ಕ್ರಿಕೆಟಿಗರನ್ನು ಮದುವೆಯಾಗಿ ನಟನೆಗೆ ಗುಡ್‌ಬೈ ಹೇಳಿದ ಬಾಲಿವುಡ್ ನಟಿಯರಿವರು!

 'ಚಕ್ ದೇ ಇಂಡಿಯಾ' ಸಿನಿಮಾ ಖ್ಯಾತಿಯ ನಟಿ ಸಾಗರಿಕಾ ಘಾಟ್ಗೆ 2017ರಲ್ಲಿ  ಭಾರತೀಯ ಕ್ರಿಕೆಟ್ ತಂಡದ ಮಾರಕ ಬೌಲರ್‌ಗಳಲ್ಲಿ ಒಬ್ಬರಾದ ಜಹೀರ್ ಖಾನ್ ಅವರನ್ನು ಮದುವೆಯಾದರು. ಮದುವೆಗೂ ಮುನ್ನ 'ಇಂಟಾ' ಸಿನಿಮಾದಲ್ಲಿ ನಟಿಸಿದ್ದ ಈ ನಟಿ, ಆ ಬಳಿಕ ಯಾವ ಸಿನಿಮಾದಲ್ಲೂ ನಟಿಸಿಲ್ಲ. ಅವರು ಸಿನಿಮಾಗೆ ಗುಡ್‌ಬೈ ಹೇಳಿದಂತಿದೆ.

ನಟಿ ಗೀತಾ ಬಸ್ರಾ 2015ರಲ್ಲಿ ಟೀಂ ಇಂಡಿಯಾದ ಅನುಭವಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ಅವರೊಂದಿಗೆ ವಿವಾಹವಾದರು. ಗೀತಾ ಮದುವೆಗೂ ಮುನ್ನ ಹಲವು ಸಿನಿಮಾಗಳಲ್ಲಿ ಅಭಿನಯಿಸಿದ್ದರು. ಆದರೆ, ಯಾವ ಚಿತ್ರಗಳು ಹಿಟ್ ಆಗಿರಲಿಲ್ಲ. ಮದುವೆ ಬಳಿಕ ಬಣ್ಣದ ಲೋಕದಿಂದ ದೂರ ಉಳಿದ ಗೀತಾ ಬಸ್ರಾ, ಕುಟುಂಬ ನಿರ್ವಹಣೆಯಲ್ಲಿ ಬ್ಯುಸಿಯಾದರು.

ಬ್ರಿಟನ್ ಮೂಲದ ಬಾಲಿವುಡ್ ನಟಿ ಹೇಝಲ್ ಕೀಚ್ 2016ರ ನವೆಂಬರ್ 30ರಂದು ಸಿಖ್ ಸಂಪ್ರದಾಯದಂತೆ ಕ್ರಿಕೆಟಿಗ ಯುವರಾಜ್ ಸಿಂಗ್ ಅವರನ್ನು ಮದುವೆಯಾದರು. ಮುದುವೆಗೂ ಮುನ್ನ ಬಾಡಿಗಾರ್ಡ್ ಮ್ಯಾಕ್ಸಿಮಮ್, ಧರಮ್ ಸಂಕಟ್ ಮೇನ್ ಮತ್ತು ಬ್ಯಾಂಕಿ ಕಿ ಕ್ರೇಜಿ ಬಾರಾತ್ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದ ಹೇಝುಲ್, ಮದುವೆ ಬಳಿಕ ಬಾಲಿವುಡ್‌ನಿಂದ ದೂರವಾದರು.

90ರ ದಶಕದ ನಟಿ ಸಂಗೀತ ಬಿಜ್ಲಾನಿ 1996ರಲ್ಲಿ ಕ್ರಿಕೆಟಿಗ ಮೊಹಮ್ಮದ್ ಅಜರುದ್ದೀನ್ ಅವರ ಜೊತೆ ವಿವಾಹವಾದರು. ಅದೇ ವರ್ಷದಲ್ಲಿ ಬಿಡುಗಡೆಯಾದ 'ನಿರ್ಭಯಾ' ಸಿನಿಮಾದಲ್ಲಿ ಕೊನೆಯದಾಗಿ ಕಾಣಸಿಕೊಂಡಿದ್ದರು. ಆದರೆ, ಇವರಿಬ್ಬರ ದಾಂಪತ್ಯ ಜೀವನ ಹೆಚ್ಚು ಕಾಲ ಉಳಿಯಲಿಲ್ಲ. ಮದುವೆಯಾದ ಕೆಲವೇ ದಿನಗಳಲ್ಲಿ ಅವರಿಬ್ಬರು ದೂರವಾದರು.

ಸರ್ಬಿಯಾ ಮೂಲದ ನಟಿ ನತಾಶಾ ಸ್ಟಾಂಕೋವಿಕ್ ಹಾಗೂ ಇಂಡಿಯನ್ ಕ್ರಿಕೆಟರ್ ಹಾರ್ದಿಕ್ ಪಾಂಡ್ಯ 2020ರ ಮೇ ತಿಂಗಳಲ್ಲಿ ಪ್ರೀತಿಸಿ ಮದುವೆಯಾಗಿದ್ದರು. ಮದುವೆಗೂ ಮುನ್ನ ನತಾಶಾ ಗರ್ಭಿಣಿಯಾಗಿದ್ದ ನತಾಶಾ, ಜುಲೈ ತಿಂಗಳಲ್ಲಿ ಅಗಸ್ತ್ಯ ಎಂಬ ಗಂಡುಮಗುವಿಗೆ ಜನ್ಮ ನೀಡಿದ್ದರು. ಸದ್ಯ ಈ ಜೋಡಿ ಬೇರೆ ಬೇರೆಯಾಗಿದೆ. ಮದುವೆಗೂ ಮುನ್ನ ಹಲವು ರಿಯಾಲಿಟಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದ ನತಾಶಾ, ಸದ್ಯ ಯಾವುದರಲ್ಲೂ ಕಾಣಿಸಿಕೊಳ್ಳುತ್ತಿಲ್ಲ.