Yash ಕೆಜಿಎಫ್‌ಗೆ ಮಾತ್ರವಲ್ಲ, ಐಷಾರಾಮಿ ಕಾರುಗಳಿಗೂ ಒಡೆಯ: ಇಲ್ಲಿದೆ ನೋಡಿ ಕಾರುಗಳ ಲಿಸ್ಟ್!

ರಾಕಿಂಗ್ ಸ್ಟಾರ್ ಯಶ್ ಬಳಿಯಿರುವ ದುಬಾರಿ ಬೆಲೆಯ ಕಾರುಗಳ ಪೈಕಿ ಮರ್ಸಿಡಿಸ್ ಬೆಂಝ್  DLS 350D ಕೂಡ ಒಂದು. ಇದು ಯಶ್ ನೆಚ್ಚಿನ ಕಾರು ಕೂಡ. ರಾಕಿಂಗ್ ಸ್ಟಾರ್ ಬಳಿಯಿರುವ ಈ ಬೆಂಝ್ ಕಾರಿನ ಬೆಲೆ 87 ಲಕ್ಷ ರೂಪಾಯಿ. ಇದನ್ನು ಸಣ್ಣ-ಪುಟ್ಟ ರೈಡ್‌ಗಳಿಗಾಗಿ ಬಳಸುತ್ತಾರೆ. ಇದರ ಹೊರತಾಗಿ ಕೂಡ ಅವರು ಕೆಲ ದುಬಾರಿ ಮರ್ಸಿಡಿಸ್ ಬೆಂಝ್ ಕಾರುಗಳನ್ನು ಹೊಂದಿದ್ದಾರೆ. 

ಯಶ್ 'ಮರ್ಸಿಡಿಸ್ ಜಿಎಲ್‌ಸಿ 250 ಡಿ ಕೂಪೆಯನ್ನು ಕೂಡ ಹೊಂದಿದ್ದಾರೆ. ಈ ಕಾರಿಗೆ ಭಾರತದಲ್ಲಿನ ಆರಂಭಿಕ ಬೆಲೆ ೭೮ ಲಕ್ಷ ರೂಪಾಯಿ. ಈ ಕಾರು ನೋಡಲು ಸಖತ್ ಆಕರ್ಷಕವಾಗಿದ್ದು, ವಾಹನ ಚಾಲಕರಿಗೂ ಉತ್ತಮ ಚಾಲನಾ ಅನುಭವವನ್ನು ನೀಡುತ್ತೆ. ಮರ್ಸಿಡಿಸ್ GLC 250 D ಕೂಪೆ ಸುಧಾರಿತ ವೈಶಿಷ್ಟ್ಯಗಳನ್ನು ಹೊಂದಿದ್ದು, ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್‌ನೊಂದಿಗೆ ಬರುತ್ತೆ. 

ಯಶ್ ಹೊಂದಿರುವ ಐಷಾರಾಮಿ ಕಾರುಗಳಲ್ಲಿ ಆಡಿ ಕ್ಯೂ7 ಕೂಡ ಒಂದು. ಸ್ವತಃ ಯಶ್ ಅವರೇ ಈ ಕಾರು ಓಡಿಸಲು ಹೆಚ್ಚು ಇಷ್ಟಪಡುತ್ತಾರೆ. ಈ ಹೊಸ ಕಾರು ಉತ್ತಮ ವಿನ್ಯಾಸ, ಗುಣಮಟ್ಟದ ಒಳಾಂಗಣ ಹಾಗೂ ವಿಭಿನ್ನ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ಈ ಕಾರು 3.0 ಲೀಟರ್ TFSI ಕ್ವಾಟ್ರೋ ಪೆಟ್ರೋಲ್, 3.0 ಲೀಟರ್  TDI ಕ್ವಾಟ್ರೋ ಡೀಸೆಲದ ಹಾಗೂ 4.2 ಲೀಟರ್ TDI ಕ್ವಾಟ್ರೋ ಎಂಬ ಮೂರು ಇಂಜಿನ್ ಆಯ್ಕೆಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ.   

ರಾಕಿಂಗ್ ಸ್ಟಾರ್ ಯಶ್ ಅವರ ದುಬಾರಿ ಕಾರುಗಳಲ್ಲಿ ಬಿಎಂಡಬ್ಲ್ಯು 520ಡಿ ಸಹ ಒಂದಾಗಿದೆ.  ಬಿಎಂಡಬ್ಲ್ಯು 5 ಸರಣಿಯು ಆಧುನಿಕ ವಾಣಿಜ್ಯ ಸೆಡಾನ್‌ನ ಸಾರಾಂಶವಾಗಿದೆ. ಈ ಕಾರು ಅನೇಕ ಸ್ಟೈಲಿಂಗ್ ವೈಶುಷ್ಟ್ಯಗಳನ್ನು ಹೊಂದಿದ್ದು, ತುಂಬಾ ಆಕರ್ಷಕ ಲುಕ್ ಹೊಂದಿದೆ. ಜೊತೆಗೆ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾಗುವ ರೂಪಾಂತರಗಳಲ್ಲಿ ಇದು ಕೂಡ ಒಂದಾಗಿದೆ.   

ರೇಂಜ್‌ ರೋವರ್ ಇವೊಕ್ ಕಾರು ಕೂಡ ಯಶ್ ಬಳಿಯಿದೆ. ಈ ಕಾರು ಐದು ಬಾಗಿಲು ಮತ್ತು ಕನ್ವರ್ಟಿಬಲ್ ಬಾಡಿ ಸ್ಟೈಲ್‌ನೊಂದಿಗೆ ಬರುತ್ತೆ. ಜೊತೆಗೆ 5 ಬಾಗಿಲುಗಳೂ ಐದು ಮಾದರಿಯ ಶ್ರೇಣಿಯನ್ನು ಹೊಂದಿದೆ. 

ಕೆಲ ವರ್ಷಗಳ ಹಿಂದೆ ಮಿತ್ಸುಬಿಷಿ ಪಜೆರೊ ಸ್ಪೋರ್ಟ್ ಆಫ್ ರೋಡ್ ಎಸ್‌ಯುವಿಗಳಲ್ಲಿ ಹೆಚ್ಚು ಬೇಡಿಕೆಯ ಕಾರು ಮಾದರಿಯಾಗಿತ್ತು. ಇತ್ತೀಚೆಗೆ ಈ ಕಾರಿಗೆ ಬೇಡಿಕೆ ತಗ್ಗಿದೆ. ಇದೀಗ ಕೆಲ ಹೊಸ ಬದಲಾವಣೆಗಳೊಂದಿಗೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಈ ಕಾರಿನ ಬೆಲೆ 37.75 ಲಕ್ಷ ರೂಪಾಯಿ.