ಅನುಷ್ಕಾ ಮದುವೆಯಾಗುವುದಕ್ಕೂ ಮುನ್ನ 6 ನಟಿಯರ ಜೊತೆ ವಿರಾಟ್ ಕೊಹ್ಲಿ ಡೇಟಿಂಗ್!

ವಿರಾಟ್ ಕೊಹ್ಲಿ ಹೆಸರು ಮೊದಲು ನಟಿಯೊಬ್ಬರ ಜೊತೆ ತಳುಕು ಹಾಕಿಕೊಂಡಿದ್ದು 2007ರಲ್ಲಿ. ಬಿಟೌನ್‌ನ ರೂಪದರ್ಶಿ ಮತ್ತು ನಟಿ ಸಾರಾ ಜೇಸ್ ಡಯಾಸ್ ಅವರೊಂದಿಗೆ ವಿರಾಟ್ ಹೆಸರು ಕೇಳಿಬಂದಿತ್ತು. ಸಾರಾ ಫೆಮಿನಾ ಮಿಸ್ ಇಂಡಿಯಾ 2007ರ ವಿಜೇತರಾಗಿದ್ದರು. 2008ರರಲ್ಲಿ ಕೊಹ್ಲಿ ಅಂಡರ್ 19 ವಿಶ್ವಕಪ್ ಕ್ಯಾಪ್ಟನ್ ಆದರು. ಆದರೆ, ವೃತ್ತಿಜೀವನದ ಬದ್ಧತೆಗಳ ಕಾರಣದಿಂದ ಈ ಸಂಬಂಧ ಹೆಚ್ಚು ದಿನಗಳ ಕಾಲ ಉಳಿಯಲಿಲ್ಲ ಅಂತ ಹೇಳಲಾಗುತ್ತೆ.

ಮಿಲ್ಕಿ ಬ್ಯೂಟಿ ತಮನ್ನಾ ಜೊತೆ ಕೂಡ ವಿರಾಟ್ ಡೇಟ್ ಮಾಡಿದ್ದರು ಅಂತ ಹೇಳಲಾಗುತ್ತದೆ. 2012ರಲ್ಲಿ ಇವರಿಬ್ಬರು ಮೊಬೈಲ್ ಜಾಹೀರಾತೊಂದರಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ನಂತರ ಇವರಿಬ್ಬರ ನಡುವೆ ಪ್ರೀತಿ ಚಿಗುರಿತ್ತು ಎನ್ನಲಾಗಿದೆ. ಆದರೆ, ಈ ಪ್ರೇಮ ಕೂಡ ಹೆಚ್ಚು ಕಾಲ ಉಳಿಯದೇ ಬ್ರೇಕಪ್ ಆಗಿತ್ತು.

2011ರ ಐಪಿಎಲ್‌ನಲ್ಲಿ ಆರ್‌ಸಿಬಿಗೆ ವಿಜಯ್ ಮಲ್ಯ ಮಾಲೀಕತ್ವವೇ ಆಗಿತ್ತು. ಈ ವೇಳೆ ಆರ್‌ಸಿಬಿ ಟೀಂಗೆ ಚಿಯರ್ ಮಾಡಲು ಮತ್ತು ಮಲ್ಯ ಪಾರ್ಟಿಗಳಿಗೆ ಬರ್ತಿದ್ದ ಕನ್ನಡದ ನಟಿ ಸಂಜನಾ ಗಲ್ರಾನಿ ಜೊತೆಯೂ ವಿರಾಟ್ ಡೇಟಿಂಗ್ ಮಾಡಿದ್ದರು ಎಂಬ ಸುದ್ದಿ ಹರಡಿತ್ತು. ಇವರಿಬ್ಬರ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು. ಆದರೆ, ಸ್ವತಃ ಸಂಜನಾ ಅವರೇ ಈ ವದಂತಿಗೆ ಅಂತ್ಯ ಹಾಡಿದ್ದು, ನಮ್ಮಿಬ್ಬರ ನಡುವೆ ಉತ್ತಮ ಸ್ನೇಹವಿದೆಯಷ್ಟೇ ಎಂದಿದ್ದರು.

ಕಾಲಿವುಡ್ ನಟಿ ಸಾಕ್ಷಿ ಅಗರ್ವಾಲ್ ಜೊತೆಗೂ ಕಿಂಗ್ ಕೊಹ್ಲಿ ಹೆಸರು ತಳುಕು ಹಾಕಿಕೊಂಡಿತ್ತು. ಆದರೆ, ಇವರಿಬ್ಬರ ಸಂಬಂಧ ಹೆಚ್ಚು ಕಾಲ ಉಳಿದಿರಲಿಲ್ಲ. ಕೊಹ್ಲಿಯ ಕ್ರಿಕೆಟ್ ವೃತ್ತಿಜೀವನದ ಆರಂಭಿಕ ವರ್ಷಗಳಲ್ಲಿ ಈ ಸಂಬಂಧ ಸುದ್ದಿಯಾಗಿತ್ತು, ಅಷ್ಟರಲ್ಲೇ ಕೊನೆಗೊಂಡಿತ್ತು ಎನ್ನಲಾಗಿದೆ.

ವಿರಾಟ್ ಕೊಹ್ಲಿ ಮತ್ತಿ ಬ್ರೆಜಿಲಿಯನ್ ನಟಿ ಇಸಾಬೆಲ್ಲೆ ಲೈಟ್ 2012 ರಿಂದ  2014ರ ವರೆಗೆ ಎರಡು ವರ್ಷಗಳ ಕಾಲ ಡೇಟಿಂಗ್ ಮಾಡಿದ್ದರು. ಈ ಜೋಡಿ ಸಿಂಗಾಪುರದಲ್ಲಿ ಡೇಟಿಂಗ್ ಮಾಡುತ್ತಿದ್ದರು ಎನ್ನಲಾಗಿದೆ. ಇವರಿಬ್ಬರ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು. ಕೊಹ್ಲಿ ಜೊತೆ ಬ್ರೇಕಪ್ ನಂತರ ಸಂದರ್ಶನವೊಂದರಲ್ಲಿ ಇಸಾಬೆಲ್ ಲೈಟ್, ಡೇಟಿಂಗ ಬಗ್ಗೆ ಒಪ್ಪಿಕೊಂಡಿದ್ದರು. ಎರಡು ವರ್ಷ ರಿಲೇಷನ್‌ಶಿಪ್‌ನಲ್ಲಿದ್ದೆವು. ಆನಂತರ ಪರಸ್ಪರ ಒಪ್ಪಿಗೆ ಮೇರೆಗೆ ಬೇರೆಯಾದೆವು ಅಂತ ಹೇಳಿದ್ದರು.

ರೋಹಿತಾ ಶರ್ಮಾ ಪತ್ನಿ ರಿತಿಕಾ ಸಜ್ದೇವ್ 2013ರಲ್ಲಿ ಕೊಹ್ಲಿ ಕ್ರೀಡಾ ಮ್ಯಾನೇಜರ್ ಆಗಿ ಕೆಲಸ ಮಾಡಿದ್ದರು. ಆ ವರ್ಷ ಇವರಿಬ್ಬರು ಮೂವಿ ಡೇಟಿಂಗ್‌ನಲ್ಲಿದ್ದ ಫೋಟೋಗಳು ವೈರಲ್ ಆಗಿದ್ದವು. ಈ ಸಂದರ್ಭ ರಿತಿಕಾ ಮುಖ ಮುಚ್ಚಿಕೊಂಡಿದ್ದರು. ಬಳಿಕ 2015ರಲ್ಲಿ ರಿತಿಕಾ ರೋಹಿತ್ ಅವರನ್ನು ಮದುವೆಯಾದರು.