ಎಲ್ಲೆಡೆ 'ಯುವ' ಹವಾ ಶುರು: ಸಿನಿರಸಿಕರ ಮನಗೆದ್ದ 'ಯುವ' ಸಿನಿಮಾದ ಹಿಟ್ ಡೈಲಾಗ್‌ಗಳಿವು!

ಯುವ ಸಿನಿಮಾದಲ್ಲಿ ಸಾಕಷ್ಟು ಪಂಚಿಂಗ್ ಡೈಲಾಗ್ಸ್ ಇವೆ. ಈ ಪೈಕಿ ಕೆಲವೊಂದು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡ್ತಿವೆ. 'ಗೊತ್ತಿಲ್ಲದೇ ಒಳಗೆ ಬರೋಕೆ ನನ್ನೇನು ಅಭಿಮಾನ್ಯು ಅಂದುಕೊಂಡ್ಯಾ....ಬಬ್ರುವಾಹನ' ಎಂಬ ಡೈಲಾಗ್ ಅಭಿಮಾನಿಗಳ ಫೇವರಿಟ್ ಆಗಿದೆ. ಇನ್ನು 'ಕೆಲವ್ರು ತಾನು ಗಂಡ್ಸು ಅಂತ ತೋರಿಸಿಕೊಳ್ಳಕೆ ಕುಡಿತಾರೆ. ನಾನು ಆ ಕ್ಯಾಟಗರಿಯೋನು ಅಲ್ಲ ಎಂಬುದು ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.  

ಎದುರಾಕಿಕೊಳ್ಳೋಕೆ ನಾನ್ ರೆಡಿ...ಎದೆ ಕೊಡೋಕೆ ನೀನ್ ರೆಡಿನಾ? ನೀನು ಲೋಕಲ್.....ನಾನು ಪಕ್ಕಾ ಲೋಕಲ್ ಎಂಬ ಮತ್ತೊಂದು ಡೈಲಾಗ್ ಸಿಕ್ಕಾಪಟ್ಟೆ ಮಾಸ್ ಆಗಿದೆ. ಕೈಲಾಸದಲ್ಲು ಇರೋದು ಶಿವ, ಕೈಲಾಸಕ್ಕೆ ಕಳಿಸೋನು ಯುವ ಎನ್ನುವ ಡೈಲಾಗ್ ಕೂಡ ಥಿಯೇಟರ್ ಒಳಗೆ ಸಖತ್ ಸೌಂಡ್ ಮಾಡ್ತಿದೆ. 

ಅಮ್ಮ-ಅಕ್ಕ ಅಂತ ಸಾಲ ವಸೂಲಿ ಮಾಡೋ ನಿಮಗೆ ಇಷ್ಟಿರಾಬೇಕಾದ್ರೆ....ಅದೇ ಅಮ್ಮ-ಅಕ್ಕನಿಗೋಸ್ಕರ ಸಾಲ ಮಾಡೋ ನಮಗೆ ಎಷ್ಟಿರಬೇಡ ಎನ್ನುವ ಸಾಲುಗಳು ಸಿನಿರಸಿಕರ ಮನಗೆದ್ದಿವೆ. ಡಿಗ್ನಿಟಿ ಅನ್ನೋದು ನಾವು ಮಾಡೋ ಕೆಲಸದಲ್ಲು ಇರೋದಲ್ಲ, ನಾವು ಹೇಗೆ ಬದುಕುತ್ತೇವೆ ಅನ್ನೋದ್ರ ಮೇಲೆ ಇರೋದು ಎಂಬ ಡೈಲಾಗ್ ಕೂಡ ಇಷ್ಟವಾಗುತ್ತದೆ. 

ಬ್ರಾಂಡ್ ಇರೋದು ಚೇಂಜ್ ಮಾಡೋಕ್ಕಲ್ಲ......ಮೆಂಟೈನ್ ಮಾಡೋಕೆ ಎನ್ನುವ ಡೈಲಾಗ್ ಕ್ಲಾಸ್ ಎನಿಸುತ್ತದೆ. ಇನ್ನೂ ಬೇಕೆಂದಾಗ ಫ್ರೆಂಡ್ ಆಗೋಕೆ ನಾನು ಫೇಸ್‌ಬುಕ್‌ನಲ್ಲಿ ಸೀಗೋನಲ್ಲ ...ಫೇಸ್‌ ಟು ಫೇಸ್ ಸಿಗೋನು ಎಂಬ ಡೈಲಾಗ್ ಸಖತ್ ಇಟಷ್ಟವಾಗುತ್ತದೆ.  ಕಂಪ್ಲೀಟ್  ಯುವ ಸಿನಿಮಾ ನೋಡಿದರೆ ಇಂತಹ ಸಾಕಷ್ಟು ಕ್ಯಾಚಿ ಡೈಲಾಗ್ಸ್ ಗಮನ ಸೆಳೆಯುತ್ತವೆ. 

ಥಿಯೇಟರ್ ಮಾಲೀಕರ ಪ್ರಕಾರ, ಯುವ ಸಿನಿಮಾದ ಬಹುತೇಕ ಶೋಗಳು ಸೋಲ್ಡ್ ಔಟ್ ಆಗಿ. ಅದರಲ್ಲೂ ಇಂದು ಶನಿವಾರ ಮತ್ತು ನಾಳೆ ಭಾನುವಾರ ಆಗಿರುವ ಕಾರಣ ಯುವಾಗೆ ಡಿಮ್ಯಾಂಡ್ ಜಾಸ್ತಿಯಾಗಿದೆ ಎನ್ನಲಾಗಿದೆ. ಈ ಮೂಲಕ ಯುವ ಸಿನಿಮಾ ಮೊದಲ ದಿನವೇ ಬರೋಬ್ಬರಿ 4 ರಿಂದ 5 ಕೋಟಿ ಕಲೆಕ್ಷನ್ ಮಾಡಿರಬಹುದು ಎನ್ನಲಾಗ್ತಿದೆ. ಆದರೆ, ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.