ಅಕ್ಷಯ್ ಕುಮಾರ್ ಟು ಸಂಜಯ್ ದತ್: ಸ್ಯಾಂಡಲ್‌ವುಡ್‌ ಪರದೆ ಮೇಲೆ ಮಿಂಚಿ ಹೋದ ಬಾಲಿವುಡ್ ನಟರಿವರು!

ಬಾಲಿವುಡ್‌ ಸೂಪರ್ ಸ್ಟಾರ್ ಪೃಥ್ವಿರಾಜ್ ಕಪೂರ್ 1971ರಲ್ಲಿ ಬಿಡುಗಡೆಯಾಗಿದ್ದ 'ಸಾಕ್ಷಾತ್ಕಾರ' ಸಿನಿಮಾದಲ್ಲಿ ನಟಿಸಿದ್ದರು. ಡಾ.ರಾಜ್‌ಕುಮಾರ್ ಅವರ ತಂದೆಯ ಪಾತ್ರಕ್ಕೆ ಪೃಥ್ವಿರಾಜ್ ಕಪೂರ್ ಬಣ್ಣಹಚ್ಚಿದ್ದರು. ಬಟೌನ್‌ನಲ್ಲಿ ಕಪೂರ್ ಫ್ಯಾಮಿಲಿ ಬಹಳ ದೊಡ್ಡದಾಗಿದ್ದು, ಈ ಕುಟುಂಬದ ಮೊದಲ ನಟ ಪೃಥ್ವಿರಾಜ್ ಕಪೂರ್.

ಖ್ಯಾತ ನಿರ್ದೇಶಕ ಮಣಿರತ್ನಂ ನಿರ್ದೇಶನದ ಚೊಚ್ಚಲ ಸಿನಿಮಾ 'ಪಲ್ಲವಿ ಅನುಪಲ್ಲವಿ'. ತಮ್ಮ ಸಿನಿಜೀವನದ ಆರಂಭದಲ್ಲಿ ಸುಮಾರು 5 ಹಿಂದಿ ಚಿತ್ರಗಳಲ್ಲಿ ಮತ್ತು 1 ತೆಲುಗು ಚಿತ್ರದಲ್ಲಿ ನಟಿಸಿದ್ದ  ಈ ಸಿನಿಮಾದಲ್ಲಿ ಅನಿಲ್ ಕಪೂರ್ ನಾಯಕನಾಗಿ ನಟಿಸಿದ್ದರು. 1981ರಲ್ಲಿ ರಿಲೀಸ್ ಆಗಿದ್ದ ಈ ಸಿನಿಮಾದ ನಗುವ ನಯನ ಮಧುರ ಮೌನ ಗೀತೆ ಇಂದಿಗೂ ಪ್ರಸಿದ್ಧವಾಗಿದೆ. ಮತ್ತೆ ಅನಿಲ್ ಕಪೂರ್ ಚಂದನವನಕ್ಕೆ ಮರಳಿಲ್ಲ.

1993ರಲ್ಲಿ ಬಿಡುಗಡೆಯಾದ ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅಭಿನಯದ 'ವಿಷ್ಣು ವಿಜಯ' ಸಿನಿಮಾದಲ್ಲಿ ನಟ ಅಕ್ಷಯ್ ಕುಮಾರ್ ನಟಿಸಿದ್ದರು. ಹಿಂದಿಯಲ್ಲಿ ಬಂದಿದ್ದ 'ಅಶಾಂತ್' ಸಿನಿಮಾದ ಕನ್ನಡ ರಿಮೇಕ್ ಇದಾಗಿತ್ತು. ಬಾಲಿವುಡ್‌ನಲ್ಲಿ ಸೋತಿದ್ದ ಈ ಸಿನಿಮಾ ಕನ್ನಡದಲ್ಲಿ ಗೆದ್ದಿತ್ತು. ಈ ಚಿತ್ರವಾದ ಸುಮಾರು 25 ವರ್ಷಗಳ ನಂತರ ಅಕ್ಷಯ್ ಮತ್ತೆ ರಜಿನಿಯ 2.0 ಚಿತ್ರದ ಮೂಲಕ ದಕ್ಷಿಣ ಭಾರತದ ಚಿತ್ರದಲ್ಲಿ ಕಾಣಿಸಿಕೊಂಡರು.

ಬಾಲಿವುಡ್‌ ಬಿಗ್ ಬಿ ಅಮಿತಾಭ್ ಬಚ್ಚನ್ ಅವರು ಕನ್ನಡದ 'ಅಮೃತಧಾರೆ' ಸಿನಿಮಾದಲ್ಲಿ ಅತಿಥಿ ಪಾತ್ರ ಮಾಡಿದ್ದರು. ನಾಗತಿಹಳ್ಳಿ ಚಂದ್ರಶೇಖರ್ ಈ ಸಿನಿಮಾದಲ್ಲಿ ಮೋಹಕತಾರೆ ರಮ್ಯಾ ನಾಯಕಿಯಾಗಿ ಹಾಗೂ ಧ್ಯಾನ್ ನಾಯಕನಾಗಿ ಅಭಿನಯಿಸಿದ್ದರು. ಚಿತ್ರದಲ್ಲಿ ಅವರು ಸೂಪರ್ ಸ್ಟಾರ್ ಅಮಿತಾಭ್ ಬಚ್ಚನ್ ಪಾತ್ರದಲ್ಲೇ ಕಾಣಿಸಿಕೊಂಡಿದ್ದರು.

ಬಾಲಿವುಡ್ ನಟ ಸಂಜಯ್ ದತ್  'ಕೆಜಿಎಫ್ 2'  ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟಿದ್ದರು.  'ಕೆಜಿಎಫ್ 2' ಸಿನಿಮಾದಲ್ಲಿ 'ಅಧೀರ'ನಾಗಿ ಅಬ್ಬರಿಸಿದ್ದ ಇವರಿಗೆ, ಈ ಸಿನಿಮಾ ಬಳಿಕ ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಬೇಡಿಕೆ ಹೆಚ್ಚಿದೆ. ಸದ್ಯ ಕನ್ನಡದ 'ಕೆಡಿ' ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ.

ಬಾಲಿವುಡ್ ಖ್ಯಾತ ನಟ ಅನುಪಮ್ ಖೇರ್ ಅವರು ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಭಿನಯದ 'ಘೋಸ್ಟ್' ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗ ಕಾಲಿಟ್ಟಿದ್ದರು. ಜೈಲು ಹೈಜಾಕ್ ಮಾಡುವ ಕಥೆ ಹೊಂದಿದ್ದ ಈ ಸಿನಿಮಾ 2023ರಲ್ಲಿ ತೆರೆಗೆ ಬಂದಿತ್ತು.

ರಾಜ್, ಅಕ್ಸರ್ ಚಿತ್ರಗಳ ಮೂಲಕ ಪ್ರಸಿದ್ಧರಾಗಿರುವ ಡಿನೋ ಮೋರಿಯಾ ಕನ್ನಡದಲ್ಲಿ 2006ರಲ್ಲಿ ತೆರಕಂಡ 'ಜೂಲಿ' ಚಿತ್ರದಲ್ಲಿ ನಾಯಕನಾಗಿ ನಟಿಸಿದ್ದರು. ಈ ಸಿನಿಮಾದಲ್ಲಿ ನಟಿ ರಮ್ಯಾ ಸಿಕ್ಕಾಪಟ್ಟೆ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದರು. ಅಂದ್ಹಾಗೆ ಈ ಚಿತ್ರ 2006ರಲ್ಲಿ ಬಿಡುಗಡೆಯಾಗಿತ್ತು.

2006ರಲ್ಲಿ ತೆರೆಕಂಡ ಮಾಸ್ಟರ್ ಕಿಶನ್ ಅಭಿನಯದ 'ಕೇರ್ ಆಫ್ ಪುಟ್‌ಪಾತ್' ಚಿತ್ರದಲ್ಲಿ ಬಾಲಿವುಡ್ ನಟ ಜಾಕಿ ಶ್ರಾಫ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅವರು ಮುಖ್ಯಮಂತ್ರಿ ಪಾತ್ರದಲ್ಲಿ ಕಾಣಿಸಿಕೊಂಡರು. ನಂತರ ಪುನೀತ್ ರಾಜ್‌ಕುಮಾರ್ ನಟನೆಯ ಅಣ್ಣಾ ಬಾಂಡ್, ಜಮಾನಾ ಸೇರಿದಂತೆ ಕೆಲ ಕನ್ನಡ ಚಿತ್ರಗಳಲ್ಲಿ ನಟಿಸಿದರು.

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಭಿನಯದ 'ರುಸ್ತುಂ' ಸಿನಿಮಾದಲ್ಲಿ ಬಾಲಿವುಡ್ ನಟ ವಿವೇಕ್ ಒಬೆರಾಯ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿ ಅವರು ಅಸಿಸ್ಟಂಟ್ ಕಮಿಷನರ್ ಪಾತ್ರದಲ್ಲಿ ನಟಿಸಿದ್ದರು. ಅಂದ್ಹಾಗೆ ಈ ಸಿನಿಮಾ 2019ರಲ್ಲಿ ತೆರೆಗೆ ಬಂದಿತ್ತು.

ಬಾಲಿವುಡ್‌ನಲ್ಲಿ ಅಣ್ಣ ಎಂದೇ ಪ್ರಸಿದ್ಧರಾಗಿರುವ ಸುನೀಲ್ ಶೆಟ್ಟಿ ಅವರು ಕಿಚ್ಚ ಸುದೀಪ್ ಅಭಿನಯದ 'ಫೈಲ್ವಾನ್' ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟಿದ್ದರು. ಕುಸ್ತಿ ಪಂದ್ಯಾವಳಿಯ ಕುರಿತಾದ ಚಿತ್ರದಲ್ಲಿ ಸರ್ಕಾರ್ ಎಂಬ ಪಾತ್ರ ಮಾಡಿದ್ದರು.