ಸ್ಯಾಂಡಲ್‌ವುಡ್ ಸ್ಟಾರ್ ನಟರ ಬೆನ್ನೆಲುಬಾಗಿ ನಿಂತ ಮಡದಿಯರಿವರು!

ಹ್ಯಾಟ್ರಿಕ್ ಹೀರೋ ಡಾ.ಶಿವರಾಜ್‌ಕುಮಾರ್ ಯಶಸ್ಸಿನ ಹಿಂದೆ ಸ್ತ್ರಿಶಕ್ತಿಯಿದೆ. ಪಾರ್ವತಮ್ಮ ನಿಧನದ ನಂತರ ಶಿವಣ್ಣನ ಬದುಕಿನಲ್ಲಿ ಬೆಳಕಾಗಿ ನಿಂತಿದ್ದು ಗೀತಾ ಶಿವರಾಜ್‌ಕುಮಾರ್. ಮದುವೆ ಬಳಿಕ ಗೀತಾಕ್ಕ ಕರುನಾಡ ಚಕ್ರವರ್ತಿಯ ಪ್ರತಿಯೊಂದು ಹೆಜ್ಜೆಯಲ್ಲಿಯೂ ಬೆನ್ನೆಲುಭಾಗಿ ನಿಂತಿದ್ದಾರೆ. ಸಿನಿಮಾ ಆಯ್ಕೆ, ಲುಕ್‌, ಫಿಟ್‌ನೆಸ್, ಕಾಸ್ಟ್ಯೂಮ್ ಸೇರಿದಂತೆ ಎಲ್ಲ ವಿಚಾರದಲ್ಲೂ ಪತಿಗೆ ಸಾಥ್ ನೀಡುತ್ತಾರೆ. ಶಿವಣ್ಣ ಕೂಡ ಎಲ್ಲಾ ಕಾರ್ಯಕ್ರಮಕ್ಕೂ ಗೀತಾ ಅವರನ್ನು ಕರೆದುಕೊಂಡು ಹೋಗುತ್ತಾರೆ. 

ರಾಕಿಂಗ್ ಸ್ಟಾರ್ ಯಶ್ ಇಂದು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಬೆಳೆದಿದ್ದಾರೆಂದರೆ ಅದರಲ್ಲಿ ರಾಧಿಕಾ ಪಂಡಿತ್ ಸಹಕಾರ ಕೂಡ ಅಷ್ಟೇ ಇದೆ. ಇಬ್ಬರು ಒಟ್ಟಿಗೆ ಸಿನಿಜೀವನಕ್ಕೆ ಕಾಲಿಟ್ಟು ಯಶಸ್ಸು ಗಳಿಸಿರುವ ಈ ಜೋಡಿ ಯಾವುದೇ ಪ್ರಾಜೆಕ್ಟ್ ಗೆ ಸಹಿ ಮಾಡುವ ಮುನ್ನ ಪರಸ್ಪರ ಚರ್ಚಿಸಿ, ನಿರ್ಧಾರ ಕೈಗೊಳ್ಳುತ್ತದೆಯಂತೆ. ಇನ್ನು ಕೆಜಿಎಫ್ ಬಿಡುಗಡೆ ಬಳಿಕ ಯಶ್ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಬೆಳೆದರು. ಈ ಸಂದರ್ಭದಲ್ಲಿ ಯಶ್ ಹಲವಾರು ಸಂದರ್ಶನ, ಪ್ರೊಮೋಷನ್ ಅಂತ ಮನೆಯಿಂದ ಆಚೆಯೇ ಇರುತ್ತಿದ್ದರು. ಇಂತಹ ಸಂದರ್ಭದಲ್ಲಿ ರಾಧಿಕಾ ಕುಟುಂಬದ ಜವಾಬ್ದಾರಿ ಹೊತ್ತುಕೊಂಡರು. ನಂತರ ಕೆಜಿಎಫ್ ಚಾಪ್ಟರ್  ಸಿನಿಮಾ ಶೂಟಿಂಗ್ ಆರಂಭವಾಯಿತು. 2019ರ ಅಕ್ಟೋಬರ್ 30ರಂದು ಅಥರ್ವ್ ಜನಿಸಿದನು. ಈ ಸಂದರ್ಭದಲ್ಲಿಯೂ ಯಶ್ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದರು. ಇಂತಹ ಸಂದರ್ಭದಲ್ಲಿ ರಾಧಿಕಾ ಪಂಡಿತ್ ತಮ್ಮ ಎರಡು ಮಕ್ಕಳ ಪಾಲನೆ-ಪೋಷಣೆ ಮಾಡಿ ಕುಟುಂಬವನ್ನು ನಿಭಾಯಿಸಿದರು.  ಯಶ್ ಸಿನಿಮಾ ಆಯ್ಕೆಯಲ್ಲೂ ರಾಧಿಕಾ ಜೊತೆಯಾಗಿದ್ದು, ಸಲಹೆ-ಸೂಚನೆಗಳನ್ನು ನೀಡುತ್ತಿದ್ದರು. ಹೆಂಡತಿ ಬಗ್ಗೆ ಈ ಹಿಂದೆ ಪ್ರತಿಕ್ರಿಯಿಸಿದ್ದ ಯಶ್, ನಾನು ಹಲವು ಭಾಷೆಗಳಲ್ಲಿ ಚಿರಪರಿಚಿತ ನಟ ಆಗಿರಬಹುದು.  ನಟನೆಯಲ್ಲಿ ರಾಧಿಕಾ ನನಗಿಂತಲೂ ಒಳ್ಳೆಯ ನಟಿ. ಚಿತ್ರದ ಆಯ್ಕೆ ವಿಚಾರದಲ್ಲಿ ಅವರು ಬಹಳ ಜಾಗರೂಕತೆ ವಹಿಸುತ್ತಾರೆ ಎಂದಿದ್ದರು. 

ಬಹಳ ಕಿಡಿಮೆ ಮಾತನಾಡುವ ಕಿಚ್ಚ ಸುದೀಪ್ ಪತ್ನಿ ಪ್ರಿಯಾ ಪತಿಯ ಪ್ರತಿಯೊಂದು ಕೆಲಸಗಳಿಗೂ ಜೊತೆಯಾಗಿ ನಿಲ್ಲುತ್ತಾರೆ. ಸುದೀಪ್ ಅವರ ಸಿನಿಮಾ ಸಂಬಂಧಿತ ಕಾರ್ಯಕ್ರಮಗಳು, ಕಥೆ ಆಯ್ಕೆ, ಕ್ರಿಕೆಟ್ ಮ್ಯಾಚ್ ಸೇರಿದಂತೆ ಅನೇಕ ಸಂದರ್ಭಗಳಲ್ಲಿ ಪ್ರಿಯಾ ಅವರು ಮಿಸ್ ಮಾಡದೇ ಪಾಲ್ಗೊಳ್ಳುತ್ತಾರೆ. ಜೊತೆಗೆ ಇವರು ಸುದೀಪ್ ಸಿನಿಮಾಗಳನ್ನು ಕೂಡ ನಿರ್ಮಿಸಿದ್ದಾರೆ. ಪ್ರಿಯಾ ಸುದೀಪ್ ಮಾಣಿಕ್ಯ, ಜಿಮ್ಮಿ ಚಿತ್ರಗಳನ್ನು ನಿರ್ಮಿಸಿದ್ದಾರೆ. ಅಶ್ವಿನಿ ನಕ್ಷತ್ರಾ ಎಂಬ ಧಾರಾವಾಹಿಯನ್ನು ನಿರ್ಮಾಣ ಮಾಡಿದ್ದಾರೆ. 

ಪ್ರಗತಿ ಶೆಟ್ಟಿ ಕೂಡ ಪತಿ ರಿಷಭ್ ಶೆಟ್ಟಿಗೆ ಆರಂಭದಿಂದಲೂ ಸಾಥ್ ನೀಡುತ್ತಲೇ ಬಂದಿದ್ದಾರೆ. 2010ರಲ್ಲಿ ಇಂಡಸ್ಟ್ರಿಗೆ ಕಾಲಿಟ್ಟಿದ್ದ ರಿಷಬ್ ಶೆಟ್ಟಿ ನಾಯಕನಾಗಿದ್ದು 2019ರಲ್ಲಿ. ಅಲ್ಲಿಯವರೆಗೂ ಕೆಲ ಸಿನಿಮಾಗಳಲ್ಲಿ ಹೆಸರಿಲ್ಲದ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಪ್ರಗತಿಯವರನ್ನು ಮದುವೆಯಾದ ಸಂದರ್ಭದಲ್ಲಿ ರಿಷಭ್ ಇನ್ನೂ ನಾಯಕನಾಗಿರಲಿಲ್ಲ. ಅಂದಿನಿಂದ ಪತಿಗೆ ಬೆನ್ನೆಲುಬಾಗಿ ನಿಂತಿರುವ ಪ್ರಗತಿಯವರು, ರಿಷಭ್ ಅವರ ಪ್ರತಿಯೊಂದು ಹೆಜ್ಜೆಯಲ್ಲೂ ಜೊತೆಯಾಗಿದ್ದಾರೆ. ಪ್ರಗತಿ 2022ರಲ್ಲಿ ತೆರೆಕಂಡ  ಬ್ಲಾಕ್‌ಬಸ್ಟರ್  ಕಾಂತಾರ ಸಿನಿಮಾದಲ್ಲಿ ಒಂದು ಚಿಕ್ಕ ಪಾತ್ರ ಮಾಡಿದ್ದರು. ಜೊತೆಗೆ ಸಿನಿಮಾಗಳಿಗೆ ಕಾಸ್ಟ್ಯೂಮ್ ಡಿಸೈನರ್ ಆಗಿದ್ದರು. ಸದ್ಯ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿರುವ ರಿಷಭ್, ಸಿನಿಮಾ ಸೇರಿದಂತೆ ಎಲ್ಲಾ ಕಾರ್ಯಕ್ರಮಗಳಿಗೂ ಮುದ್ದಿನ ಮಡದಿಯೊಂದಿಗೆಯೇ ತೆರಳುತ್ತಾರೆ. 

ಕನ್ನಡದ ಕಣ್ಮಣಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರಿಗೆ ಅಶ್ವಿನಿಯವರು ಬೆನ್ನೆಲುಬಾಗಿ ನಿಂತಿದ್ದರು. ಆರಂಭದಲ್ಲಿ ಪಾರ್ವತಮ್ಮ ಅಪ್ಪು ಅವರನ್ನು ಉತ್ತುಂಗಕ್ಕೆ ಏರಿಸಿದ್ದರು. ಮದುವೆ ಬಳಿಕ ಪುನೀತ್‌ಗೆ ಅಶ್ವಿನಿಯವರು ಶ್ರೀರಕ್ಷೆಯಾಗಿ ನಿಂತಿದ್ದರು. ಪುನೀತ್ ಅವರ ಸಿನಿಮಾ ಕೆಲಸಗಳಿಂದ ಹಿಡಿದು ಪಿಆರ್‌ಕೆ ಬ್ಯಾನರ್ ಮತ್ತು ಸೀರಿಯಲ್‌ಗಳ ಉಸ್ತುವಾರಿಯ ಜವಾಬ್ದಾರಿಯನ್ನು ಅಶ್ವಿನಿ ಪುನೀತ್‌ ಅವರೇ ನಿರ್ವಹಿಸಿಕೊಂಡು ಹೋಗುತ್ತಿದ್ದರು. ಅಪ್ಪು ಹೊಸ ಪ್ರತಿಭೆಗಳು, ಯುವ ನಟರು ಹಾಗೂ ನಿರ್ದೇಶಕರಿಗೆ ಅವಕಾಶ ಕೊಡುವ ಉದ್ದೇಶದಿಂದ ಪಿಆರ್‌ಕೆ ಸಂಸ್ಥೆಯನ್ನು ಹುಟ್ಟುಹಾಕಿದ್ದರು. ಪುನೀತ್ ನಿಧನದ ಬಳಿಕ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಅವರೇ ಪಿಆರ್‌ಕೆ ಸಂಸ್ಥೆಯನ್ನು ನಡೆಸಿಕೊಂಡು ಹೋಗುವುದರ ಜೊತೆಗೆ ಹೊಸಬರಿಗೆ ಸಾಥ್ ನೀಡ್ತಿದ್ದಾರೆ. 

ಸ್ಯಾಂಡಲ್‌ವುಡ್ ಬ್ಲ್ಯಾಕ್ ಕೋಬ್ರಾ ದುನಿಯಾ ವಿಜಯ್‌ ತಮ್ಮ ಪತ್ನಿ ಕೀರ್ತಿಯವರನ್ನು ತುಂಬಾ ಇಷ್ಟಪಡುತ್ತಾರೆ. ವಿಜಯ್ ಸಿನಿಮಾ ಸೇರಿದಂತೆ ಎಲ್ಲಾ ಕಾರ್ಯಕ್ರಮಗಳಿಗೂ ಪತ್ನಿಯೊಂದಿಗೆ ತೆರಳುತ್ತಾರೆ. ಮಾಡೆಲ್ ಮತ್ತು ನಟಿಯಾಗಿರುವ ಕೀರ್ತಿ ಕೂಡ ವಿಜಯ್ ಅವರ ಯಶಸ್ಸಿಗೂ ಬೆನ್ನೆಲುಬಾಗಿ ನಿಂತಿದ್ದಾರೆ. ವಿಜಯ್ ಅವರಿಗೆ ಕೀರ್ತಿ ದೊಡ್ಡಶಕ್ತಿಯಾಗಿದ್ದಾರಂತೆ. 

ಸ್ಯಾಂಡಲ್‌ವುಡ್‌ನ ಚಿನ್ನಾರಿ ಮುತ್ತ ವಿಜಯ್ ರಾಘವೇಂದ್ರ ಅವರಿಗೆ ಅವರ ಪತ್ನಿ ಸ್ಪಂದನಾ ದೊಡ್ಡಶಕ್ತಿಯಾಗಿ ನಿಂತಿದ್ದರು. ವಿಜಯ್ ಅವರ ಸೋಲು-ಗೆಲುವಿನಲ್ಲಿ ಜೊತೆಯಾಗಿ ನಿಂತಿದ್ದರು. ಪ್ರೀತಿಸಿ ಮದುವೆಯಾದ ಈ ಜೋಡಿ, ಮದುವೆ ಬಳಿಕ ಕೂಡ ಪ್ರೇಮಿಗಳಂತೆಯೇ ಇದ್ದರು. ವಿಜಯ್ ರಾಘವೇಂದ್ರ ಅವರಿಗೆ ಸ್ಪಂದನಾ ಅವರೆಂದರೆ ಜೀವ. ಪತ್ನಿಯನ್ನು ಅಷ್ಟೊಂದು ಪ್ರೀತಿಸುತ್ತಿದ್ದರು. ಸ್ಪಂದನಾ ವಿಜಯ್ ರಾಘವೇಂದ್ರ ತಮ್ಮ ಪತಿ ನಟಿಸಿರುವ `ಕಿಸ್ಮತ್' ಚಿತ್ರವನ್ನು  ನಿರ್ಮಾಣ ಮಾಡಿದ್ದರು. ಜೊತೆಗೆ 2016ರಲ್ಲಿ ತೆರೆಕಂಡ ಅಪೂರ್ವ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಕೂಡ ಅಭಿನಯಿಸಿದ್ದರು. ದುರಾದೃಷ್ಟವಶಾತ್ 2023ರ ಆಗಸ್ಟ್ 6ರಂದು ಬ್ಯಾಕಾಂಕ್‌ನಲ್ಲಿ ಹೃದಯಾಘಾತದಿಂದ ನಿಧನರಾದರು.