ಸ್ಯಾಂಡಲ್‌ವುಡ್‌ನ 5 ಬೆಸ್ಟ್ ರಿಮೇಕ್ ಸಿನಿಮಾಗಳಿವು: ನಿಮ್ಮಿಷ್ಟದ ಸಿನಿಮಾ ಯಾವುದು?

ಸ್ಯಾಂಡಲ್‌ವುಡ್ ರಾಕಿಂಗ್ ಸ್ಟಾರ್ ಯಶ್ ಇಂದು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಯಶ್‌ಗೆ ಮೊದಲು ಕಮರ್ಷಿಯಲ್ ಸಕ್ಸಸ್ ನೀಡಿದ ಸಿನಿಮಾ 'ಕಿರಾತಕ'. 2011ರಲ್ಲಿ ಬಿಡುಗಡೆಯಾದ ಈ ಚಿತ್ರವನ್ನು ಪ್ರದೀಪ್ ರಾಜ್ ನಿರ್ದೇಶನ ಮಾಡಿದ್ದರು. ಇದು ಕನ್ನಡ ಚಿತ್ರರಂಗದ 3000ನೇ ಸಿನಿಮಾ ಎಂಬುದು ಒಂದು ವಿಶೇಷ. ಅಂದ್ಹಾಗೆ ಕಿರಾತಕ 2010ರಲ್ಲಿ ತೆರೆಕಂಡ ತಮಿಳಿನ ಕಲಾವಾಣಿ ಚಿತ್ರದ ರಿಮೇಕ್ ಆಗಿತ್ತು. ಇದು ತಮಿಳು ಚಿತ್ರ ರಿಮೇಕ್ ಆಗಿದ್ದರೂ, ಯಶ್ ಅವರ ನಟನೆಗೆ ಪ್ರೇಕ್ಷಕರು ಫಿದಾ ಆಗಿದ್ದರು. ಇದರಲ್ಲಿ ಅಣ್ತಮ್ಮ ಎಂಬ ಅವರ ಡೈಲಾಗ್, ಮಂಡ್ಯ ಭಾಷೆ ಎಲ್ಲವೂ ಸಖತ್ ಕಿಕ್ ಕೊಟ್ಟಿತ್ತು. ಕಿರಾತಕ ಚಿತ್ರದಲ್ಲಿ ಪ್ರೀತಿ, ಕಾಮಿಡಿ ಎಲ್ಲವೂ ಇತ್ತು. ಈ ಸಿನಿಮಾದಿಂದಲೇ ಯಶ್‌ಗೆ ಸಿಕ್ಕಾಪಟ್ಟೆ ಅಭಿಮಾನಿಗಳು ಹುಟ್ಟಿಕೊಂಡಿದ್ದರು.

2011ರಲ್ಲಿ ತೆರೆಕಂಡ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್, ಯೋಗೇಶ್  ಹಾಗೂ ಶ್ರೀನಗರ ಕಿಟ್ಟಿ ನಾಯಕರಾಗಿ ನಟಿಸಿದ್ದ 'ಹುಡುಗರು' ಸೂಪರ್ ಹಿಟ್ ಆಗಿತ್ತು. ತಮಿಳಿನ ನಾಡೋಡಿಗಲ್ ಚಿತ್ರದ ರಿಮೇಕ್ ಇದಾಗಿತ್ತು. ಕನ್ನಡದಲ್ಲಿ ಕೆ. ಮಾದೇಶ ನಿರ್ದೇಶನ ಮಾಡಿದ್ದ ಈ ಚಿತ್ರದಲ್ಲಿ ಒಂದೇ ಮನಸ್ಥಿತಿಯುಳ್ಳ ಮೂವರು ಹುಡುಗರ ಕಥೆ ಹೆಣೆಯಲಾಗಿತ್ತು. ಹುಡುಗರು ಚಿತ್ರಮಂದಿರಗಳಲ್ಲಿ 15 ವಾರಗಳ ಕಾಲ ಓಡಿತ್ತು.  

2013ರಲ್ಲಿ ರಿಲೀಸ್ ಆಗಿದ್ದ ರಾಕಿಂಗ್ ಸ್ಟಾರ್ ಯಶ್ ಹಾಗೂ ಮೇಘನಾ ರಾಜ್ ಅಭಿನಯದ 'ರಾಜಾಹುಲಿ' ಸಿನಿಮಾ ಸೂಪರ್ ಹಿಟ್ ಆಗಿತ್ತು. ತಮಿಳಿನ ಸುಂದರಪಾಂಡಿಯನ್ ಚಿತ್ರದ ರಿಮೇಕ್ ಆದ ಈ ಸಿನಿಮಾವನ್ನು ಕನ್ನಡದಲ್ಲಿ ಗುರು ದೇಶಪಾಂಡೆ ನಿರ್ದೇಶಿಸಿದ್ದರು. 6 ಕೋಟಿ ರೂ. ಬಜೆಟ್‌ನಲ್ಲಿ ಸಿನಿಮಾ ನಿರ್ಮಿಸಲಾಗಿತ್ತು. ಡ್ರಾಮಾ ಹಾಗೂ ಗೂಗ್ಲಿ ಸಿನಿಮಾ ಬಳಿಕ ಯಶ್ ಅವರ ಮೂರನೇ ಹಿಟ್ ಸಿನಿಮಾ ಇದಾಗಿತ್ತು.

2014ರಲ್ಲಿ ರಿಲೀಸ್ ಆಗಿದ್ದ ಶರಣ್ ಹಾಗೂ ಚಿಕ್ಕಣ್ಣ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದ 'ಅಧ್ಯಕ್ಷ' ಸಿನಿಮಾ ಸೂಪರ್ ಹಿಟ್ ಆಗಿತ್ತು. ನಂದಕಿಶೋರ್ ನಿರ್ದೇಶನದಲ್ಲಿ ಮೂಡಿಬಂದ ಈ ಚಿತ್ರ ತಮಿಳಿನ ವರೂತಪದತ ವಲಿಬರ್ ಸಂಗಮ್ ರಿಮೇಕ್. ಉಪಾದ್ಯಕ್ಷ ಚಿತ್ರ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರ ಮೂಲಕ ಹಾಸ್ಯದ ಕಚಗುಳಿ ಇಟ್ಟಿತ್ತು. ರವಿಶಂಕರ್ ಮತ್ತು ಶರಣ್ ನಡುವೆ ನಡಯುವ ಮುಸುಕು ಯುದ್ಧ ಚಿತ್ರದ ಜೀವಾಳ. ಅಧ್ಯಕ್ಷ ಸಿನಿಮಾದಲ್ಲಿ ಶರಣ್ ಕಾಮಿಡಿ ಜೊತೆಗೆ ರವಿಶಂಕರ್, ಚಿಕ್ಕಣ್ಣ ಅವರ ಕಾಮಿಡಿಗೆ ಪ್ರೇಕ್ಷಕರು ಬಿದ್ದು ಬಿದ್ದು ಬಿದ್ದು ನಕ್ಕಿದ್ದರು. ಈ ಸಿನಿಮಾವನ್ನು ಎಷ್ಟು ಬಾರಿ ನೋಡಿದ್ರು ನಿಮಗೆ ಬೇಸರವಾಗುವುದಿಲ್ಲ. 

ತೆಲುಗಿನಲ್ಲಿ ಪವನ್ ಕಲ್ಯಾಣ್ ಅಭಿನಯದ ಅತ್ತಾರಿಂಟಿಕಿ ದಾರೇದಿ ಚಿತ್ರವನ್ನು ನಂದಕಿಶೋರ್ ಕನ್ನಡದಲ್ಲಿ 'ರನ್ನ' ಹೆಸರಿನಲ್ಲಿ ನಿರ್ದೇಶನ ಮಾಡಿದರು. ಚಿತ್ರದಲ್ಲಿ ಸುದೀಪ್, ಪ್ರಕಾಶ್ ರಾಜ್, ರಚಿತಾ ರಾಮ್, ಹರಿಪ್ರಿಯಾ, ಮಧು, ದೇವರಾಜ್, ಅವಿನಾಶ್, ಶರತ್ ಲೋಹಿತಾಶ್ವ, ಮತ್ತು ಸಾಧು ಕೋಕಿಲ ಮುಂತಾದವರ ತಾರಾಬಳಗವಿತ್ತು. 2015ರಲ್ಲಿ ತೆರೆಕಂಡ ಈ ಸಿನಿಮಾ ಕನ್ನಡದಲ್ಲಿ ಒಳ್ಳೆಯ ಯಶಸ್ಸು ಪಡೆದಿತ್ತು.