ನಿರ್ದೇಶಕರನ್ನೇ ಪ್ರೀತಿಸಿ ಮದುವೆಯಾದ ನಟಿಯರಿವರು

ನಟಿ ರಕ್ಷಿತಾ ಹಾಗೂ ನಟ ಪ್ರೇಮ್ 2007ರಲ್ಲಿ ಪ್ರೀತಿಸಿ ಮದುವೆಯಾದರು. ಪ್ರೇಮ್ ಅವರಲ್ಲಿ ತಂದೆಯ ಗುಣಗಳನ್ನು ಕಂಡ ರಕ್ಷಿತಾ ಅವರನ್ನೇ ಮದುವೆಯಾಗಲು ನಿರ್ಧಾರ ಮಾಡಿದ್ದರು ಎನ್ನಲಾಗಿದೆ.  ಈ ದಂಪತಿಗೆ ಸೂರ್ಯ ಎಂಬ ಮಗನಿದ್ದಾನೆ. ರಕ್ಷಿತಾ ಮದುವೆ ನಂತರ ಸಿನಿಮಾದಿಂದ ದೂರವುಳಿದರೂ ಕೂಡ, ಅನೇಕ ಕಿರುತೆರೆಯ ರಿಯಾಲಿಟಿ ಶೋಗಳ ಜಡ್ಜ್ ಆಗಿ ಕೆಲಸ ಮಾಡುತ್ತಿದ್ದಾರೆ. 

ಉಪೇಂದ್ರ ಬರೆದ ಬೆಸ್ಟ್ ಕಥೆಯ ಸಿನಿಮಾ 'H2O'. ಕಾವೇರಿ ನೀರಿನ ಸಮಸ್ಯೆಯನ್ನು ಉಪೇಂದ್ರ ತಮ್ಮ ಸ್ಟೈಲ್ ನಲ್ಲಿ ತೋರಿಸಿದ್ದರು. H20 ಸಿನಿಮಾದಲ್ಲಿ ನಟಿ ಪ್ರಿಯಾಂಕ ಹಾಗೂ ಉಪೇಂದ್ರ ಒಟ್ಟಿಗೆ ಅಭಿನಯಿಸಿದ್ದರು. ಬರೀ ಸಿನಿಮಾವಾಗಿ ಮಾತ್ರವಲ್ಲ ಉಪೇಂದ್ರ ಅವರ ನಿಜ ಜೀವನಕ್ಕೂ ಈ ಚಿತ್ರ ಬಹಳ ಹತ್ತಿರ ಆಗಿದೆ. ಕಾರಣ ಈ ಸಿನಿಮಾ ಉಪ್ಪಿ ಹಾಗೂ ಪ್ರಿಯಾಂಕ ಪ್ರೀತಿಗೆ ಮೊದಲ ಕಾರಣ. ಈ ಸಿನಿಮಾ ಚಿತ್ರೀಕರಣದ ಸಮಯದಲ್ಲಿ ಉಪೇಂದ್ರ ಮತ್ತು ಪ್ರಿಯಾಂಕ ಅವರ ನಡುವೆ ಸ್ನೇಹ ಬೆಳೆಯಿತು, ಸ್ನೇಹ ಪ್ರೀತಿಗೆ ತಿರುಗಿತು. ನಂತರದ ದಿನಗಳಲ್ಲಿ ಈ ಜೋಡಿ ವಿವಾಹವಾಗಿತ್ತು.  

ಸ್ಯಾಂಡಲ್ ವುಡ್ ಮಾತ್ರವಲ್ಲದೆ ಟಾಲಿವುಡ್, ಮಾಲಿವುಡ್, ಕಾಲಿವುಡ್ ನಲ್ಲಿ ಮಿಂಚಿದ ನಟಿ ಶ್ರುತಿ ಚಿತ್ರರಂಗದಲ್ಲಿ ಸಾಕಷ್ಟು ಹೆಸರು ಮಾಡಿದ್ದಾರೆ. 1998ರಲ್ಲಿ ನಿರ್ದೇಶಕ ಮಹೇಂದ್ರ ಅವರನ್ನು ಪ್ರೀತಿಸಿ ಮದುವೆಯಾದರು. ಬಳಿಕ ಕಾರಣಾಂತರಗಳಿಂದ ವಿಚ್ಛೇದನ ನೀಡಿ, ಅವರಿಂದ ದೂರ ಉಳಿದರು. ಶ್ರುತಿ ಅವರಿಗೆ ಗೌರಿ ಎಂಬ ಮಗಳಿದ್ದಾರೆ.  

ಬಹುಭಾಷಾ ನಟಿ ಹಾಗೂ ಎವರ್ ಯಂಗ್ ಲೇಡಿ ಎಂದೇ ಖ್ಯಾತಿ ಪಡೆದಿರುವ ನಟಿ ಸುಹಾಸಿನಿ ಅವರು 1988ರಲ್ಲಿ ಖ್ಯಾತ ನಿರ್ದೇಶಕ ಮಣಿರತ್ನಂ ಅವರನ್ನು ಪ್ರೀತಿಸಿ ಮದುವೆಯಾದರು. 

ಮುಂಬೈ ಮೂಲದ ನಟಿ ಖುಷ್ಬೂ 1995ರಲ್ಲಿ 'ಮುರೈ ಮಾಮನ್' ಸಿನಿಮಾ ಚಿತ್ರೀಕರಣ ವೇಳೆ ನಿರ್ದೇಶಕ ಸುಂದರ್‌ ಅವರನ್ನು ಭೇಟಿಯಾದರು. ಇದು ಸುಂದರ್ ಅವರ ಮೊದಲ ಸಿನಿಮಾವಾಗಿತ್ತು. ಸುಂದರ್ ನಟ, ನಿರ್ದೇಶಕ, ನಿರ್ಮಾಪಕರೂ ಹೌದು. ಈ ದಂಪತಿಗೆ ಆವಂತಿಕಾ ಮತ್ತು ಆನಂದಿತಾ ಎಂಬ ಎರಡು ಮಕ್ಕಳಿದ್ದಾರೆ.

ಅಮಲಾ ಪೌಲ್ ಮತ್ತು ವಿಜಯ್  ಹೆಬ್ಬುಲಿ ಸಿನಿಮಾ ನಟಿ ಅಮಲಾ ಪೌಲ್ ಮತ್ತು ನಿರ್ದೇಶಕ ವಿಜಯ್ ಪ್ರೀತಿಸಿ, ಚೆನ್ನೈನಲ್ಲಿ ಮದುವೆಯಾಗಿದ್ದರು. 2016ರಲ್ಲಿ ವಿಚ್ಛೇದನ ಬಯಸಿದ್ದ ಅಮಲಾ ಮತ್ತು ವಿಜಯ್ 2017ರಲ್ಲಿ ಅಧಿಕೃತವಾಗಿ ದೂರ ದೂರವಾದರು.

ಸುದೀಪ್ ಜೊತೆಗೆ 'ಚಂದು' ಸಿನಿಮಾದಲ್ಲಿ ನಟಿಸಿದ್ದ ನಟಿ ಸೋನಿಯಾ ಅಗರವಾಲ್ 2006ರಲ್ಲಿ ನಿರ್ದೇಶಕ ಸೆಲ್ವರಾಘವನ್ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು.  2010ರಲ್ಲಿ ವೈಮನಸ್ಯದಿಂದ ಇವರಿಬ್ಬರು ಅಧಿಕೃತವಾಗಿ ದೂರವಾದರು. ಸೋನಿಯಾ ಮತ್ತೆ ಗೀತಾಂಜಲಿ ರಾಮನ್ ಅವರನ್ನು 2011ರಲ್ಲಿ ಮರುಮದುವೆಯಾದರು.

ಕೆಲವು ವರ್ಷಗಳ ಕಾಲ ಸಾರ್ವಜನಿಕವಾಗಿ ಡೇಟಿಂಗ್ ಮಾಡಿದ ನಂತರ, ನಯನತಾರಾ ಮತ್ತು ವಿಘ್ನೇಶ್ ಶಿವನ್ ಜೂನ್ 9 ರಂದು ಮಹಾಬಲಿಪುರಂನ ಐಷಾರಾಮಿ ರೆಸಾರ್ಟ್‌ನಲ್ಲಿ ವಿವಾಹವಾಗಿದ್ದರು.

70ರ ದಶಕದಲ್ಲಿ ತಮಿಳು ಸಿನಿಮಾವೊಂದರ ಶೂಟಿಂಗ್‌ ಸಂದರ್ಭದಲ್ಲಿ ಮೊದಲ ಬಾರಿಗೆ ನಿರ್ಮಾಪಕ ಬೋನಿ ಕಪೂರ್‌, ಶ್ರೀದೇವಿಯನ್ನು ನೋಡಿದ್ದರು. ಅದಾದ ಬಳಿಕ 1987ರಲ್ಲಿ ಸಹೋದರ ಅನಿಲ್‌ ಕಪೂರ್‌ ಜತೆಗಿನ ಮಿಸ್ಟರ್‌ ಇಂಡಿಯಾ ಸಿನಿಮಾ ಶೂಟಿಂಗ್‌ ಸಮಯದಲ್ಲಿ ಖುದ್ದು ತಾವೇ ಶ್ರೀದೇವಿಯನ್ನು ಮಾತನಾಡಿಸಿದ್ದರು. 1996ರಲ್ಲಿ ನಟಿ ಶ್ರೀದೇವಿಯನ್ನೇ ಆಪ್ತರ ಸಮ್ಮುಖದಲ್ಲಿ ಗುಪ್ತವಾಗಿ ವಿವಾಹವಾದರು.

90ರ ದಶಕದ ಪ್ರಸಿದ್ಧ ನಟಿಯಾಗಿ ಗುರುತಿಸಿಕೊಂಡಿದ್ದ ಕನ್ನಡದ ನಟಿ ರೇಖಾದಾಸ್, ಕನ್ನಡದ ಖ್ಯಾತ ನಿರ್ದೇಶಕ ಓಂ ಪ್ರಕಾಶ್ ರಾವ್ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಅನಂತರ ಕಾರಣಾಂತರಗಳಿಂದ ಈ ದಂಪತಿ ದೂರವಾಗಿತ್ತು.