Bhargavi LLB: ಕಲರ್ಸ್‌ನಲ್ಲಿ ಪ್ರಸಾರವಾಗಲಿರುವ ಭಾರ್ಗವಿ LLB ಸೀರಿಯಲ್‌ನ ಕಥೆ & ಕಲಾವಿದರ ಲಿಸ್ಟ್!

ಹೌದು ಕಲರ್ಸ್‌ನಲ್ಲಿ ಭಾರ್ಗವಿ ಎಲ್‌ಎಲ್‌ಬಿ ಎಂಬ ಹೊಸ ಧಾರಾವಾಹಿ ಪ್ರಸಾರವಾಗಲು ಸಜ್ಜಾಗಿದೆ. ಈಗಾಗಲೇ ಇದರ ಪ್ರೋಮೋ ಬಿಡುಗಡೆಯಾಗಿದ್ದು, ರಿಮೇಕ್ ಅಂತ ಹೇಳಲಾಗುತ್ತದೆ. ಈ ಧಾರಾವಾಹಿ ಮೂಲತಃ ಮರಾಠಿಯಲ್ಲಿ ಪ್ರಸಾರವಾಗಿದ್ದು, ತೆಲುಗಿನಲ್ಲಿ ಗೀತಾ LLB ಅಂತ ಪ್ರಸಾರವಾಗುತ್ತಿದೆ. ಈಗ ಕನ್ನಡಕ್ಕೆ ರಿಮೇಕ್ ಮಾಡಲಾಗಿದೆ ಎನ್ನಲಾಗಿದೆ.

ಜೀ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಅಮೃತಧಾರೆ ಧಾರಾವಾಹಿಯಲ್ಲಿ ಮಲ್ಲಿ ಪಾತ್ರದ ಮೂಲಕ ಗಮನ ಸೆಳೆದಿದ್ದ ರಾಧಾ ಭಗವತಿ, ಭಾರ್ಗವಿ LLB ಧಾರಾವಾಹಿಯ ನಾಯಕಿ. ಅಮೃತಧಾರೆಯಲ್ಲಿ ಮುಗ್ಧ ಹಳ್ಳಿಹುಡುಗಿಯಾಗಿ ಕಾಣಿಸಿಕೊಂಡಿದ್ದ ರಾಧಾ, ಹೊಸ ಸೀರಿಯಲ್‌ನಲ್ಲಿ ಲಾಯರ್ ಆಗಿ ಕಾಣಿಸಿಕೊಂಡಿದ್ದಾರೆ. ರಾಧಾ ಅವರು ಈ ಹಿಂದೆ ರಾಮಾಚಾರಿ ಧಾರಾವಾಹಿಯಲ್ಲಿ ನಾಯಕನ ತಂಗಿ ಶೃತಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಭಾರ್ಗವಿ LLB ಧಾರಾವಾಹಿಯಲ್ಲಿ ನಾಯಕಿ ತಂದೆ ಲಾಯರ್ ಆಗಿದ್ದ ಸಂದರ್ಭದಲ್ಲಿ ಅವಮಾನವಾಗಿರುತ್ತದೆ. ಭಾರ್ಗವಿ ತನ್ನ ತಂದೆಗೆ ನ್ಯಾಯ ಕೊಡಿಸಬೇಕೆಂಬ ದೃಷ್ಟಿಯಿಂದ ಅವರ ಆಸೆಯಂತೆ ಎಲ್‌ಎಲ್‌ಬಿ ಓದಿ ಲಾಯರ್ ಆಗಿದ್ದಾಳೆ. ಮೊದಲ ದಿನ ಕೋರ್ಟ್‌ನಲ್ಲಿ ವಾದ ಮಂಡಿಸಿರುವ ಭಾರ್ಗವಿ, ಅನ್ಯಾಯವಾಗಿರುವ ತನ್ನ ಅಪ್ಪನಿಗೆ ನ್ಯಾಯ ಕೊಡಿಸುವವರೆಗೂ ಬಿಡಲ್ಲ ಎಂಬ ಪಣ ತೊಟ್ಟಿದ್ದಾಳೆ. ಈಗಾಗಲೇ ಪ್ರಸಾರವಾಗುತ್ತಿರುವ ವಧು ಸೀರಿಯಲ್‌ನಲ್ಲೂ ನಾಯಕಿ ಲಾಯರ್, ಇದರಲ್ಲೂ ನಾಯಕಿ ಲಾಯರ್.  

ಭಾರ್ಗವಿ LLB ಧಾರಾವಾಹಿಯ ನಾಯಕ ಯಾರೆಂಬುದು ಇನ್ನು ರಿವೀಲ್ ಆಗಿಲ್ಲ. ಆದರೆ, ನಾಯಕಿಯ ತಾಯಿಯಾಗಿ ಹಿರಿಯ ನಟಿ ಅರುಣ ಬಾಲರಾಜ್ ಹಾಗೂ ತಂದೆಯಾಗಿ ಹನುಮಂತೇ ಗೌಡ ಕಾಣಿಸಿಕೊಂಡಿದ್ದಾರೆ. ಲಕ್ಷಣ ಸೀರಿಯಲ್‌ನಲ್ಲಿ ಚಂದ್ರಶೇಖರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ನಟ ಕೀರ್ತಿ ಭಾನು ಇದರಲ್ಲಿ ಹಿರಿಯ ವಕೀಲರಾಗಿ ಕಾಣಸಿಕೊಂಡಿದ್ದಾರೆ.