ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿ ಹೊಸ ಮನೆ, ಕಾರು ಖರೀದಿಸಿದ ಕನ್ನಡದ ನಟ-ನಟಿಯರಿವರು!

ಬಿಗ್‌ಬಾಸ್‌ ಕನ್ನಡ ಸೀಸನ್ 9ರಲ್ಲಿ ಭಾಗವಹಿಸಿದ್ದ ಕಿರುತೆರೆ ನಟಿ ವೈಷ್ಣವಿ ಗೌಡ, ದೊಡ್ಮನೆಯಲ್ಲಿದ್ದಾಗಲೇ ಮನೆ ಖರೀದಿಸುವ ಆಸೆಯಿದೆ ಅಂತ ಹೇಳುತ್ತಿದ್ದರು. ಅದರಂತೆ ಬಿಗ್‌ಬಾಸ್ ಮನೆಯಿಂದ ಹೊರಬಂದ ಬಳಿಕ ಬೆಂಗಳೂರಿನಲ್ಲಿ ಮನೆ ಖರೀದಿಸಿದ್ದರು. ಗೃಹಪ್ರವೇಶ್ ಸಮಾರಂಭಕ್ಕೆ ಬಿಗ್‌ಬಾಸ್ ಸ್ನೇಹಿತರು ಸೇರಿದಂತೆ ಸೆಲೆಬ್ರೆಟಿಗಳು ಆಗಮಿಸಿ, ವೈಷ್ಣವಿ ಅವರಿಗೆ ಶುಭ ಹಾರೈಸಿದ್ದರು.

ಗಿಚ್ಚಿ ಗಿಲಿಗಿಲಿ ಸೀಸನ್ 1 ವಿಜೇತ ಶಿವು ಅವರು ತಮಗೆ ರಿಯಾಲಿಟಿ ಶೋನಿಂದ ಸಿಕ್ಕ ಹಣವನ್ನು ಮನೆ ಕಟ್ಟಲು ಬಳಸಿಕೊಂಡಿದ್ದರು. ಇದಕ್ಕೂ ಮುನ್ನ ಅವರು ಬಾಡಿಗೆ ಮನೆಯಲ್ಲಿದ್ದರು. ಇದಕ್ಕೂ ಮುನ್ನ ಮಜಾಭಾರತ ಶೋನಲ್ಲೂ ಶಿವು ಭಾಗವಹಿಸಿದ್ದರು. 

ಬಿಗ್‌ಬಾಸ್‌ ಕನ್ನಡ ಸೀಸನ್‌ 10ರಲ್ಲಿ ಭಾಗವಹಿಸಿದ್ದ ತುಕಾಲಿ ಸ್ಟಾರ್ ಸಂತು, ದೊಡ್ಮನೆಯಿಂದ ಹೊರ ಬಂದ ಕೆಲ ದಿನಗಳ ಬಳಿಕ ೨೫ ಲಕ್ಷ ರೂಪಾಯಿ ಬೆಳೆಬಾಳುವ ಕಿಯಾ ಸೆಲ್ಟೋಸ್ ಫೇಸ್‌ಲಿಫ್ಟ್ ಎಸ್‌ಯುವಿ ಕಾರು ಖರೀದಿ ಮಾಡಿದ್ದಾರೆ. ಕಾರು ಕೊಂಡುಕೊಳ್ಳಬೇಕೆಂಬುದು ತುಕಾಲಿ ಸಂತೋಷ್ ಅವರ ಬಹುದಿನದ ಕನಸಾಗಿತ್ತು. ಅದೀಗ ನೆರವೇರಿದೆ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 10ರ ವಿಜೇತರಾಗಿದ್ದ ಕಾರ್ತಿಕ್ ಮಹೇಶ್‌ಗೆ 50 ಲಕ್ಷ ರೂಪಾಯಿ ಹಣದ ಜೊತೆಗೆ ಮಾರುತಿ ಸುಜುಕಿ ಬ್ರೆಜಾ ಕಾರು ಹಾಗೂ ಎಲೆಕ್ಟ್ರಿಕ್ ಸ್ಕೂಟರ್ ಸಿಕ್ಕಿತ್ತು. ಕಾರ್ತಿಕ್ ತಮಗೆ ಸಿಕ್ಕ ಹಣದಿಂದ ಸ್ವಂತ ಮನೆ ಖರೀದಿ ಮಾಡಲಿದ್ದಾರಂತೆ. ಬಿಗ್‌ಬಾಸ್‌ಗೂ ಮುನ್ನ ಕಾರ್ತಿಕ್ ಬೆಂಗಳೂರಿನಲ್ಲಿ ಬಾಡಿಗೆ ಮನೆಯಲ್ಲಿದ್ದರು. 

ಬಿಗ್‌ಬಾಸ್‌ ಕನ್ನಡ ಸೀಸನ್ 8ರಲ್ಲಿ ಭಾಗವಹಿಸಿದ್ದ ಶಮಂತ್ ಬ್ರೋ ಗೌಡ, ದೊಡ್ಮನೆಯಿಂದ ಹೊರಬಂದ ಬಳಿಕ BMW ಕಂಪೆನಿಯ 525D ಕಾರನ್ನು ಖರೀದಿಸಿದ್ದರು. ಬ್ರೋ ಗೌಡ ಆವರ ಕಾರನ್ನು ಸ್ಯಾಂಡಲ್‍ವುಡ್ ನಟ ಕಿಚ್ಚ ಸುದೀಪ್ ಅವರು ರೈಡ್ ಮಾಡಿದ್ದು, ಈ ವಿಡಿಯೋ ಈಗ ಸಖತ್ ವೈರಲ್ ಆಗಿತ್ತು. ಈ ಕಾರಿನ ಬೆಲೆ 40 ಲಕ್ಷ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 7ರ ವಿಜೇತರಾಗಿದ್ದ ಶೈನ್ ಶೆಟ್ಟಿ ಕೂಡ ದೊಡ್ಮನೆಯಿಂದ ಹೊರಬಂದ ಕೆಲ ದಿನಗಳ ಬಳಿಕ ಹೊಸ ಕಾರು ಖರೀದಿ ಮಾಡಿದ್ದರು. ಇದೀಗ ಸಿನಿಮಾಗಳಲ್ಲಿ ಶೈನ್ ಶೆಟ್ಟಿ ಬ್ಯುಸಿಯಾಗಿದ್ದಾರೆ. 

ಬಿಗ್ ಬಾಸ್ ಕನ್ನಡ ಸೀಸನ್ 7ರಲ್ಲಿ ಭಾಗವಹಿಸಿದ್ದ ಚೈತ್ರಾ ವಾಸುದೇವನ್, ಬಿಗ್‌ಬಾಸ್ ಮನೆಯಿಂದ ಹೊರಬಂದ ಬಳಿಕ ಐಷಾರಾಮಿ ರೇಂಜ್ ರೋವರ್ ಇವೋಕ್ ಎಸ್‍ಯುವಿಯನ್ನು ಖರೀದಿಸಿದ್ದರು. ರೇಂಜ್ ರೋವರ್ ಇವೋಕ್ ಭಾರತೀಯ ಮಾರುಕಟ್ಟೆಯಲ್ಲಿ ಜನಪ್ರಿಯ ಎಸ್‍ಯುವಿಗಳಲ್ಲಿ ಒಂದಾಗಿದೆ. ಇವರಿಗೆ ಈವೆಂಟ್ ಮ್ಯಾನೇಜ್‌ಮೆಂಟ್ ಕಂಪನಿ ಹಾಗೂ ನಿರೂಪಣೆಯಿಂದಲೂ ಸಿಕ್ಕಾಪಟ್ಟೆ ಆದಾಯವಿದೆ.