Asia Firdose: ಶ್ರಾವಣಿಯಾಗಿ ಮಿಂಚುತ್ತಿರುವ ಆಸಿಯಾ ವಯಸ್ಸು, ಊರು, ಸಿನಿಮಾ ಸೇರಿದಂತೆ ಇಂಟರೆಸ್ಟಿಂಗ್ ವಿಷಯಗಳಿವು!

ಈ ಧಾರಾವಾಹಿಯಲ್ಲಿ ಶ್ರಾವಣಿಯಾಗಿ ಮಿಂಚುತ್ತಿರುವ ನಟಿಯ ಹೆಸರು ಆಸಿಯಾ ಫಿರ್ದೋಸ್. ಸೀರಿಯಲ್‌ನಲ್ಲಿ ಅರಳು ಹುರಿದಂಗೆ ಪಟಪಟ ಅಂತ ಮಾತನಾಡುವ ಈ ಚೆಲುವೆ ನಿಜಜೀವನದಲ್ಲಿ ಸಿಕ್ಕಾಪಟ್ಟೆ ಸೈಲೆಂಟ್ ಅಂತೆ. ಅಂದ್ಹಾಗೆ ಆಸಿಯಾ ಬೆಂಗಳೂರಿನಲ್ಲಿಯೇ ಬಿಬಿಎ ವ್ಯಾಸಂಗ ಮಾಡಿದ್ದಾರೆ.

ಮೂಲತಃ ಬೆಂಗಳೂರಿನರಾದ ಆಸಿಯಾ ಫಿರ್ದೋಸ್, 1998 ಮಾರ್ಚ್ 22ರಂದು ಜನಸಿದರು. ಇವರಿಗೀಗ 26 ವರ್ಷ ವಯಸ್ಸು. ಕಿರುತೆರೆಗೆ ಬರುವ ಮುನ್ನ ಇವರು ಮಾಡೆಲಿಂಗ್‌ನಲ್ಲಿ ಗುರುತಿಸಿಕೊಂಡಿದ್ದರು. ಓದುತ್ತಿರುವಾಗಲೇ ಸೌಂದರ್ಯ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಿದ್ದ ಆಸಿಯಾ, ಫ್ರೆಶ್ ಫೆಸ್ ರನ್ನರ್ ಅಪ್ ರನ್ನರ್ ಕೂಡ ಆಗಿದ್ದರು. ನಂತರ ಮಾಡೆಲಿಂಗ್ ಮಾಡುತ್ತಲೇ ಧಾರಾವಾಹಿಗಳಿಗೆ ಆಡಿಷನ್ ನೀಡುತ್ತಿದ್ದರು.

ಆಸಿಯಾ ಈ ಹಿಂದೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಿದ್ದ 'ಕನ್ನಿಕಾ' ಎಂಬ ಸೀರಿಯಲ್‌ನಲ್ಲಿ ಕನ್ನಿಕಾಳಾಗಿ ಜನಮನ ಗೆದ್ದಿದ್ದರು. ಇದರಲ್ಲಿ ಭಕ್ತಿ, ಮುಗ್ದತೆ, ದೈವೀಕತೆಯ ಪ್ರತೀಕವಾಗಿದ್ದ ಕನ್ನಿಕಾ ಪಾತ್ರದಲ್ಲಿ ಮಿಂಚಿದ್ದರು. ಆದರೆ, ಕಾರಣಾಂತರಗಳಿಂದ ಈ ಧಾರಾವಾಹಿ ಬಹಬೇಗ ಮುಕ್ತಾಯಗೊಂಡಿತ್ತು.

ಕಿರುತೆರೆ ಮಾತ್ರವಲ್ಲದೇ ಆಸಿಯಾ ಫಿರ್ದೋಸ್ ಬೆಳ್ಳಿತೆರೆಯಲ್ಲೂ ಮಿಂಚಿದ್ದಾರೆ.  2023ರಲ್ಲಿ ರಿಲೀಸ್ ಆಗಿದ್ದ ಭರತ್ ಲಕ್ಷ್ಮಿಕಾಂತ ನಿರ್ದೇಶನದ ಹಾಗೂ ಉಗ್ರಂ ಖ್ಯಾತಿಯ ತಿಲಕ್ ನಾಯಕನಾಗಿ ನಟಿಸಿದ್ದ 'ದ್ವಂದ್ವ' ಸಿನಿಮಾದಲ್ಲಿ ನಟಿಸಿದ್ದರು. ಸದ್ಯ ಕೋಮಲ್ ಅಭಿನಯದ 'ಕಾಲಾಯ ತಸ್ಮೈ ನಮಃ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಇದಲ್ಲದೇ ಮಿಲನಾ ಎಂಬ ಸೀರೀಸ್‌ನಲ್ಲೂ ನಟಿಸಿದ್ದಾರೆ.