ಕನ್ನಡದ ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ಸೈಡ್ ರೋಲ್ ಮಾಡಿರುವ ನಟರ ಪಟ್ಟಿ ಇಲ್ಲಿದೆ.

ಬಾಲಿವುಡ್ ನಟ ಸಂಜಯ್ ದತ್ ಕೆಜಿಎಫ್ ಚಾಪ್ಟರ್ ೨ ಸಿನಿಮಾದಲ್ಲಿ ಅಧೀರನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಸಿನಿಮಾದಲ್ಲಿ ಗರುಡನ ಸಹೋದರ ಅಧೀರ, ರಾಕಿಭಾಯ್‌ನಿಂದ ಕೆಜಿಎಫ್ ಅನ್ನು ಮರಳಿ ಪಡೆಯುವ ಯತ್ನ ಮಾಡುತ್ತಾನೆ. ರಾಕಿಭಾಯ್‌ಗೆ ಪ್ರಭಲ  ಎದುರಾಳಿಯಾಗಿ ನಿಲ್ಲುತ್ತಾನೆ. ಒಂದು ಹಂತದಲ್ಲಿ ರಾಕಿಭಾಯ್‌ ಮೇಲೆ ನಿಜಕ್ಕೂ ವಿಜಯವನ್ನು ಸಾಧಿಸಿರುತ್ತಾನೆ. ಆದರೆ, ಅಂತಿಮ ವಿಜಯ ರಾಕಿಭಾಯ್‌ನದ್ದೇ. ಆದರೆ, ಕೆಜಿಎಫ್ ೨ ಚಿತ್ರದಲ್ಲಿ ಅಧೀರನ ಎಂಟ್ರಿ, ವೇಷಭೂಷಣ, , ಡೈಲಾಗ್‌ಗಳು ಸಿನಿರಸಿಕರ ಮನಸ್ಸಿನಲ್ಲಿ ಬಹುಕಾಲ ನೆನಪಿನಲ್ಲಿ ಉಳಿಯುವಂತೆ ಮಾಡಿತ್ತು.  ಚಿತ್ರದಲ್ಲಿ ಸಂಜಯ್ ದತ್ ಕಟ್ಟುಮಸ್ತಾದ ದೇಹದೊಂದಿಗೆ ಖಡಕ್ ವಿಲನ್ ಆಗಿ ರಾಕಿಭಾಯ್‌ಗೆ ಗೆ ಠಕ್ಕರ್ ಕೊಟ್ಟಿದ್ದರು. 

ರಿಯಲ್ ಸ್ಟಾರ್ ಉಪೇಂದ್ರ ನಟನೆಯ ಬಹುನಿರೀಕ್ಷಿತ 'ಕಬ್ಜ' ಸಿನಿಮಾದಲ್ಲಿ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಸೈಡ್ ರೋಲ್ ನಲ್ಲಿ ನಟಿಸಿದ್ದಾರೆ. 'ಕಬ್ಜ' ಸಿನಿಮಾದಲ್ಲಿ ಏರ್‌ಪೋರ್ಸ್ ಅಕಾಡೆಮಿ ಅಧಿಕಾರಿ ಅರ್ಕೇಶ್ವರ ಅಂಡರ್‌ವರ್ಲ್ಡ್ ಡಾನ್ ಆಗುವ ಕಥೆಯಿದೆ. ಆತನ ಎದುರಾಳಿ ಭಾರ್ಗವ್ ಭಕ್ಷಿ ಪಾತ್ರದಲ್ಲಿ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮಿಂಚಿದ್ದಾರೆ. ಚಿತ್ರದಲ್ಲಿ ಕಿಚ್ಚ ಮತ್ತು ಉಪ್ಪಿ ಡಿಫೆರೆಂಟ್ ಪಾತ್ರಗಳಲ್ಲಿ ಅಬ್ಬರಿಸಿದ್ದಾರೆ. 'ಇತಿಹಾಸ ಯಾವಾಗಲೂ ಉರುಳಿರುವ ತಲೆಗಳಿಗಿಂತ, ಕತ್ತರಿಸುವ ಕೈಗಳನ್ನೇ ಕೊಂಡಾಡುವುದು. ಅಂತ ಕೈಯಿಂದ ಸೃಷ್ಟಿಯಾಗಿರುವ ಚರಿತ್ರೆನೇ ಕಬ್ಜ'.  'ಒಂದು ಸಾಮ್ರಾಜ್ಯ ಕಟ್ಟೋದು ಕತ್ತಿಯಿಂದ ಅಲ್ಲ, ಅದನ್ನು ಹಿಡಿಯುವ ಬಲವಾದ ಕೈಯಿಂದ' ಎನ್ನುವ ಕಿಚ್ಚನ ಖಡಕ್ ಡೈಲಾಗ್ ಸಿನಿಮಾದಲ್ಲಿದ್ದು, ಸಖತ್ ಕಿಕ್ ಕೊಡುತ್ತಿದೆ.

ವಸಿಷ್ಠ ಸಿಂಹ ಕೆಜಿಎಫ್ ಸಿನಿಮಾದಲ್ಲಿ ವಿಲನ್ ಆಗಿ ಕಾಣಿಸಿಕೊಂಡಿದ್ದರು. ನಟ ವಸಿಷ್ಠ ಕೆಜಿಎಫ್ ಮೊದಲ ಸರಿಣಿಯಲ್ಲಿ ಕಮಲ್ ಆಗಿ ಕಾಣಿಸಿಕೊಂಡಿದ್ದಾರೆ. ಕೆಜಿಎಫ್ ಚಾಪ್ಟರ್ ಎರಡರಲ್ಲೂ ಅವರ ಪಾತ್ರ ಮುಂದುವರೆದಿತ್ತು. ವಸಿಷ್ಠ ಸಿನಿಮಾ ಕೆಜಿಎಫ್ ಸಿನಿಮಾದಲ್ಲಿ ಚಿಕ್ಕಪಾತ್ರ ನಿರ್ವಹಿಸಿದ್ದರೂ ಕೂಡ ಪ್ರೇಕ್ಷಕರಿಂದ ಅವರ ನಟನೆಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.  

ರಿಯಲ್ ಸ್ಟಾರ್ ಉಪೇಂದ್ರ ಹಾಗೂ ಆರ್ ಚಂದ್ರು ಕಾಂಬಿನೇಷನ್ ನಲ್ಲಿ ಮೂಡಿಬರುತ್ತಿರುವ 'ಕಬ್ಜ' ಸಿನಿಮಾದಲ್ಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಕೂಡ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ. ಆದರೆ, ಟ್ರೈಲರ್ ನಲ್ಲಿ ಅವರ ಪಾತ್ರ ರಿವೀಲ್ ಮಾಡಿಲ್ಲ. ಪೋಸ್ಟರ್ ನಲ್ಲಿ ಶಿವಣ್ಣ ಸಖತ್ ರಗಡ್ ಆಗಿ ಕಾಣಿಸಿಕೊಂಡಿದ್ದು, ಸಿನಿಮಾದಲ್ಲಿ ಅವರ ಪಾತ್ರ ಹೇಗಿರಲಿದೆ ಅನ್ನೋದನ್ನ ಮಾರ್ಚ್ 17ರಂದು ಚಿತ್ರಮಂದಿರಗಳಲ್ಲಿ ನೋಡಬೇಕಿದೆ.