊತ್ತಾ? ಇಲ್ಲಿದೆ ಲಿಸ್ಟ್

ಬಿಗ್‌ಬಾಸ್ ಗ್ರ್ಯಾಂಡ್ ಫಿನಾಲೆ ಮುಗಿನ ಬಳಿಕ ಕಲರ್ಸ್ ಕನ್ನಡದಲ್ಲಿ 'ಯಜಮಾನ' ಎಂಬ ಹೊಸ ಧಾರಾವಾಹಿ ಆರಂಭವಾಗುತ್ತಿದೆ. ಜನವರಿ 12ರಂದು ಈ ಸೀರಿಯಲ್‌ನ ಮೊದಲ ಪ್ರೋಮೋ ರಿಲೀಸ್ ಆಗಿದ್ದು, ಸ್ಯಾಂಡಲ್‌ವುಡ್ ಹಿರಿಯ ನಟಿ ಶ್ರುತಿ ಹಾಗೂ ಕಾಂತಾರ ಚೆಲುವೆ ಸಪ್ತಮಿ ಗೌಡ ನಿರೂಪಣೆ ಮಾಡಿದ್ದಾರೆ.

ಯಜಮಾನ ಸೀರಿಯಲ್‌ನಲ್ಲಿ ಇನ್‌ಸ್ಟಾಗ್ರಾಮ್ ಇನ್‌ಪ್ಲುಯೆನ್ಸರ್ ಮಧುಶ್ರೀ ಭೈರಪ್ಪ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಯಜಮಾನದಲ್ಲಿ ಆಗರ್ಭ ಶ್ರೀಮಂತೆಯಾಗಿ ಕಾಣಿಸಿಕೊಂಡಿರುವ ಅವರ ದರ್ಪ ಹೇಗಿರಲಿದೆ ಎಂಬುದು ಪ್ರೋಮೋದಲ್ಲಿದೆ. ಈ ಧಾರಾವಾಹಿಯಲ್ಲಿ ಮಧುಶ್ರೀ ಗಂಡಸರನ್ನು ದ್ವೇಶಿಸುವ 'ಜಾನ್ಸಿ' ಎಂಬ ಪಾತ್ರದಲ್ಲಿ ನಟಿಸಿದ್ದಾರೆ. ಗತ್ತಿನ ಪಾತ್ರ ಇದಾಗಿದ್ದು, ಖಡಕ್ ಆಗಿ ಕಾಣಿಸಿಕೊಂಡಿದ್ದಾರೆ.

ಇನ್ನು ಯಜಮಾನ ಸೀರಿಯಲ್‌ನ ನಾಯಕನಾಗಿ ಹರ್ಷ ಬಿ.ಎಸ್. ಧಾರಾವಾಹಿಯಲ್ಲಿ ಅವರಿ ರಾಘವೇಂದ್ರ ಎಂಬ ಪಾತ್ರ ಮಾಡ್ತಿದ್ದು, ಡೆಲವರಿ ಬಾಯ್ ಆಗಿ ಕಾಣಿಸಿಕೊಂಡಿದ್ದಾರೆ. ಕಷ್ಟಪಟ್ಟು ದುಡಿಯುವ ರಾಘು, ಮನೆಯವರಿಗಾಗಿ ಏನು ಮಾಡವುದಕ್ಕೂ ಸಿದ್ದ. ಆದರೆ, ಮನೆಯವರು ಮೂರು ಕಾಸಿನ ಬೆಲೆ ಕೊಡಲ್ಲ.

ಶ್ರೀಮಂತಿಕೆಯ ದರ್ಪ ಹಾಗೂ ಬಡವನ ಶ್ರಮ ಎಂಬ ಕಾನ್ಸೆಪ್ಟನಲ್ಲಿ ಯಜಮಾನ ಧಾರಾವಾಹಿ ಮೂಡಿಬರುತ್ತಿದೆ. ಕೋಪ, ದ್ವೇಷ , ಅಹಂಕಾರ ತುಂಬಿಕೊಂಡಿರುವ ಹುಡುಗಿ ಹಾಗೂ ಪ್ರೀತಿ, ವಿಶ್ವಾಸ, ಸ್ನೇಹ ಹುಡುಗ. ಅಪ್ಪಿತಪ್ಪಿ ಇವರಿಬ್ಬರೂ ಮದುವೆಯಾದರೆ ಏನಾಗಲಿದೆ ಎಂಬುದೇ ಸೀರಿಯಲ್ ಕಥೆ.