ಹೀರೋ ಆಗುವ ಮುನ್ನ ರಿಯಲ್ ಸ್ಟಾರ್ ಉಪೇಂದ್ರ ನಟಿಸಿದ್ದ ಸಣ್ಣ-ಪುಟ್ಟ ಪಾತ್ರಗಳಿವು!

1989ರಲ್ಲಿ ಬಿಡುಗಡೆಯಾದ ಕಾಶಿನಾಥ್ ನಿರ್ದೇಶಿಸಿ, ಅಭಿನಯಿಸಿದ್ದ 'ಅನಂತನ ಅವಾಂತರ' ಎಂಬ ಸಿನಿಮಾದದಲ್ಲಿ ರಿಯಲ್ ಸ್ಟಾರ್ ಉಪೇಂದ್ರ ಅವರು 'ಕಾಮದೇವ' ಎಂಬ ಪಾತ್ರದಲ್ಲಿ ಕಾಮನ್ ಕಾಮನ್ ಕಾಮಣ್ಣ ಹಾಡಿನಲ್ಲಿ ಮೊದಲ ಬಾರಿಗೆ ಬೆಳ್ಳಿತೆರೆ ಮೇಲೆ ಕಾಣಿಸಿಕೊಂಡಿದ್ದರು. ಈ ಹಾಡನ್ನು ಸ್ವತಃ ಉಪೇಂದ್ರ ಅವರೇ ಬರೆದಿದ್ದರು.

1993ರಲ್ಲಿ ತೆರೆಕಂಡ  ಉಪ್ಪಿ ನಿರ್ದೇಶನದ ಹಾರರ್ ಥ್ರಿಲ್ಲರ್ ಸಿನಿಮಾ ಶ್‌.  ಕುಮಾರ್ ಗೋವಿಂದ್ ಮೊದಲ ಬಾರಿಗೆ ನಾಯಕನಾಗಿ ನಟಿಸಿದ್ದ ಈ ಚಿತ್ರದಲ್ಲಿ ಕಾಶಿನಾಥ್ ಸಿನಿಮಾ ನಿರ್ದೇಶಕನ ಪಾತ್ರ ಮಾಡಿದ್ದರು.ಈ ಚಿತ್ರದಲ್ಲಿ ಉಪೇಂದ್ರ ಅವರು ಕಾಶಿನಾಥ್ ಅವರ ಬಳಿ ಅವಕಾಶ ಕೇಳಲು ಫೇಕ್ ಪೊಲೀಸ್ ಆಫೀಸರ್ ಆಗಿ ಬಂದು ಶೂಟಿಂಗ್ ಸೆಟ್‌ನಲ್ಲಿ ವಿಚಾರಣೆ ಮಾಡುವ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಈ ದೃಶ್ಯ ಫೇಮಸ್ ಆಗಿದೆ.

ಉಪೇಂದ್ರ ಅವರ ನಿರ್ದೇಶನದಲ್ಲಿ ಮತ್ತೊಂದು ಸಿನಿಮಾ ಆಪರೇಷನ್ ಅಂತ. ರೆಬಲ್ ಸ್ಟಾರ್ ಅಂಬರೀಶ್ ದ್ವಿಪಾತ್ರದಲ್ಲಿ ಅಭಿನಯಿಸಿದ್ದ ಈ ಚಿತ್ರದಲ್ಲಿನ ಕನ್ವರ್ ಲಾಲ್ ಪಾತ್ರವನ್ನು ಕನ್ನಡಿಗರು ಮರೆಯಲು ಸಾಧ್ಯವೇ ಇಲ್ಲ. 'ಅಂತ' ಅಂಬರೀಶ್ ವೃತ್ತಿ ಬದುಕಿಗೆ ದೊಡ್ಡ ತಿರುವು ನೀಡಿದ್ದ ಈ ಸಿನಿಮಾದ ಮೊದಲ ಸೀನ್‌ನಲ್ಲಿ ಉಪ್ಪಿ ಕಾಣಿಸಿಕೊಂಡಿದ್ದರು.

ಅಂಜನಾ ಹಾಗೂ ಕಾಶಿನಾಥ್ ಅವರ ಕಾಂಬಿನೇಷನ್‌ನಲ್ಲಿ ಮೂಡಿಬಂದ ಅಜಗಜಾಂತರ ಸಿನಿಮಾಗೆ ಉಪೇಂದ್ರ ಸಹಾಯಕ ನಿರ್ದೇಶಕರಾಗಿ  ಹಾಗೂ ಡೈಲಾಗ್ ರೈಟರ್ ಕೆಲಸ ಮಾಡಿದ್ದರು. ಉಪ್ಪಿ ಈ ಚಿತ್ರದಲ್ಲಿ ನಾಯಕಿಯನ್ನು ನೋಡಲು ಬರುವ ವರನ ಪಾತ್ರವೊಂದಕ್ಕೆ ಬಣ್ಣಹಚ್ಚಿದ್ದರು.

ಓಂ ಸಿನಿಮಾದ ಓಂಕಾರಂ ಅನ್ನು ತೆಲುಗಿನಲ್ಲಿ ಉಪೇಂದ್ರ ಅವರೇ ನಿರ್ದೇಶನ ಮಾಡಿದ್ದರು. ಓಂ ಚಿತ್ರದ ಕಥೆಯನ್ನು ತೆಲುಗು ನೆಟಿವಿಟಿಗೆ ತಕ್ಕಂತೆ ಬದಲಾವಣೆ ಮಾಡಿದ್ದ ಈ ಚಿತ್ರದಲ್ಲೂ ಪ್ರೇಮಾ ಅವರೇ ನಾಯಕಿ. ಓಂಕಾರಂ ಸಿನಿಮಾದ ಆರಂಭದಲ್ಲಿ ಕಥೆ ನಿರೂಪಣೆ ಮಾಡುವ ಪಾತ್ರದಲ್ಲಿ ಉಪೇಂದ್ರ ಅವರು ಕಾಣಿಸಿಕೊಂಡಿದ್ದರು.

ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶನದ ಹಾಗೂ ಶಿವರಾಜ್‌ಕುಮಾರ್ ಅಭಿನಯದ ಓಂ ಸಿನಿಮಾ ಯಾರಿಗೆ ಗೊತ್ತಿಲ್ಲ ಹೇಳಿ. ಭೂಗತ ಲೋಕದ ಕಥೆಯನ್ನಾಧರಿಸಿದ್ದ ಈ ಸಿನಿಮಾದಲ್ಲಿ ಉಪೇಂದ್ರ ಅಭಿನಯಿಸಿಲ್ಲ. ಬದಲಾಗಿ ಚಿತ್ರದಲ್ಲಿ ಕೋಟೆ ಪ್ರಭಾಕರ್ ಅವರು ಮಾಡಿರುವ ಧೀನ ಎಂಬ ಪಾತ್ರಕ್ಕೆ ವಾಯ್ಸ್ ನೀಡಿದ್ದಾರೆ.