2022 ರಲ್ಲಿ ಬಾಕ್ಸಾಫೀಸಿನಲ್ಲಿ ಅತಿ ಹೆಚ್ಚು ಲಾಭ ಗಳಿಸಿದ ಟಾಪ್ 5 ಚಲನಚಿತ್ರಗಳು

ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ 'ದಿ ಕಾಶ್ಮೀರ ಫೈಲ್ಸ್' ಈ ವರ್ಷದ ಅತ್ಯಂತ ಲಾಭದಾಯಕ ಚಿತ್ರವಾಗಿದೆ. 20 ಕೋಟಿ ಬಜೆಟ್ ನಲ್ಲಿ ನಿರ್ಮಾಣವಾದ ಈ ಚಿತ್ರದ ಒಟ್ಟು ಗಳಿಕೆ 340 ಕೋಟಿ. ಬಂಡವಾಳದ ಆಧಾರದ ಮೇಲೆ ನೋಡುವುದಾದರೆ, ಈ ಚಿತ್ರ ಸುಮಾರು 1700 %  ಲಾಭ ಮಾಡಿದೆ.

ಯಶ್ ಅಭಿನಯದ ಕೆಜಿಎಫ್ ಚಿತ್ರ ಕೂಡ ಈ ವರ್ಷದ ಅತ್ಯಂತ ಲಾಭದಾಯಕ ಚಿತ್ರಗಳಲ್ಲಿ ಎರಡನೇ ಸ್ಥಾನದಲ್ಲಿದೆ. 100 ಕೋಟಿ ಬಜೆಟ್ ನಲ್ಲಿ ನಿರ್ಮಾಣವಾದ ಈ ಚಿತ್ರ ಬಾಕ್ಸಾಫೀಸಿನಲ್ಲಿ 1250 ಕೋಟಿಗೂ ಹೆಚ್ಚು ಗಳಿಕೆ ಕಂಡಿತು. ಈ ಚಿತ್ರ ಸುಮಾರು 1250 % ಪ್ರತಿಶತ ಲಾಭ ಕಂಡಿದೆ.

ಮೋಹನ ಲಾಲ್ ಪುತ್ರ  ಪ್ರಣವ್ ನಾಯಕನಾಗಿ ಅಭಿನಯದ 'ಹೃದಯಂ' ಚಿತ್ರ ಈ ವರ್ಷದ ಅತ್ಯಂತ ಲಾಭದಾಯಕ ಚಿತ್ರಗಳಲ್ಲಿ ಮೂರನೇ ಸ್ಥಾನದಲ್ಲಿದೆ. 7 ಕೋಟಿ ಬಜೆಟ್ ನಲ್ಲಿ ನಿರ್ಮಾಣವಾದ ಈ ಚಿತ್ರ ಬಾಕ್ಸಾಫೀಸಿನಲ್ಲಿ 54 ಕೋಟಿ ಗಳಿಸಿತು. ಈ ಚಿತ್ರ 770% ಪ್ರತಿಶತ ಲಾಭ ಕಂಡಿದೆ.

ರಕ್ಷಿತ್ ಶೆಟ್ಟಿ ನಾಯಕನಾಗಿ ನಟಿಸಿದ್ದ 777 ಚಾರ್ಲಿ ಚಿತ್ರ ಈ ವರ್ಷದ ಅತ್ಯಂತ ಲಾಭದಾಯಕ ಚಿತ್ರಗಳಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. 20 ಕೋಟಿ ಬಜೆಟ್ ನಲ್ಲಿ ನಿರ್ಮಾಣವಾದ ಈ ಚಿತ್ರ ಬಾಕ್ಸಾಫೀಸಿನಲ್ಲಿ 100 ಕೋಟಿಗೂ ಹೆಚ್ಚು ಗಳಿಸಿ 520 % ಪ್ರತಿಶತ ಲಾಭ ಕಂಡಿದೆ.

ಈ ವರ್ಷದ ಅತ್ಯಂತ ಲಾಭದಾಯಕ ಚಿತ್ರಗಳಲ್ಲಿ ಗುಜರಾತಿಯ 'ಕೇವಟ್ ಲಾಲ್ ಪರಿವಾರ್' ಚಿತ್ರ ಸ್ಥಾನ ಪಡೆದಿರುವುದು ಅಚ್ಚರಿಯ ವಿಷಯ. ಮೂರರಿಂದ ನಾಲ್ಕು ಕೋಟಿ ಬಂಡವಾಳದಲ್ಲಿ ನಿರ್ಮಾಣವಾದ ಈ ಚಿತ್ರ ಬಾಕ್ಸಾಫೀಸಿನಲ್ಲಿ ಸುಮಾರು 20 ಕೋಟಿ ಗಳಿಸಿ, ಸುಮಾರು 500 % ಪ್ರತಿಶತ ಲಾಭ ಕಂಡಿತು.