ವಿಷಾದಕರ ಮತ್ತು ದುರಂತ ಅಂತ್ಯವಿರುವ ಕನ್ನಡದ ರೋಮಾಂಟಿಕ್ ಟ್ರ್ಯಾಜಿಡಿ ಚಿತ್ರಗಳು

Updated: Thursday, February 13, 2020, 02:13 PM [IST]

ಎಲ್ಲಾ ಸಿನಿಪ್ರಿಯರಿಗೂ ಚಿತ್ರ ಕೊನೆಗೆ ಆನಂದದ ಅಂತ್ಯ ಕಾಣಲೆನ್ನುವ ಆಸೆಯಿರುತ್ತದೆ. ಮೊದಲೆಲ್ಲಾ ಪ್ರತಿ ಚಿತ್ರದ ಕೊನೆಯಲ್ಲಿ ಶುಭಂ ಎಂಬ ಟೈಟಲ್ ಇರುತ್ತಿತ್ತು. ಅದರೆ ಆನಂದದ ಕ್ಲೈಮಾಕ್ಸ್ ಇರುವ ಚಿತ್ರಗಳಿಗಿಂತ ದುಃಖದಾಯಕ ಕ್ಲೈಮ್ಯಾಕ್ಸ್ ಬಹುಕಾಲ ಕಾಡುತ್ತದೆ. ದುರಂತ ಅಂತ್ಯದ ಚಿತ್ರಗಳಿಗೆ ಮೊದಲು ಪ್ರಾಮುಖ್ಯತೆ ತಂದುಕೊಟ್ಟವರು ನಿರ್ದೆಶಕ ಪುಟ್ಟಣ್ಣ ಕಣಗಾಲ್. ಚಿತ್ರ ರಸಿಕರ ಮನಸ್ಸಿನಲ್ಲಿ ಬಹುಕಾಲ ಕಾಡುವ ಕ್ಲೈಮಾಕ್ಸ್ ಸನ್ನಿವೇಶಗಳನ್ನು ಸೃಷ್ಟಿಸಿದ್ದು ಕಣಗಾಲ್ ರ ಹೆಗ್ಗಳಿಕೆ. ನಂತರ ಈ ಹಾದಿಯಲ್ಲಿ ಹಲವಾರು ನಿರ್ದೇಶಕರು ನೆಡೆದು ಕನ್ನಡಕ್ಕೆ ಕೆಲವೊಂದು ಅಭೂತಪೂರ್ವ ಚಿತ್ರಗಳನ್ನು ನೀಡಿದ್ದಾರೆ.ವಿಷಾದಕರ ಮತ್ತು ದುರಂತ ಅಂತ್ಯ ಹೊಂದಿರುವ ಕನ್ನಡದ ಕೆಲವು ಎವರ್ ಗ್ರೀನ್ ಚಿತ್ರಗಳನ್ನು ಕೆಳಗೆ ನೀಡಲಾಗಿದೆ.. ಇಲ್ಲಿ ಕೇವಲ ರೋಮ್ಯಾಂಟಿಕ್ ಟ್ರ್ಯಾಜಿಡಿ ಚಿತ್ರಗಳನ್ನು ನೀಡಲಾಗಿದೆ.

1. ಸಾಕ್ಷಾತ್ಕಾರ

ವಿಮರ್ಶಕರ ವಿಮರ್ಶೆ

ಪ್ರವರ್ಗ

Drama

ಬಿಡುಗಡೆ ದಿನಾಂಕ

1971

ಪಾತ್ರವರ್ಗ

ಡಾ.ರಾಜಕುಮಾರ್,ಜಮುನಾ

ವಿವಾಹದ ಸುತ್ತಲಿರುವ ಕೆಲವು ಮೂಡನಂಬಿಕೆಗಳು ಹೇಗೆ ಒಂದು ಜೋಡಿಯ ಬಾಳಲ್ಲಿ ಬಿರುಗಾಳಿ ಬೀಸುತ್ತವೆ. ತಮ್ಮ ಒಲವಿನ ನಂಬಿಕೆಯಲ್ಲಿ ಜೀವನದ ಕಷ್ಟಗಳನ್ನು ಎದುರಿಸುವ ಜೋಡಿಗೆ ಕೊನೆಗೂ ನಿರಾಸೆ ಉಳಿಯುತ್ತದೆ. ಈ ಚಿತ್ರದಲ್ಲಿ ಬಾಲಿವುಡ್ ದಿಗ್ಗಜ ನಟ ಪೃಥ್ವಿರಾಜ್ ಕಪೂರ್, ರಾಜ್ ತಂದೆ ಪಾತ್ರದಲ್ಲಿ ನಟಿಸಿದ್ದರು.

2. ಗೀತಾ

ವಿಮರ್ಶಕರ ವಿಮರ್ಶೆ

ಪ್ರವರ್ಗ

Action

ಬಿಡುಗಡೆ ದಿನಾಂಕ

1981

ಪಾತ್ರವರ್ಗ

ಶಂಕರ್ ನಾಗ್,ಕೆ ಎಸ್ ಅಶ್ವಥ್

ರಾಕ್ ಬ್ಯಾಂಡ್ ಗಾಯಕ ಸಂಜಯ ಮತ್ತು ಗೀತಾಳ ಪ್ರೇಮಕಥೆಯನ್ನು ಚಿತ್ರ ಹೇಳುತ್ತದೆ. ತಾನು ಪ್ರೀತಿಸುವ ಗೀತಾಳನ್ನು ಮಾರಣಾಂತಿಕ ಕ್ಯಾನ್ಸರ್ ನಿಂದ ಪಾರುಮಾಡುಲು ಪ್ರಯತ್ನಿಸಿ ಕೊನೆಯ ಕ್ಷಣದಲ್ಲಿ ವಿಫಲವಾಗುವ ಸಂಜಯನ ಪರಿಸ್ಥಿತಿ ಪ್ರೇಕ್ಷಕರಲ್ಲಿ ಕಣ್ಣೀರು ತರಿಸುತ್ತದೆ.

3. ಮಾನಸ ಸರೋವರ

ವಿಮರ್ಶಕರ ವಿಮರ್ಶೆ

ಪ್ರವರ್ಗ

Drama

ಬಿಡುಗಡೆ ದಿನಾಂಕ

1982

ಪಾತ್ರವರ್ಗ

ಶ್ರೀನಾಥ್,ಪದ್ಮ ವಸಂತಿ

ಒಬ್ಬ ಮಧ್ಯ ವಯಸ್ಸಿನ ಮಾನಸಿಕ ವೈದ್ಯ ದಾರಿಯಲ್ಲಿನ ಒಬ್ಬ ಹುಚ್ಚು ಯುವತಿಯನ್ನು ಕರೆತಂದು ಅವಳಿಗೆ ಆರೈಕೆ ನೀಡಿ ಕೊನೆಗೆ ಅವಳ ಪ್ರೇಮದಲ್ಲಿ ಬೀಳುತ್ತಾನೆ. ಆದರೆ ಅವಳು ಅವನ ಅಳಿಯನ ಪ್ರೀತಿಯಲ್ಲಿ ಬಿದ್ದಾಗ ಮಾನಸಿಕವಾಗಿ ಜರ್ಜರಿತವಾದ ವೈದ್ಯ ಕೊನೆಗೆ ಹುಚ್ಚನಾಗುತ್ತಾನೆ.2018 ರಲ್ಲಿ ಉದಯ ಟಿವಿಯಲ್ಲಿ ಈ ಚಿತ್ರದ ಮುಂದುವರೆದ ಭಾಗವಾಗಿ `ಮಾನಸ ಸರೋವರ' ಧಾರಾವಾಹಿ ಮೂಡಿಬಂದಿದೆ.