ಕನ್ನಡ ಸಿನಿಮಾರಂಗ ಕಂಡ ಯಶಸ್ವಿ ಜೋಡಿಗಳ ಪಟ್ಟಿ ಇಲ್ಲಿದೆ.

ಚಂದನವನದ ಅಪರೂಪದ ಜೋಡಿಗಳಲ್ಲಿ ಮಂಚೂಣಿಯಲ್ಲಿ ಬರುವ ಹೆಸರು ವರನಟ ಡಾ.ರಾಜ್‌ಕುಮಾರ್ ಮತ್ತು ಚಿ.ಉದಯಶಂಕರ್ ಅವರದ್ದು. ರಾಜ್ ಚಿತ್ರಗಳ ಹಾಡಿಗೆ ಉದಯಶಂಕರ್ ಅವರ ಸಾಹಿತ್ಯ ಇದ್ದೇ ಇರುತ್ತಿತ್ತು. ಭಾಗ್ಯವಂತ, ಹೊಸಬೆಳಕು, ಹಾಲುಜೇನು ಮುಂತಾದ ಸೂಪರ್ ಹಿಟ್ ಚಿತ್ರಗಳು ಇವರಿಬ್ಬರ ಯಶಸ್ವಿ ಜೋಡಿಗೆ ಕೊಡಬಹುದಾದ ಉದಾಹರಣೆಗಳು.

ಒಂದು ಕಾಲದಲ್ಲಿ ವಿಷ್ಣುವರ್ಧನ್ ಹಾಗೂ ದ್ವಾರಕೀಶ್ ಜೋಡಿ ಕಳ್ಳ-ಕುಳ್ಳ ಎಂದೇ ಪ್ರಸಿದ್ಧವಾಗಿತ್ತು. ಇವರಿಬ್ಬರು ಉತ್ತಮ ಸ್ನೇಹಿತರಾಗಿದ್ದು, ದ್ವಾರಕೀಶ್ ಅವರು ವಿಷ್ಣು ಅಭಿನಯದ ಬಹುತೇಕ ಸಿನಿಮಾಗಳಲ್ಲಿ ತೆರೆಹಂಚಿಕೊಂಡಿದ್ದರು. ಈ ಜೋಡಿ ಹಲವು ಹಿಟ್ ಚಿತ್ರಗಳನ್ನು ಈ ಜೋಡಿ ನೀಡಿದೆ. ಅದರಲ್ಲಿ ಪ್ರಮುಖವಾದುದು ಸಿಂಗಾಪುರದಲ್ಲಿ ರಾಜಾಕುಳ್ಳ, ಕಳ್ಳಕುಳ್ಳ, ಕಿಲಾಡಿಗಳು, ರಾಯರು ಬಂದರು ಮಾವನ ಮನೆಗೆ, ಆಪ್ತಮಿತ್ರ ಮುಂತಾದವು.

ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಮತ್ತು ಎಸ್ ನಾರಾಯಣ್ ಕಾಂಬಿನೇಷನ್‌ನಲ್ಲೂ ಹಲವು ಸೂಪರ್ ಹಿಟ್ ಚಿತ್ರಗಳು ಮೂಡಿಬಂದಿವೆ. ವಿಷ್ಣು ನಾಯಕನಟನಾಗಿ ನಟಿಸಿದ ವೀರಪ್ಪ ನಾಯ್ಕ, ಸೂರ್ಯವಂಶ, ಜಮೀನ್ದಾರರು, ಸಿರಿವಂತ ಮುಂತಾದ ಚಿತ್ರಗಳನ್ನು ಎಸ್ ನಾರಾಯಣ್ ನಿರ್ದೇಶಿಸಿದ್ದರು.

ಕನ್ನಡ ಚಿತ್ರರಂಗ ಕಂಡ ಮತ್ತೊಂದು ಯಶಸ್ವಿ ಜೋಡಿ ಎಂದರೆ ರವಿಚಂದ್ರನ್ ಮತ್ತು ಹಂಸಲೇಖ. ಅಂದಿನ ಕಾಲದಲ್ಲಿ ಭಾರೀ ಯಶಸ್ಸು ಪಡೆಯುತ್ತಿದ್ದ ರವಿಚಂದ್ರನ್ ಚಿತ್ರಗಳಿಗೆ ಹಂಸಲೇಖ ಅವರ ಸಾಹಿತ್ಯ ಮತ್ತು ಸಂಗೀತವೂ ಪ್ರಮುಖ ಕಾರಣವಾಗಿತ್ತು. ಇವರಿಬ್ಬರ ಕಾಂಬಿನೇಷನ್‌ನಲ್ಲಿ ಬಂದ ಸಿನಿಮಾಗಳು ದಾಖಲೆ ಬರೆದಿವೆ. ಅನೇಕ ಹಾಡುಗಳು ಇಂದಿಗೂ ಹಿಟ್ ಲಿಸ್ಟ್ ಸೇರಿವೆ.

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಮತ್ತು ನಿರ್ದೇಶಕ ಪ್ರೇಮ್ ಅವರದ್ದು ಮತ್ತೊಂದು ಅಪರೂಪದ ಜೋಡಿ. ಪ್ರೇಮ್ ಮತ್ತು ಶಿವಣ್ಣ ಕಾಂಬಿನೇಶನ್‌ನಲ್ಲಿ ಕೇವಲ ಎರಡು ಚಿತ್ರಗಳು ಮಾತ್ರ (ಜೋಗಿ, ಜೋಗಯ್ಯ) ಬಂದಿದ್ದರೂ ಇಬ್ಬರಿಬ್ಬರದ್ದೂ ಯಶಸ್ವಿ ಜೋಡಿ ಎನ್ನುವ ಮಾತಿದೆ.

ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಗುರುಕಿರಣ್ ಅವರದ್ದೂ ಯಶಸ್ವಿ ಜೋಡಿ. ಉಪೇಂದ್ರ ನಾಯಕನಾಗಿ ನಟಿಸುವ ಹೆಚ್ಚಿನ ಚಿತ್ರಗಳಿಗೆ ಗುರುಕಿರಣ್ ಅವರ ಸಂಗೀತವಿರುತ್ತದೆ. ಉಪೇಂದ್ರ, ಹಾಲಿವುಡ್, ಗೋಕರ್ಣ ಮುಂತಾದ ಚಿತ್ರಗಳಿಗೆ ಗುರುಕಿರಣ್ ಅವರೇ ಸಂಗೀತ ನೀಡಿದ್ದಾರೆ.

2007ರಲ್ಲಿ ಬಿಡುಗಡೆಯಾದ 'ದುನಿಯಾ' ಸಿನಿಮಾ ಇವರಿಬ್ಬರಿಗೂ ದುನಿಯಾ ವಿಜಯ್ ಹಾಗೂ ದುನಿಯಾ ಸೂರಿ ಎನ್ನುವ ಹೆಸರು ತಂದುಕೊಟ್ಟಿತ್ತು. ಇದಾದ ನಂತರ ಇವರಿಬ್ಬರ ಕಾಂಬಿನೇಷನ್‌ನಲ್ಲಿ ಬಂದ ಜಂಗ್ಲಿ ಚಿತ್ರ ಇಬ್ಬರಿಗೂ ಒಳ್ಳೆ ಹೆಸರು ತಂದುಕೊಟ್ಟಿತ್ತು.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ಓಂ ಪ್ರಕಾಶ್ ರಾವ್ ಅವರದ್ದು ಕನ್ನಡ ಚಿತ್ರರಂಗದ ಯಶಸ್ವಿ ಜೋಡಿ. ಇವರಿಬ್ಬರ ಕಾಂಬಿನೇಷನ್‌ನಲ್ಲಿ ಮೂಡಿಬಂದ ಕಲಾಸಿಪಾಳ್ಯ, ಅಯ್ಯ, ಯೋಧ ಮುಂತಾದ ಸಿನಿಮಾಗಳು ಸೂಪರ್ ಹಿಟ್ ಆಗಿವೆ.

ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಕನ್ನಡ ಚಿತ್ರರಂಗದ ವಿಕಟಕವಿ ಯೋಗರಾಜ್ ಭಟ್ ಕಾಂಬಿನೇಷನ್‌ನ ಸಿನಿಮಾ ತೆರೆಗೆ ಬರುತ್ತಿದೆಯೆಂದರೆ ಪ್ರೇಕ್ಷಕರಿಗೆ ಕುತೂಹಲ ಜಾಸ್ತಿ. ಈ ಕಾಂಬಿನೇಷನ್‌ನಲ್ಲಿ ಬಂದ ಮುಂಗಾರುಮಳೆ ಮತ್ತು ಗಾಳಿಪಟ ಚಿತ್ರಗಳು ಇದಕ್ಕೆ ಸಾಕ್ಷಿ.