ಕೊನೆಗೂ ದೊಡ್ಮನೆಯ ಕ್ಯಾಪ್ಟನ್ ಆದ ಸಂಗೀತಾ ಶೃಂಗೇರಿ: ಮೊದಲ ಬಾರಿ ಕಳಪೆ ಪಟ್ಟ ಪಡೆದ ಮೈಕಲ್

ಕಳೆದ ವಾರ ಎಲಿಮಿನೇಟ್ ಆದ ಸಿರಿ ಅವರು ನೀಡಿದ ವಿಶೇಷ ಅಧಿಕಾರದಿಂದ ಸಂಗೀತಾ ನೇರವಾಗಿ ಕ್ಯಾಪ್ಟನ್ ರೇಸ್‌ಗೆ ಆಯ್ಕೆಯಾದರು. ಇನ್ನುಳಿದವರು ಪ್ರತಿ ಇಬ್ಬರಂತೆ ಮನೆಯ ಇತರ ಸದಸ್ಯರ ಮುಂದೆ ಬಂದು ತಾವೇಕೆ ಕ್ಯಾಪ್ಟನ್ ಆಗಲು ಅರ್ಹ ಅಂತ ವಾದಿಸಬೇಕಿತ್ತು. ಅಂತಿಮವಾಗಿ ಯಾರಿಗೆ ಹೆಚ್ಚು ಮತ ಬೀಳತ್ತೋ ಅವರೇ ಕ್ಯಾಪ್ಟನ್ ಆಗಲು ಅರ್ಹರು. ಮೊದಲು ಮನೆಯ ಸದಸ್ಯರೆಲ್ಲರೂ ತನಿಷಾ ಅವರನ್ನು ಈ ರೇಸ್‌ನಿಂದ ಹೊರಗಿಟ್ಟರು. ಮೊದಲು ಹೋದ ಮೈಕಲ್ ಮತ್ತು ವಿನಯ್ ಅವರಲ್ಲಿ ಮನೆಯ ಸದಸ್ಯರು ವಿನಯ್ ಅವರನ್ನು ಕ್ಯಾಪ್ಟನ್ ರೇಸ್‌ಗೆ ಆರಿಸಿದರು. ಆದಾದ ಬಳಿಕ ಕಾರ್ತಿಕ್ ಅವರನ್ನು ಹಲವರು ಆಯ್ಕೆ ಮಾಡಿದರು. ಸಂಗೀತಾ ಮಾತ್ರ ನಮ್ರತಾಗೆ ವೋಟ್ ಮಾಡಿದರು. ಕೊನೆಯಲ್ಲಿ ವಿನಯ್, ತುಕಾಲಿ ಅಂತು, ಕಾರ್ತಿಕ್ ಹಾಗೂ ಸಂಗೀತಾ ಕ್ಯಾಪ್ಟನ್ಸಿ ರೇಸ್‌ನಲ್ಲಿ ಉಳಿದರು. 

ಬಳಿಕ ಸಂಗೀತಾಗೆ ಬಿಗ್‌ಬಾಸ್ ಒಂದು ಅವಕಾಶ ಕೊಟ್ಟರು. ಅದರಂತೆ ಸಂಗೀತಾ ತಮಗೆ ಬೇಡವಾದ ಇಬ್ಬರನ್ನು ಕ್ಯಾಪ್ಟನ್ಸಿ ರೇಸ್‌ನಿಂದ ಹೊರಗಿಡಬಹುದಿತ್ತು. ಆಗ ಸಂಗೀತಾ ಅವರು ಪ್ರಬಲ ಸ್ಪರ್ಧಿಗಳಾಗಿದ್ದ ವಿನಯ್ ಹಾಗೂ ಕಾರ್ತಿಕ್ ಅವರನ್ನು ಹೊರಗಿಟ್ಟರು. ಅಂತಿಮವಾಗಿ ಸಂಗೀತಾ ಮತ್ತು ತುಕಾಲಿ ಸಂತು ರೇಸ್‌ನಲ್ಲಿ ಉಳಿದರು. ನಂತರ ಇವರಿಬ್ಬರ ನಡುವೆ ಟಾಸ್ಕ್ ನಡೆದು ಅಂತಿಮವಾಗಿ ಸಂಗೀತಾ ಶೃಂಗೇರಿ ಕ್ಯಾಪ್ಟನ್ ಆಗಿ ಆಯ್ಕೆಯಾದರು.

ಮೈಕಲ್ ಬಿಗ್‌ಬಾಸ್‌ ಮನೆಗೆ ಕಾಲಿಟ್ಟಾಗಿನಿಂದಲೂ ಕಳಪೆ ಪಡೆದಿರಲಿಲ್ಲ. ಆದರೆ, ಇದೇ ಮೊದಲ ಬಾರಿಗೆ ಅವರು ಕಳಪೆ ಹಣೆಪಟ್ಟಿ ಪಡೆದಿದ್ದಾರೆ. ಮೈಕಲ್ ಬಿಗ್‌ಬಾಸ್ ಮನೆಯಲ್ಲಿ ಅಲಸ್ಯ ತೋರುತ್ತಿದ್ದಾರೆ. ಅಷ್ಟೇ ಅಲ್ಲ, ಕ್ಯಾಪ್ಟನ್‌ಗೆ  ಗೌರವ ಕೊಡುತ್ತಿಲ್ಲ ಈ ಕಾರಣಕ್ಕೆ ಮನೆಯ ಸದಸ್ಯರು ಕಳಪೆ ನೀಡಿದ್ದಾರೆ. ಹೀಗಾಗಿ ಅವರು ಜೈಲು ಸೇರಿದ್ದಾರೆ. ಇತ್ತ ಮನೆಯ ಸದಸ್ಯರೆಲ್ಲರೂ ಕಾರ್ತಿಕ್‌ಗೆ ಉತ್ತಮ ನೀಡಿದ್ದಾರೆ. 

ಬಿಗ್‌ಬಾಸ್‌ ಆರಂಭದಲ್ಲಿ ಕಾರ್ತಿಕ್ ಹಾಗೂ ಸಂಗೀತಾ ಇಬ್ಬರು ಸಿಕ್ಕಾಪಟ್ಟೆ ಆತ್ಮೀಯರಾಗಿದ್ದರು. ಬಳಿಕ ಹಲವು ಮನಸ್ತಾಪಗಳಿಂದ ಇಬ್ಬರು ದೂರವಾದರು. ಇತ್ತೀಚೆಗೆ ಕಾರ್ತಿಕ್‌ ಅವರು ನಮ್ರತಾ ಜೊತೆ ಫ್ಲರ್ಟ್ ಮಾಡುತ್ತಿರುತ್ತಾರೆ. ಡೇಟಿಂಗ್ ಹೋಗೋಣ ಅಂತಲೂ ಹೇಳುತ್ತಿರುತ್ತಾರೆ. ಗುರುವಾರದ ಸಂಚಿಕೆಯಲ್ಲಿ ಕಾರ್ತಿಕ್ ಒಂದೇ ಸಮ ನೋಡುತ್ತಿದ್ದ ರೀತಿ ನಮ್ರತಾಗೆ ಕೊಂಚ ಅಂಜಿಕೆ ಮೂಡಿಸಿದೆ ಎನಿಸುತ್ತದೆ. ಅದೇ ಕಾರಣಕ್ಕೆ ನಗುತ್ತಲೆ ಕಾರ್ತಿಕ್, ನೀವೂ ಇಲ್ಲಿಂದ ಎದ್ದು ಹೋಗಿ. ನನ್ನ ಜೊತೆಗೆ ಫ್ಲರ್ಟ್ ಮಾಡಬೇಡಿ ಎಂದಿದ್ದಾರೆ. ಅದೇ ಸಮಯಕ್ಕೆ ತನಿಷಾ ಕೂಡ ಅಲ್ಲಿಗೆ ಬಂದಿದ್ದು, ಒಂದಷ್ಟು ರೇಗಿಸಿದ್ದಾರೆ. ಕೊನೆಗೆ ನಮ್ರತಾ ನೀನು ಫ್ಲರ್ಟ್ ಮಾಡಿದರೆ ಹುಡುಗಿ ನಿನ್ನ ಹಿಂದೆ ಬಿದ್ದು ಬಿಡಬೇಕಾ? ಅಂತ ಕೇಳಿದ್ದಾರೆ.  ನಂತರ ಆಯ್ತು... ನನಗೆ ನೀನು ಇಷ್ಟ. ಐ ಲೈಕ್ ಯು ಎಂದರು. ಈ ವೇಳೆ ಕಾರ್ತಿಕ್‌ಗೆ ಅದನ್ನ ತಮಾಷೆಯಾಗಿ ಸ್ವೀಕರಿಸಬೇಕೋ..? ಸೀರಿಯಸ್ ಆಗಿ ಹೇಳುತ್ತಾ ಇದ್ದಾರೋ ಎಂಬುದು ತಿಳಿಯಲಿಲ್ಲ. ಹೀಗಾಗಿ ಸುಮ್ಮನಾಗಿಬಿಟ್ಟಿದ್ದಾರೆ.

ಬಿಗ್‌ಬಾಸ್‌ ಮನೆಯಲ್ಲಿ ಸ್ನೇಹಿತ್ ಹಾಗೂ ನಮ್ರತಾ ನಡುವೆ ಒಳ್ಳೆಯ ಗೆಳೆತನ ಬೆಳೆದಿತ್ತು. ಸ್ನೇಹಿತ್ ಹಲವು ಬಾರಿ ನಮ್ರತಾ ಅಂದರೆ ಇಷ್ಟ ಅಂತ ಬಹಿರಂಗವಾಗಿಯೂ ಹೇಳಿಕೊಂಡಿದ್ದರು. ಕೆಲ ವಾರಗಳ ಹಿಂದೆ ಸ್ನೇಹಿತ್ ಎಲಿಮಿನೇಟ್ ಆದಾಗ ನಮ್ರತಾ ಕಣ್ಣೀರು ಹಾಕಿದ್ದರು. ಇದೀಗ ನಮ್ರತಾ ದೊಡ್ಮನೆಯಲ್ಲಿ ಕಾರ್ತಿಕ್ ಜೊತೆ ಕ್ಲೋಸ್ ಆಗಿದ್ದಾರೆ. ಈ ನಡುವೆ ಸೋಶಿಯಲ್ ಮೀಡಿಯಾದಲ್ಲಿಚಚೆಘಯೊಂದು ನಡೆಯುತ್ತಿದೆ. ಇಷ್ಟುದಿನ ಇನ್‌ಸ್ಟಾಗ್ರಾಮ್‌ನಲ್ಲಿ ನಮ್ರತಾ ಅವರನ್ನು ಫಾಲೋ ಮಾಡುತ್ತಿದ್ದ ಸ್ನೇಹಿತ್, ಇದೀಗ ಅವರನ್ನು ಅನ್‌ಫಾಲೋ ಮಾಡಿದ್ದಾರೆ ಎನ್ನಲಾಗುತ್ತಿದೆ.