ಪ್ರೈವೇಟ್ ಜೆಟ್, ಐಷಾರಾಮಿ ಕಾರುಗಳು, ಬಿಸಿನೆಸ್, ದುಬಾರಿ ಸಂಭಾವನೆ: ಅಲ್ಲು ಅರ್ಜುನ್ ಒಟ್ಟು ಆಸ್ತಿ ಎಷ್ಟು ಗೊತ್ತಾ?

ಸೌತ್ ಸಿನಿಮಾರಂಗದಲ್ಲಿ ಅತಿಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲೊಬ್ಬರಾಗಿರುವ ಅಲ್ಲು ಅರ್ಜುನ್ ಬಳಿ ಪ್ರೈವೆಟ್ ಜೆಟ್ ಇದೆ. ಮದುವೆ ಬಳಿಕ ಅಲ್ಲು ಅರ್ಜುನ್ ಈ ವಿಮಾವನ್ನು ಖರೀದಿ ಮಾಡಿದ್ದಾರೆ. ಈ ಹಿಂದೆ ರೇಸು ಗುರುಮ್ ಹಾಗೂ ಪುಷ್ಟಾ ಸಿನಿಮಾಗಳ ಪ್ರಮೋಷನ್ ಸಂದರ್ಭದಲ್ಲಿ ಅಲ್ಲು ಅರ್ಜುನ್ ಇದೇ ವಿಮಾನದಲ್ಲಿ ತೆರಳುತ್ತಿದ್ದರು. 

43  ವರ್ಷದ ಅಲ್ಲು ಅರ್ಜುನ್ ಅವರಿಗೆ ಲಗ್ಷುರಿ ಲೈಫ್ ಅಂದ್ರೆ ಸಿಕ್ಕಾಪಟ್ಟೆ ಇಷ್ಟ. ಇವರ ಬಳಿ ರೇಂಜ್ ರೋವರ್ ಜೊತೆಗೆ ಸ್ವಂತ ಲಗ್ಷುರಿ ವ್ಯಾನಿಟಿ ವ್ಯಾನ್ ಕೂಡ ಇದೆ. ಅಷ್ಟೇ ಅಲ್ಲ, ಬನ್ನಿ ಗ್ಯಾರೇಜ್‌ನಲ್ಲಿ ಹಮ್ಮರ್ ಹೆಚ್‌2 ಎಸ್‌ಯುವಿ ತುಂಬಾ ಸ್ಪೆಷಲ್. ಇದನ್ನು ತುಂಬಾ ಇಷ್ಟಪಟ್ಟು ಕೊಂಡುಕೊಂಡಿದ್ದಾರೆ. ಇದಲ್ಲದೇ ಮರ್ಸಿಡಿಸ್ ಬೆಂಜ್ ಜಿಎಲ್‌ಇ350 ಡಿ, ಬಿಎಂಡಬ್ಲ್ಯೂ ಎಕ್ಸ್‌6ಎಂ,  ಜಾಗ್ವಾರ್ ಎಕ್ಸ್‌ಜೆಎಲ್, ವೋಲ್ವೋ ಎಕ್ಸ್‌ಸಿ 90 ಟಿ8 ಎಕ್ಸ್‌ಲೆನ್ಸ್ ಸೇರಿದಂತೆ ಹಲವು ದುಬಾರಿ ಕಾರುಗಳಿವೆ.
​

ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿರುವ ಟಾಲಿವುಡ್‌ನ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್, ಪ್ರತಿಯೊಂದು ಸಿನಿಮಾಗೂ ಬಹಳ ದೊಡ್ಡ ಸಂಭಾವನೆಯನ್ನೇ ಪಡೆಯುತ್ತಾರೆ. ಸದ್ಯ ಪುಷ್ಪ ೨ ಸಿನಿಮಾದ ಯಶಸ್ಸಿನ ಖುಷಿಯಲ್ಲಿರುವ ಅಲ್ಲು, ಈ ಸಿನಿಮಾಗಾಗಿ ಅವರು ಬರೋಬ್ಬರಿ 120 ಕೋಟಿ ರೂಪಾಯಿ ಸಂಭಾವನೆ ಪಡೆದಿದ್ದರು ಎಂದು ವರದಿಯಾಗಿದೆ.

ಅಲ್ಲು ಅರ್ಜುನ್ ಹೈದರಾಬಾದ್‌ನ ಜುಬಿಲಿ ಹೀಲ್ಸ್‌ನಲ್ಲಿ ಐಷಾರಾಮಿ ಮನೆ ಹೊಂದಿದ್ದು, ಈ ಭವ್ಯ ಬಂಗಲೆಯ ಬೆಲೆ 100 ಕೋಟಿ ರೂಪಾಯಿ. ಜೊತೆಗೆ  'ಬಿ ಡಬ್ಸ್' ಎಂಬ ರೆಸ್ಟೋರೆಂಟ್ ಹೊಂದಿದ್ದಾರೆ. ಇದು ಅಮೆರಿಕದ ಬಫೆಲೋ ವೈಲ್ಡ್ ವಿಂಗ್ಸ್ ರೆಸ್ಟೋರೆಂಟ್ ಚೈನ್ ಆಗಿದ್ದು, ಇದರ ಭಾರತದ ಪ್ರಾಂಚೈಸಿಯನ್ನು ಅಲ್ಲು ಅರ್ಜುನ್ ಹೊಂದಿದ್ದಾರೆ. ಈ ಹೋಟೆಲ್‌ ಕೂಡ ಹೈದರಾಬಾದ್‌ನ ಜುಬಿಲಿ ಹೀಲ್ಸ್‌ನಲ್ಲಿದೆ.

ಅಲ್ಲು ಅರ್ಜುನ್ ಫ್ಯಾಮಿಲಿ ನಿರ್ಮಾಣ ರಂಗದಲ್ಲೂ ಸಕ್ರಿಯವಾಗಿರುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಸುಮಾರು 50 ವರ್ಷಗಳಿಂದ 'ಗೀತಾ ಆರ್ಟ್ಸ್ ಪ್ರೊಡಕ್ಷನ್ ಹೌಸ್' ಮೂಲಕ ಸಾಕಷ್ಟು ಬ್ಲಾಕ್‌ಬಸ್ಟರ್ ಸಿನಿಮಾಗಳನ್ನು ನೀಡಿದ್ದಾರೆ. ಇತ್ತೀಚೆಗೆ ಅಲ್ಲು ಸ್ಟುಡಿಯೋಸ್ ಆರಂಭಿಸಿದ್ದಾರೆ. ಈ ಸ್ಟುಡಿಯೋಸ್‌ನಲ್ಲಿ ತಮ್ಮ ತಂದೆ, ಬ್ರದರ್ಸ್‌ ಜೊತೆ ಸೇರಿ ಮುಖ್ಯ ಪಾಲುದಾರರಾಗಿದ್ದಾರೆ. ಜೊತೆಗೆ ಅಲ್ಲು ಫ್ಯಾಮಿಲಿ ಮೈ ಹೋಮ್ಸ್ ಜೊತೆ ಸೇರಿ ಆಹಾ ಒಟಿಟಿಯನ್ನು ಸ್ಟಾರ್ಟ್‌ ಮಾಡಿದ್ದು, ಇದರಲ್ಲಿ ಕೂಡ ಅಲ್ಲು ಆರ್ಜುನ್ ಪಾಲುದಾರರಾಗಿದ್ದಾರೆ. ಇದಲ್ಲದೇ AAA ಎಂಬ ಬ್ರಾಂಡ್‌ ನೇಮ್‌ನಲ್ಲಿ ಸಿನಿಮಾಸ್ ಏಷಿಯನ್ ಜೊತೆ ಸ್ವಂತ ಮಲ್ಟಿಪ್ಲೆಕ್ಸ್‌ಗಳನ್ನು ಆರಂಭಿಸಿದ್ದಾರೆ.

ಸಿನಿಮಾ, ಬ್ಯುಸಿನೆಸ್ ಮಾತ್ರವಲ್ಲದೇ ಜಾಹೀರಾತುಗಳಿಂದಲೂ ಕೋಟಿ-ಕೋಟಿ ಸಂಭಾವನೆ ಪಡೆಯುವ ಅಲ್ಲು ಅರ್ಜುನ್ ಅವರ ಒಟ್ಟಾರೆ ಆಸ್ತಿ 460 ಕೋಟಿ ಎಂದು ವರದಿಯಾಗಿದೆ. ಅರ್ಜುನ್ ಅವರ ಪತ್ನಿ ಸ್ನೇಹಾ ರೆಡ್ಡಿ ಕೂಡ ಶ್ರೀಮಂತ ಮನೆತನದವರಾಗಿದ್ದು, ಇವರು ಸೈಂಟ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಆಂಡ್ ಎಜುಕೇಷನಿಷ್ಟ್ ಕಂಚರ್ಲ ಚಂದ್ರಶೇಖರ್ ರೆಡ್ಡಿ ಅವರ ಪುತ್ರಿಯಾಗಿದ್ದಾರೆ. ಸ್ನೇಹಾ ಅವರ ತಂದೆ ದೊಡ್ಡ ಉದ್ಯಮಿಯಾಗಿ ಗುರುತಿಸಿಕೊಂಡಿದ್ದಾರೆ.