ಚಿಕ್ಕವಯಸ್ಸಿನಲ್ಲೇ ಪತಿಯನ್ನು ಕಳೆದುಕೊಂಡ ಸ್ಯಾಂಡಲ್‌ವುಡ್ ನಟಿಯರಿವರು!

ಕನ್ನಡ ಚಿತ್ರರಂಗದ ಹಿರಿಯ ನಟಿ ವಿನಯ ಪ್ರಸಾದ್  ಈವೆಗೂ 125ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಕನ್ನಡ ಮಾತ್ರವಲ್ಲದೇ ಪರಭಾಷೆಯಲ್ಲೂ ಮಿಂಚಿದ್ದಾರೆ. ಸಿನಿಜೀವನದಲ್ಲಿ ಉತ್ತುಂಗದಲ್ಲಿರುವ ವಿನಯ ಪ್ರಸಾದ್, ತಮ್ಮ ವೈಯಕ್ತಿದ ಬದುಕಿನಲ್ಲಿ ಅಷ್ಟೆ ಕಹಿ ಘಟನೆಗಳನ್ನು ಎದುರಿಸಿದ್ದಾರೆ. ಈ ನಟಿ 1988ರಲ್ಲಿ ವಿ.ಆರ್‌.ಕೆ ಪ್ರಸಾದ್ ಅವರನ್ನು ಕೈ ಹಿಡಿದರು. ವಿನಯ ಪ್ರಸಾದ್ ಅವರ ಮೊದಲ ಸಿನಿಮಾವಾದ ಮಧ್ವಾಚಾರ್ಯ ಚಿತ್ರೀಕರಣ ಸಂದರ್ಭದಲ್ಲಿ ವೈಲಾಯ ಕೃಷ್ಣ ಪ್ರಸಾದ್ ಪರಿಚಯವಾಗಿತ್ತು. ಪ್ರಸಾದ್ ಉತ್ತಮ ಸಂಕಲನಕಾರ, ಸಹ ನಿರ್ದೇಶಕ ಮತ್ತು ನಿರ್ದೇಶಕರಾಗಿದ್ದವರು. ಮಧ್ವಾಚಾರ್ಯ ಸಿನಿಮಾ ನಂತರ ಮತ್ತೆ ಕಾಲೇಜು ವ್ಯಾಸಂಗ ಮುಗಿಸಿ, ಒಂದು ವರ್ಷದ ಬಳಿಕ ಮತ್ತೆ ಸಿನಿರಂಗಕ್ಕೆ ಬಂದ ವಿನಯ ಅವರಿಗೆ ಪ್ರಸಾದ್ ಅವರ ಮೇಲೆ ಪ್ರೀತಿಯಾಗಿ ನಂತರ ಮದುವೆಯಾಗುತ್ತಾರೆ. ಆದರೆ, ಇವರಿಬ್ಬರ ಸಾಂಸಾರಿಕ ಜೀವನ ನಡೆದದ್ದು ಕೇವಲ ಏಳು ವರ್ಷ ಮಾತ್ರ. ಬಳಿಕ ತನ್ನನ್ನು ಅರ್ಥಮಾಡಿಕೊಂಡು ಜೀವನ ನಡೆಸುವ ಪತಿಬೇಕೆಂದು ಇಷ್ಟಪಟ್ಟು ಮದುವೆಯಾದ ವಿನಯಾ ಅವರ ಬಾಳಲ್ಲಿ ಬಿರುಗಾಳಿ ಎದ್ದು ಮೊದಲ ಪತಿಯನ್ನು ಕಳೆದುಕೊಂಡರು. 

2002ರಲ್ಲಿ ತೆರೆಕಂಡ ನಿನಗಾಗಿ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟ ರಾಧಿಕಾ ಅನೇಕ ಹಿಟ್ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಮೂಲತಃ ಮಂಗಳೂರಿನವರಾದ ಈ ನಟಿ ಹದಿನಾಲ್ಕನೇ ವಯಸ್ಸಿನಲ್ಲಿರುವಾಗ ರತನ್ ಕುಮಾರ್ ಎಂಬುವವರ ಜೊತೆ ಕಟೀಲಿನ ದುರ್ಗಾ ಪರಮೇಶ್ವರಿ ದೇವಸ್ಥಾನದಲ್ಲಿ ಬಾಲ್ಯವಿವಾಹ ಮಾಡಲಾಗಿತ್ತು. ಆದರೆ, 2002ರ ಆಗಸ್ಟ್ ತಿಂಗಳಲ್ಲಿ ರತನ್ ಹೃದಯಾಘಾತದಿಂದ ನಿಧನರಾದರು. ನಂತರ 2006ರಲ್ಲಿ ಮಾಜಿ ಮುಖ್ಯಮಂತ್ರಿ  ಕುಮಾರಸ್ವಾಮಿಯವರೊಂದಿಗೆ ವಿವಾಹವಾದ ರಾಧಿಕಾರಿಗೆ ಶಮಿಕಾ ಎಂಬ ಪುತ್ರಿಯಿದ್ದಾಳೆ. ರಾಧಿಕಾ 2010ರಲ್ಲಿ ಈ ವಿಷಯವನ್ನು ಸಾರ್ವಜನಿಕಗೊಳಿಸಿದರು.

ಬಾಲನಟಿಯಾಗಿ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟ ಮಾಲಾಶ್ರೀ, ಸುಮಾರು 34 ಚಿತ್ರಗಳಲ್ಲಿ ಬಾಲನಟಿಯಾಗಿಯೇ ಅಭಿನಯಿಸಿ ಹೆಸರು ಮಾಡಿದ್ದಾರೆ. ನಂತರ ನಂಜುಂಡಿ ಕಲ್ಯಾಣ ಚಿತ್ರದ ಮೂಲಕ ನಾಯಕಿಯಾಗಿ ಪದಾರ್ಪಣೆ ಮಾಡಿದ ಅವರು, ಸೂಪರ್ ಹಿಟ್ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಕನಸಿನ ರಾಣಿ ಎಂಬ ಬಿರುದು ಪಡೆದರು. ಮಾಲಾಶ್ರೀ 1997ರಲ್ಲಿ ನಿರ್ಮಾಪಕ ರಾಮು ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಈ ದಂಪತಿಗೆ ಇಬ್ಬರು ಮುದ್ದಾದ ಮಕ್ಕಿಳಿದ್ದಾರೆ. ಆದರೆ, 2021ರ ಏಪ್ರಿಲ್ 26ರಂದು ರಾಮು ಅವರು ಕೊರೊನಾ ವೈರಸ್‌ನಿಂದ ಕೊನೆಯುಸಿರೆಳೆದರು. 

ನಟ ಸುಂದರರಾಜ್ ಹಾಗೂ ನಟಿ ಪ್ರೇಮಿಳಾ ಅವರ ಏಕೈಕ ಪುತ್ರಿಯಾದ ಮೇಘನಾ ರಾಜ್, 2009ರಲ್ಲಿ ತೆರಕಂಡ ಬೆಂಡು ಅಪ್ಪಾರಾವ್ RMP ಚಿತ್ರದಿಂದ ನಾಯಕಿಯಾಗಿ ಸಿನಿಪಯಣ ಆರಂಭಿಸಿದರು. ಮೇಘನಾ ಸಿನಿ ಕರಿಯರ್‌ಗೆ ಬ್ರೇಕ್ ನೀಡಿದ್ದು ಮಲಯಾಳಂ ಚಿತ್ರರಂಗ. ಹಲವು ಯಶಸ್ವಿ ಮಲಯಾಳಂ ಚಿತ್ರಗಳಲ್ಲಿ ನಟಿಸಿದ ಮೇಘನಾ, 2018ರ ಮೇ ತಿಂಗಳಿನಲ್ಲಿ ಸ್ಯಾಂಡಲ್‌ವುಡ್ ನಟ ಚಿರಂಜೀವಿ ಸರ್ಜಾ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಆದರೆ, ಚಿರಂಜೀವಿ ಸರ್ಜಾ 2020ರ ಜೂನ್ 7ರಂದು ಹೃದಯಾಘಾತದಿಂದ ತಮ್ಮ 39ನೇ ವಯಸ್ಸಿನಲ್ಲಿ ವಿಧಿವಶರಾದರು. ಈ ಸಂದರ್ಭದಲ್ಲಿ ಮೇಘನಾ ತುಂಬು ಗರ್ಭಿಣಿಯಾಗಿದ್ದರು. 

ರವಿಚಂದ್ರನ್ ಅಭಿನಯದ ಪುಟ್ನಂಜ, ಸುದೀಪ್ ಅಭಿನಯದ ಸ್ವಾತಿ ಮುತ್ತು, ಮೈ ಆಟೋಗ್ರಾಫ್, ವಿಷ್ಣುವರ್ಧನ್ ಅಭಿನಯದ ಸಿಂಹಾದ್ರಿಯ ಸಿಂಹ ಸಿನಿಮಾ ಸೇರಿದಂತೆ ಹಲವು ಕನ್ನಡ ಸಿನಿಮಾಗಳಲ್ಲಿ ನಟಿಸಿರುವ ಬಹುಭಾಷಾ ನಟಿ ಮೀನಾ ಕೂಡ ಚಿಕ್ಕವಯಸ್ಸಿನಲ್ಲಿಯೇ ಪತಿಯನ್ನು ಕಳೆದುಕೊಂಡರು. ಮೀನಾ 2009ರಲ್ಲಿ ವಿದ್ಯಾಸಾಗರ್ ಎಂಬುವವರನ್ನು ವಿವಾಹವಾಗಿದ್ದರು. ಆದರೆ, 2022ರ ಜೂನ್‌ ತಿಂಗಳಲ್ಲಿ ವಿದ್ಯಾಸಾಗರ್ ಕೊರೋನಾ ಸೋಂಕಿನಿಂದ ಮೃತಪಟ್ಟರು. 

ಅರುಂಧತಿ ನಾಗ್ ಭಾರತೀಯ ಚಿತ್ರರಂಗದ ಬಹುಭಾಷಾ ನಟಿ ಮತ್ತು ರಂಗಭೂಮಿ ಕಲಾವಿದೆ. ಕನ್ನಡ ಚಿತ್ರರಂಗದ ದಂತಕಥೆ ಶಂಕರನಾಗ್ ಇವರ ಪತಿ. ಇವರಿಗೆ ಶಂಕರನಾಗ್ ರಂಗಭೂಮಿಯ ಮೂಲಕ ಪರಿಚಯವಾಗುತ್ತಾರೆ. ಆಗ ಅರುಂಧತಿ ಅವರಿಗೆ ಕೇವಲ 17 ವರ್ಷ. ಮುಂದೆ ಆರು ವರ್ಷಗಳ ನಂತರ ಇವರಿಬ್ಬರು ವಿವಾಹವಾಗುತ್ತಾರೆ. ಆದರೆ, ಶಂಕರ್‌ನಾಗ್ 1990ರ ಸೆಪ್ಟಂಬರ್ 30ರ ಬೆಳಗ್ಗೆ ಜೋಕುಮಾರಸ್ವಾಮಿ ಚಿತ್ರದ ಶೂಟಿಂಗ್‌ಗಾಗಿ ಪತ್ನಿ ಮತ್ತು ಮಗಳು ಕಾವ್ಯ ಜೊತೆ ಕಾರಿನಲ್ಲಿ ಹೋಗುವಾಗ ದಾವಣಗೆರೆ ಹೊರವಲಯದ ಬಳಿ ಅಪಘಾತಕ್ಕೀಡಾಗಿ ನಿಧನರಾದರು. ಆಗಿನ್ನು ಶಂಕರ್‌ನಾಗ್ ಅವರಿಗೆ 35 ವರ್ಷ. 

ಕನ್ನಡ ಚಿತ್ರರಂಗದಲ್ಲಿ ಅಭಿನಯ ಸರಸ್ವತಿ ಅಂತಲೇ ಖ್ಯಾತರಾಗಿದ್ದ ನಟಿ ಬಿ ಸರೋಜಾ ದೇವಿ, ಕನ್ನಡ ಮಾತ್ರವಲ್ಲದೇ ಬೇರೆ ಭಾಷೆಗಳಲ್ಲಿ ನಟಿಸುವ ಮೂಲಕ ಫೇಮಸ್ ಆಗಿದ್ದರು. ಈ ನಟಿ 1967ರಲ್ಲಿ ಶ್ರೀಹರ್ಷ ಎಂಬುವವರನ್ನು ಮದುವೆಯಾದರು. ಆದರೆ, ಹುದ್ದೆಯಲ್ಲಿ ಇಂಜಿನಿಯರ್ ಆಗಿದ್ದ ಶ್ರೀಹರ್ಷ 1986ರಲ್ಲಿ ಅವರು ಅನಾರೋಗ್ಯದಿಂದ ಮರಣ ಹೊಂದಿದರು.