ನಿಕ್ಕಿ ಗಲ್ರಾನಿ

ಜೀವನ ಚರಿತ್ರೆ :  ನಿಕ್ಕಿ ಗಲ್ರಾನಿ ದಕ್ಷಿಣ ಭಾರತ ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ನಟಿ ಮತ್ತು ರೂಪದರ್ಶಿ. ಇವರ ಸಹೋದರಿ ಸಂಜನಾ ಗಲ್ರಾನಿ ಕೂಡ ಪ್ರಸಿದ್ಧ ನಟಿ. ಬಿಷಫ್ ಕಾಟನ್ ಗರ್ಲ್ಸ್ ಕಾಲೇಜಿನಲ್ಲಿ ಪಿಯುಸಿ ಪದವಿ ಪಡೆದ ಇವರು ನಂತರ ಫ್ಯಾಷನ್ ಡಿಸೈನ್ ನಲ್ಲಿ ತರಬೇತಿ ಪಡೆದರು. ಪಿಯುಸಿಯಲ್ಲಿ ತಂದೆ ತಾಯಿಗಳ ಆಸೆಯಂತೆ ವೈದ್ಯರಾಗಲು ಸೈನ್ಸ್ ಓದಿದರೂ ನಂತರ ಇವರ ಆಸೆಯಂತೆ ಡಿಸೈನ್ ಕೋರ್ಸ ಮಾಡಲು ಅನುಮತಿ ನೀಡಿದರು. ನಂತರ ಮಾಡೆಲಿಂಗ್ ಕ್ಷೇತ್ರದಲ್ಲಿ ಮಿಂಚಿದ ಇವರು ಜಾಹೀರಾತು ಕ್ಷೇತ್ರದಲ್ಲಿಯೂ ಹೆಸರು ಗಳಿಸಿದರು. ಚಿರಂಜೀವಿ ಸರ್ಜಾ ಅಭಿನಯದ `ಅಜಿತ್' ಚಿತ್ರದ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಸಿನಿಪಯಣ ಆರಂಭಿಸಿದರು.