ದೀಪಾ ಬಾಸ್ಕರ್ to ಸುನೇತ್ರಾ ಪಂಡಿತ್: ಸ್ಯಾಂಡಲ್‌ವುಡ್‌ನ ಸ್ಟಾರ್ ನಟಿಯರಿಗೆ ಇವರದ್ದೇ ವಾಯ್ಸ್‌!

ಮಹೇಂದ್ರ ವರ್ಮಾ ಸಿನಿಮಾ ಮೂಲಕ ಬಾಲನಟಿಯಾಗಿ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟ ದೀಪಾ ಬಾಸ್ಕರ್, ಸಾಕಷ್ಟು ಸಿನಿಮಾ & ಧಾರಾವಾಹಿಗಳಲ್ಲಿ ಫೋಷಕ ನಟಿಯಾಗಿ ನಟಿಸಿದ್ದಾರೆ. ಇವರಿಗೆ ಹೆಚ್ಚು ಜನಪ್ರಿಯತೆ ತಂದುಕೊಟ್ಟಿದ್ದು ಸುಬ್ಬಲಕ್ಷ್ಮೀ ಸಂಸಾರ ಧಾರಾವಾಹಿ. ಪುನೀತ್ ರಾಜ್‌ಕುಮಾರ್ ಅಭಿನಯದ 'ಅಭಿ' ಚಿತ್ರದ ಮೂಲಕ ಡಬ್ಬಿಂಗ್ ಆರಂಭಿಸಿದ ಇವರು, ಮೊದಲ ಬಾರಿಗೆ ರಮ್ಯಾ ಪಾತ್ರಕ್ಕೆ ಧ್ವನಿ ನೀಡಿದ್ದರು. ಆನಂತರ ಜೋಗಿ, ಮುಂಗಾರು ಮಳೆ, ಸಾರಥಿ, ಗಜ, ದುನಿಯಾ, ಜಸ್ಟ್‌ ಮಾತ್‌ ಮಾತಲ್ಲಿ, ರನ್ನ, ಗೂಗ್ಲಿ ಸೇರಿದಂತೆ ಸುಮಾರು 700ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಪೂಜಾ ಗಾಂಧಿ, ಮಾಲಾಶ್ರೀ, ರಮ್ಯಾ, ರಚಿತಾ ರಾಮ್, ಪ್ರಿಯಾಮಣಿ, ಕೃತಿ ಕರಾಬಂಧ, ದೀಪಾ ಸನ್ನಿಧಿ ಸೇರಿದಂತೆ ಸಾಕಷ್ಟು ನಟಿಯರಿಗೆ ಕಂಠದಾನ ಮಾಡಿದ್ದಾರೆ.

ಖ್ಯಾತ ಕಂಠದಾನ ಕಲಾವಿದೆ ಶಶಿಕಲಾ ಸೌತ್ ಇಂಡಿಯಾದ ಸ್ಟಾರ್ ನಟಿಯರಿಗೆ ಧ್ವನಿ ನೀಡಿದ್ದಾರೆ. 1979ರಲ್ಲಿ ಮಂಕುತಿಮ್ಮ ಸಿನಿಮಾ ಮಝೂಲಕ ಡಬ್ಬಿಂಗ್ ಕಲಾವಿದೆಯಾಗಿ ಚಿತ್ರರಂಗಕ್ಕೆ ಬಂದ ಇವರು, ೯೦ರ ದಶಕದ ಸ್ಟಾರ್ ನಟಿಯರಾದ ಶೃತಿ, ಮಾಲಾಶ್ರೀ, ಖುಷ್ಬೂ, ಮೀನಾ, ಜೂಹಿ ಚಾವ್ಲಾ ಸಾಕಷ್ಟು ನಟಿಯರಿಗೆ ಧ್ವನಿ ನೀಡಿದ್ದಾರೆ. ಆಪ್ತಮಿತ್ರದಲ್ಲಿನ ಸೌಂದರ್ಯ ಅವರ ನಾಗವಲ್ಲಿ ಪಾತ್ರಕ್ಕೆ ಧ್ವನಿಯಾದವರು ಇವರೇ. ಶಶಿಕಕಲಾ ಅವರು ಈವರೆಗೂ 1000 ಹೆಚ್ಚು ಸಿನಿಮಾಗಳಲ್ಲಿ 300ಹೆಚ್ಚು ಕಲಾವಿದರಿಗೆ ಧ್ವನಿ ನೀಡಿದ್ದಾರೆ.

ಮಾಹಮಾಯೇ ಎಂಬ ಧಾರಾವಾಹಿ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಶಿಲ್ಪಾ ಭಾಗವತರ್, ಕುಂಕುಮ ಭಾಗ್ಯ ಸೇರಿದಂತೆ ಹಲವು ಧಾರಾವಹಿಗಳಲ್ಲಿ ನಟಿಸಿದರು. ಆನಂತರ ಕಂಠದಾನ ಕಲಾವಿದೆಯಾಗಿ ಗುರುತಿಸಿಕೊಂಡ ಇವರು, ಮಾಲಾಶ್ರೀ, ಭಾವನಾ ಮೆನೆನ್, ಪೂಜಾ ಗಾಂಧಿ, ಪಾರುಲ್ ಯಾದವ್, ರಾಗಿಣಿ ದ್ವಿವೇದಿ ಸೇರಿದಂತೆ ಹಲವು ಧಾರಾವಾಹಿ ಪಾತ್ರಗಳಿಗೂ ಧ್ವನಿ ನೀಡಿದ್ದಾರೆ. ಅಷ್ಟೇ ಅಲ್ಲದೇ ಕನ್ನಡಕ್ಕೆ ಡಬ್ ಆದ ನಯನಾತಾರ, ಅನುಷ್ಕಾ ಶೆಟ್ಟಿ, ಸನ್ನಿ ಲಿಯೋನ್, ಐಶ್ವರ್ಯಾ ರೈ ಅವರ ಸಿನಿಮಾಗಳಿಗೂ ಶಿಲ್ಪಾ ಅವರದ್ದೇ ವಾಯ್ಸ್. ಇವರು 1000 ಹೆಚ್ಚು ಸಿನಿಮಾಗಳಲ್ಲಿ ಕಂಠದಾನ ಮಾಡಿದ್ದಾರೆ.

ಸುನೇತ್ರಾ ಪಂಡಿತ್ ಅಂದಕ್ಷಾಣ ಥಟ್ ಅಂತ ನೆನಪಾಗುವುದೇ 'ಸಿಲ್ಲಿ ಲಲ್ಲಿ'. ಮೂಲತಃ ರಂಗಭೂಮಿ ಕಲಾವಿದೆಯಾದ ಇವರು, ಹಾಸ್ಯನಟಿ ಹಾಗೂ ಕಂಠದಾನ ಕಲಾವಿದೆಯಾಗಿ ಗುರುತಿಸಿಕೊಂಡಿದ್ದಾರೆ. ಸದ್ಯ ಕಲರ್ಸ್ ಕನ್ನಡದ ಭಾಗ್ಯಲಕ್ಷ್ಮೀ ಸೀರಿಯಲ್‌ನಲ್ಲಿ ನಟಿಸುತ್ತಿರುವ ಇವರು, 800ಕ್ಕೂ ಹೆಚ್ಚು ಸಿನಿಮಾಗಳಿಗೆ ಡಬ್ ಮಾಡಿದ್ದಾರೆ. ಇವರು ಮೊದಲ ಬಾರಿ ಕಂಠದಾನ ಮಾಡಿದ್ದು 'ಓಂ' ಸಿನಿಮಾದ ಪ್ರೇಮಾ ಅವರ ಪಾತ್ರಕ್ಕೆ. ಇಲ್ಲಿಂದ ಪ್ರೇಮಾ ಅಭಿನಯಿಸಿರುವ ಬಹುತೇಕ ಸಿನಿಮಾಗಳಿಗೆ ಇವರೆದ್ದೇ ವಾಯ್ಸ್‌. ಆನಂತರ ಚಾರುಲತಾ, ರಮ್ಯಾ ಕೃಷ್ಣನ್ ಸೇರಿದಂತೆ ಹಲವು ನಟಿಯರ ಪಾತ್ರಕ್ಕೆ ಕಂಠದಾನ ಮಾಡಿದ್ದಾರೆ.

ಗಾಯಕಿಯಾಗಿ ಸಿನಿ ಇಂಡಸ್ಟ್ರಿಗೆ ಕಾಲಿಟ್ಟ ಶ್ರುತಿ ಶಂಕರ್ ಅವರು, ಡಬ್ಬಿಂಗ್ ಕಲಾವಿದೆಯಾಗಿ ಗುರುತಿಸಿಕೊಂಡರು. ಗೀತಾ ಬ್ಯಾಂಗಲ್ಸ್ ಸ್ಟೋರ್ ಚಿತ್ರದ ಮೂಲಕ ಡಬ್ಬಿಂಗ್ ಆರಂಭಿಸಿದ ಇವರು, ರಶ್ಮಿಕಾ ಮಂದಣ್ಣ, ಶಾನ್ವಿ ಶ್ರೀವಾತ್ಸವ್, ಐಂದ್ರಿತಾ ರೇ, ಸೋನು ಗೌಡ, ಆಶಿಕಾ ರಂಗನಾಥ, ಸೋನಲ್ ಮೊಂಟೆರೋ ಹಲವು ನಟಿಯರಿಗೆ ಕಂಠದಾನ ಮಾಡಿದ್ದಾರೆ.  ಶ್ರುತಿ ಶಂಕರ್ ಇವರೆಗೂ 250 ಹೆಚ್ಚು ಸಿನಿಮಾಗಳಿಗೆ ಕಂಠದಾನ ಮಾಡಿದ್ದಾರೆ.