Yuva Movie: ಚೊಚ್ಚಲ ಸಿನಿಮಾದಲ್ಲೇ ಯುವ ರಾಜ್‌ಕುಮಾರ್‌ಗೆ ಸಿಕ್ಕ ಪ್ಲಸ್ ಪಾಯಿಂಟ್‌ಗಳಿವು!

ಯುವ ರಾಜ್‌ಕುಮಾರ್ ಅಭಿನಯದ ಮೊದಲ ಸಿನಿಮಾವನ್ನು ಹೊಂಬಾಳೆ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ವಿಜಯ್ ಕಿರಂಗದೂರ್ ನಿರ್ಮಾಣ ಮಾಡ್ತಿದ್ದಾರೆ. ಯಶ್ ನಟನೆಯ ಕೆಜಿಎಫ್, ಕಾಂತಾರ ಹಾಗೂ ಸಲಾರ್ ಅಂತಹ ಸಿನಿಮಾಗಳನ್ನು ನಿರ್ಮಾಣ ಮಾಡಿರುವ ಹೊಂಬಾಳೆ ಫಿಲ್ಮ್ಸ್ ಭಾರತದ ಪ್ರತಿಷ್ಠಿತ ಬ್ಯಾನರ್‌ಗಳಲ್ಲಿ ಒಂದು ಎಂಬುದು ವಿಶೇಷ.

ಎರಡನೇಯದು 'ಯುವ' ಸಿನಿಮಾವನ್ನು ಕನ್ನಡ ಚಿತ್ರರಂಗದ ಪ್ರತಿಭಾವಂತ ನಿರ್ದೇಶಕ ಸಂತೋಷ್ ಆನಂದ್‌ ರಾಮ್ ನಿರ್ದೇಶನ ಮಾಡುತ್ತಿದ್ದಾರೆ. 2014 ರಲ್ಲಿ ಯಶ್ ಅಭಿನಯದ `Mr & Mrs ರಾಮಾಚಾರಿ' ಚಿತ್ರದ ಮೂಲಕ ನಿರ್ದೇಶಕರಾಗಿ ಸ್ಯಾಂಡಲ್‌ವುಡ್‌ಗೆ ಕಾಳಿಟ್ಟ ಇವರು, ನಂತರ ರಾಜಕುಮಾರ, ಯುವರತ್ನ, ರಾಘವೇಂದ್ರ ಸ್ಟೋರ್ಸ್ ಸಿನಿಮಾಗಳಿಗೆ ಆಕ್ಷನ್ ಕಟ್ ಹೇಳಿದ್ರು. ಈ ಎಲ್ಲಾ ಚಿತ್ರಗಳು ಸೂಪರ್ ಹಿಟ್ ಆಗಿದ್ದವು. 

ಯುವ ಮೊದಲ ಸಿನಿಮಾದಲ್ಲೇ ಅಚ್ಯುತ್ ಕುಮಾರ್, ಸುಧಾರಾಣಿ, ಗೋಪಾಲಕೃಷ್ಣ ದೇಶಪಾಂಡೆ, ಕಿಶೋರ್, ಬಿ.ಎಂ ಗಿರಿರಾಜ್, ರವಿಶಂಕರ್ ಗೌಡ ಮುಂತಾದ ಅನುಭವಿ ಕಲಾವಿದರು ಜೊತೆಯಾಗಿದ್ದು, ಸಿನಿಮಾದ ಮೆಲೆ ಸಿಕ್ಕಾಪಟ್ಟೆ ನಿರೀಕ್ಷೆಯಿದೆ. ಸಪ್ತಮಿ ಗೌಡ ಯುವಗೆ ನಾಯಕಿಯಾಗಿ ಮಿಂಚಿದ್ದಾರೆ. 

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಉತ್ತರಾಧಿಕಾರಿ ಅಂತಲೇ ಬಿಂಬಿತವಾಗಿರುವ ಯುವ ರಾಜ್‌ಕುಮಾರ್‌ ಅವರಿಗೆ ಅಪ್ಪು ಅಭಿಮಾನಿಗಳು ದೊಡ್ಡ ಮಟ್ಟದ ಬೆಂಬಲ ನೀಡುತ್ತಿದ್ದಾರೆ. ಪುನೀತ್ ಅಗಲಿಕೆ ಬಳಿಕ ಯುವ ಅವರನ್ನು ಅವರ ಸ್ಥಾನದಲ್ಲಿ ನೋಡಬೇಕೆಂಬುದು ಅಭಿಮಾನಿಗಳ ಬಯಕೆ. ಹೀಗಾಗಿ ಯುವಗೆ ಸಿಕ್ಕಾಪಟ್ಟೆ ಸಫೋರ್ಟ್ ಮಾಡ್ತಿದ್ದಾರೆ. 

ಸ್ಟಾರ್ ನಟರೊಬ್ಬರಿಗೆ ಯಾವ ರೀತಿಯಲ್ಲಿ ಕ್ರೇಜ್ ಸೃಷ್ಟಿಯಾಗುತ್ತದೆಯೋ, ಅಂತಹದೇ ಕ್ರೇಜ್ ಯುವ ರಾಜ್‌ಕುಮಾರ್ ಅವರ ಚೊಚ್ಚಲ ಸಿನಿಮಾಗೆ ಸಿಗುತ್ತಿದೆ. ಯುವ ಸಿನಿಮಾದ ಮೇಲೆ ಇನ್ನಿಲ್ಲದ ನಿರೀಕ್ಷೆ ಹುಟ್ಟಿಕೊಂಡಿದ್ದು, ನಟರೊಬ್ಬರ ಮೊದಲ ಸಿನಿಮಾಗೆ ಈ ರೀತಿ ಹವಾ ಸೃಷ್ಟಿಯಾಗಿರುವುದು ದಾಖಲೆಯೇ ಸರಿ.

ಯುವ ಸಿನಿಮಾದ ಟ್ರೇಲರ್ ಈಗಲೂ ಯೂಟ್ಯೂಬ್‌ನಲ್ಲಿ ಟ್ರೆಡಿಂಗ್‌ನಲ್ಲಿದೆ. ಟ್ರೇಲರ್ ರಿಲೀಸ್ ಬಳಿಕ ಯುವ ಸಿನಿಮಾ ಮೇಲಿನ ಕ್ರೇಜ್ ಡಬಲ್ ಆಗಿದೆ. ಇಂಜಿನಿಯರಿಂಗ್ ಕಾಲೇಜೊಂದರಲ್ಲಿ ಗ್ಯಾಂಗ್‌ವಾರ್ ದೊಡ್ಡ ಗಲಾಟೆಯಾಗಿ ಬದಲಾಗುತ್ತದೆ. ಈ ಸಂದರ್ಭ ಯುವ ತನ್ನ ಹಾಸ್ಟೆಲ್ ಹುಡುಗರ ಬೆಂಬಲಕ್ಕೆ ನಿಲ್ಲುತ್ತಾನೆ. ಆತ ತನ್ನ ಸ್ನೇಹಿತರನ್ನು ರಕ್ಷಿಸಲು ಹಾಗೂ ತನ್ನವರ ಪರ ನಿಲ್ಲಲು ಸಾಧ್ಯವಾಗುತ್ತಾ? ಎಂಬುದೇ ಸಿನಿಮಾದ ಒನ್‌ಲೈನ್ ಕಥೆಯಾಗಿದೆ.