ಸ್ವಂತ ರೆಸ್ಟೋರೆಂಟ್ ಹೊಂದಿರುವ ಟಾಲಿವುಡ್ ಸ್ಟಾರ್ ನಟರಿವರು: ಇವರ ಹೋಟೆಲ್ ಎಲ್ಲೆಲ್ಲಿವೆ ಗೊತ್ತಾ?

ಟಾಲಿವುಡ್‌ನ ಸ್ಟಾರ್ ನಟರಾಗಿ ಗುರುತಿಸಿಕೊಂಡಿರುವ ಪ್ರಿನ್ಸ್ ಮಹೇಶ್‌ ಬಾಬು ಹಾಗೂ ಅವರ ಪತ್ನಿ ನಮ್ರತಾ ಶಿರೋಡ್ಕರ್ ಅವರ ಒಡೆತನದಲ್ಲಿ 'ಎಎನ್' ಎಂಬ ರೆಸ್ಟೋರೆಂಟ್ ಇದೆ. ಈ ದಂಪತಿ ಈ ರೆಸ್ಟೋರೆಂಟ್ ಅನ್ನು ಮಿನರ್ವ ಕಾಫಿ ಮತ್ತು ಏಷ್ಯನ್ ಜೊತೆ ಸೇರಿ ನಡೆಸುತ್ತಿದ್ದಾರೆ. ಈ ಹೋಟೆಲ್‌ ಹೈದರಾಬಾದ್‌ನಲ್ಲಿದೆ.

ಕನ್ನಡದ ಗಿಲ್ಲಿ ಸಿನಿಮಾ ಮೂಲಕ ನಟನೆಗೆ ಎಂಟ್ರಿಕೊಟ್ಟ ರಕುಲ್ ಪ್ರೀತ್ ಸಿಂಗ್ ಇಂದು  ತೆಲುಗು ಸಿನಿಮಾರಂಗದ ಸ್ಟಾರ್ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಇವರು 'ಆರಂಭಂ' ಎಂಬ ಸಸ್ಯಹಾರಿ ರೆಸ್ಟೋರೆಂಟ್ ನಡೆಸುತ್ತಿದ್ದು, ಇದು ಹೈದರಾಬಾದ್‌ನ ಮಾದಪುರದಲ್ಲಿದೆ.

ಯಾವುದೇ ಸಿನಿಮಾ ಹಿನ್ನೆಲೆಯಿಲ್ಲದೇ ಬಣ್ಣದ ಲೋಕಕ್ಕೆ ಕಾಲಿಟ್ಟ ವಿಜಯ್ ದೇವರಕೊಂಡ ಆರಂಭದಲ್ಲಿ ತಮ್ಮದೇ ಶೈಲಿಯ ಸಿನಿಮಾ ಮೂಲಕ ಸ್ಟಾರ್ ಪಟ್ಟ ಗಳಿಸಿದ್ದಾರೆ. ವಿಜಯ್ ದೇವರಕೊಂಡ ಹಾಗೂ ಅವರ ಸಹೋದರ ಆನಂದ್ ಜೊತೆಯಾಗಿ 'ಗುಡ್‌ ವೈಬ್ಸ್ ಓನ್ಲಿ ಕೆಫೆ' ಆರಂಭಿಸಿದ್ದಾರೆ. ಇದು ಹೈದರಾಬಾದ್‌ನ ಖಾಜಗೂಡದಲ್ಲಿದೆ.

ತೆಲುಗು ನಟ ನಾಗಾರ್ಜುನ ಅಕ್ಕಿನೇನಿ ಎನ್ ಗ್ರಿಲ್ಸ್ & ಎನ್ ಏಷ್ಯನ್ ಎಂಬ ರೆಸ್ಟೋರೆಂಟ್ ನಡೆಸುತ್ತಿದ್ದರೆ, ಅವರ ಮಗನಾದ ನಾಗಚೈತನ್ಯ 'ಶೊಯು' ಎಂಬ ರೆಸ್ಟೋರೆಂಟ್ ಹೊಂದಿದ್ದಾರೆ. ಈ ಹೋಟೆಲ್ ಹೈದರಾಬಾದ್‌ನ ಜುಬಿಲಿ ಹೀಲ್ಸ್‌ನಲ್ಲಿದೆ.

ಟಾಲಿವುಡ್‌ನ ಸ್ಟೈಲಿಶ್ ಹೀರೋ ಅಲ್ಲು ಅರ್ಜುನ್ 'ಬಿ ಡಬ್ಸ್' ಎಂಬ ರೆಸ್ಟೋರೆಂಟ್ ಹೊಂದಿದ್ದಾರೆ. ಇದೊಂದು ಅಮೆರಿಕದ ರೆಸ್ಟೋರೆಂಟ್ ಚೈನ್ ಆಗಿದ್ದು, ಇದರ ಭಾರತದ ಪ್ರಾಂಚೈಸಿಯನ್ನು ಅಲ್ಲು ಅರ್ಜುನ್ ಹೊಂದಿದ್ದಾರೆ. ಇವರ ಹೋಟೆಲ್‌ ಕೂಡ ಹೈದರಾಬಾದ್‌ನ ಜುಬಿಲಿ ಹೀಲ್ಸ್‌ನಲ್ಲಿದೆ.

ಸೌತ್ ಸಿನಿಮಾರಂಗದ  ಜನಪ್ರಿಯರ ನಟರಲ್ಲಿ ರಾಣಾ ದಗ್ಗುಬಾಟಿ ಕೂಡ ಒಬ್ಬರು. ಇವರು Sanctuary Bar & Kitchen ಎಂಬ ರೆಸ್ಟೋರೆಂಟ್ ಹೊಂದಿದ್ದಾರೆ. ಈ ರೆಸ್ಟೋರೆಂಟ್ ಹೈದರಾಬಾದ್‌ನಲ್ಲಿದೆ.