Puneeth Rajkumar Birthday Special: ಬೇರೆ ಭಾಷೆಗಳಿಗೆ ರಿಮೇಕ್ ಆದ ಪುನೀತ್ ರಾಜ್‌ಕುಮಾರ್ ಸಿನಿಮಾಗಳ ಪಟ್ಟಿ

ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ನಾಯಕನಾಗಿ ಎಂಟ್ರಿ ಕೊಟ್ಟ ಮೊದಲ ಸಿನಿಮಾ 'ಅಪ್ಪು'. ಈ ಸಿನಿಮಾಕ್ಕೆ ಪುರಿ ಜಗನ್ನಾಥ್ ಆಕ್ಷನ್ ಕಟ್ ಹೇಳಿದ್ದರು. ಲವ್‌ಸ್ಟೋರಿ, ಆಕ್ಷನ್, ಕಾಮಿಡಿ ಎಲ್ಲಾ ಎಲಿಮೆಂಟ್ಸ್‌ ಈ ಸಿನಿಮಾದಲ್ಲಿ ಇತ್ತು.  ಹೀಗಾಗಿ ಪ್ರೇಕ್ಷಕರು ಮುಗಿಬಿದ್ದು ಸಿನಿಮಾ ನೋಡಿದ್ದರು. ಈ ಸಿನಿಮಾ 2002, ಏಪ್ರಿಲ್ 26 ರಂದು ಗ್ರ್ಯಾಂಡ್ ಆಗಿ ರಿಲೀಸ್ ಆಗಿತ್ತು. ಅಪ್ಪು ನಾಯಕನಾದ ಮೊದಲ ಸಿನಿಮಾ ಥಿಯೇಟರ್‌ಗಳಲ್ಲಿ 100 ದಿನ ಅಲ್ಲ, 200 ದಿನ ಓಡಿತ್ತು.  ಈ ಸಿನಿಮಾದಿಂದ ರಕ್ಷಿತಾಗೆ ನಾಯಕಿಯಾಗಿ ದೊಡ್ಡ ಬ್ರೇಕ್ ನೀಡಿತ್ತು. ಕನ್ನಡದಲ್ಲಿ ಹಿಟ್ ಆದ ಬಳಿಕ ಪುರಿ ಜಗನ್ನಾಥ್ ಅವರೇ ತೆಲುಗಿನಲ್ಲಿ 'ಈಡಿಯೆಟ್' ಎಂದು ರಿಮೇಕ್ ಮಾಡಿದರು. ಈ ಚಿತ್ರದಲ್ಲಿ ಹೀರೋ ಆಗಿ ರವಿತೇಜ ನಟಿಸಿದ್ದರು. ತಮಿಳಿನಲ್ಲಿ 'ಧಮ್' ಆಗಿ ರಿಮೇಕ್ ಆಗಿದ್ದು, ಸಿಂಬು ನಾಯಕನಾಗಿ ನಟಿಸಿದ್ದರು.  ಬಳಿಕ ಅಪ್ಪು ಸಿನಿಮಾ ಬೆಂಗಾಲಿ ಭಾಷೆಗೆ 'ಹೀರೋ' ಆಗಿ, ಬಾಂಗ್ಲಾ ಭಾಷೆಗೆ ಪ್ರಿಯ ಅಮರ್ ಪ್ರಿಯ' ಆಗಿ ರಿಮೇಕ್ ಆಯಿತು. ಅನುರಾಗ ಅರಳಿತು ನಂತರ ವಿದೇಶಿ ಭಾಷೆಗೆ ರಿಮೇಕ್ ಆದ ಎರಡನೇ ಸಿನಿಮಾ ಅಪ್ಪು. 

ದಿನೇಶ್ ಬಾಬು ನಿರ್ದೇಶನದಲ್ಲಿ ಮೂಡಿಬಂದಿರುವ ಅಭಿ ಚಿತ್ರದಲ್ಲಿ ಪುನೀತ್ ರಾಜ್‌ಕುಮಾರ್ ಮತ್ತು ರಮ್ಯಾ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದರು. ಈ ಸಿನಿಮಾ ತೆಲುಗಿಗೆ ಅಭಿಮಾನವು ಆಗಿ ರಿಮೇಕ್ ಆಗಿತ್ತು. ಈ ಚಿತ್ರದಲ್ಲಿ ಕಲ್ಯಾಣ್ ರಾಮ್ ನಾಯಕನಾಗಿ ಅಭಿನಯಿಸಿದ್ದರು. ಈ ಸಿನಿಮಾವನ್ನು ನೈಜ ಘಟನೆಯಿಂದ ಸ್ಪೂರ್ತಿ ಪಡೆದು ಮಾಡಲಾಗಿತ್ತು.  ಇದು ನಟಿ ರಮ್ಯಾ ಅವರ ಮೊದಲ ಸಿನಿಮಾವಾಗಿದ್ದು, ಸೂಪರ್ ಹಿಟ್ ಆಗಿತ್ತು. 

ಪ್ರಕಾಶ್ ನಿರ್ದೇಶನದ ಮಿಲನ ಚಿತ್ರದಲ್ಲಿ ಪುನೀತ್ ರಾಜ್‌ಕುಮಾರ್ ನಾಯಕನಾಗಿ ಮತ್ತು ಪಾರ್ವತಿ ಮೆನನ್, ಪೂಜಾ ಗಾಂಧಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು. ಚಿತ್ರಮಂದಿರಗಳಲ್ಲಿ 17 ವಾರಗಳ ಕಾಲ ಓಡಿದ್ದ ಈ ಸಿನಿಮಾ ಬ್ಲಾಕ್ ಬಸ್ಟರ್ ಆಗಿತ್ತು. ಈ ಸಿನಿಮಾ ಒಡಿಯಾದಲ್ಲಿ ಸಮ್‌ಥಿಂಗ್ ಸಮ್‌ಥಿಂಗ್ ೨ ಮತ್ತು ಬೆಂಗಾಲಿಯಲ್ಲಿ ಕಿ ಕೋರೆ ಬೊಲ್ಬೋ ಎಂದು ರಿಮೇಕ್ ಆಯಿತು. ಅನುರಾಗ ಅರಳಿತು, ಅಪ್ಪು ಮತ್ತು ಮುಂಗಾರು ಮಳೆ ನಂತರ ದಕ್ಷಿತ ಭಾರತದ ಭಾಷೆಗಳಲ್ಲದೆ ಬೇರೆ ಭಾಷೆಗಳಿಗೆ ರಿಮೇಕ್ ಆದ ನಾಲ್ಕನೇ ಸಿನಿಮಾ ಇದಾಗಿತ್ತು. 

ಡಿ.ರಾಜೇಂದ್ರ ಬಾಬು ನಿರ್ದೇಶನದ ಬಿಂದಾಸ್ ಸಿನಿಮಾದಲ್ಲಿ ಪುನೀತ್ ರಾಜ್‌ಕುಮಾರ್ ಹಾಗೂ ಹನ್ಸಿಕಾ ಮೊತ್ವಾಣಿ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ತೆಲುಗಿನಲ್ಲಿ ಪಾಂಡುಗಾಡು, ಹಿಂದಿಯಲ್ಲಿ ಬಿ ಹ್ಯಾಪಿ ಬಿಂದಾಸ್ ಮತ್ತು ಭೋಜ್ ಪುರಿಯಲ್ಲಿ ಬಾಜಿ ಎಂದು ಡಬ್ ಮಾಡಲಾಯಿತು. ಇದನ್ನು ಮಲಯಾಳಂಗೂ ಡಬ್ ಮಾಡಲಾಗಿದೆ ಎನ್ನಲಾಗಿದೆ. ಭೋಜ್ ಪುರಿಗೆ ರಿಮೇಕ್ ಆದ ಮೊದಲ ಕನ್ನಡ ಸಿನಿಮಾ ಬಿಂದಾಸ್. 

ಪ್ರಕಾಶ್ ನಿರ್ದೇಶನದ ವಂಶಿ ಚಿತ್ರದಲ್ಲಿ  ಪುನೀತ್ ರಾಜ್‌ಕುಮಾರ್ ನಾಯಕನಾಗಿ ಮತ್ತು ನಿಕಿತಾ ತುಕ್ರಾಲ್ ನಾಯಕಿಯಾಗಿ ಅಭಿನಯಿಸಿದ್ದರು. ಹಿರಿಯ ನಟಿ ಲಕ್ಷ್ಮಿ ಕೂಡ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ಈ ಸಿನಿಮಾವನ್ನ ಮಲಯಾಳಂಗೆ ಡಬ್ ಮಾಡಲಾಗಿದ್ದು, ಈ ಸಿನಿಮಾ ಎಷ್ಟೋ ಯುವಕರಿಗೆ ಪೊಲೀಸ್ ಆಗಿ ಸಮಾಜ ಸೇವೆ ಸಲ್ಲಿಸಲು ಸ್ಫೂರ್ತಿಯಾಯಿತು. 

ಪೃಥ್ವಿ ಸಿನಿಮಾದಲ್ಲಿ ಪುನೀತ್ ರಾಜ್‌ಕುಮಾರ್ ಐಎಎಸ್ ಅಧಿಕಾರಿಯಾಗಿ ನಟಿಸಿದ್ದರು. ಪಾರ್ವತಿ ಮೆನನ್ ನಾಯಕಿಯಾಗಿ ಅಭಿನಯಿಸಿದ್ದರು. ಇದೇ ಹೆಸರಿನಲ್ಲಿ ಮಲಯಾಳಂನಲ್ಲಿ ಬಿಡುಗಡೆ ಮಾಡಲಾಗಿತ್ತು. ಪೃಥ್ವಿ ಸಿನಿಮಾ ಹಲವಾರು ಯುವಕರಿಗೆ ಯುಪಿಎಸ್ ಸಿ ಪರೀಕ್ಷೆ ಪರೆಯಲು ಸ್ಪೂರ್ತಿಯಾಗಿತ್ತು.  

ಜಾಕಿ ಸಿನಿಮಾವನ್ನು ಸೂರಿ ನಿರ್ದೇಶನ ಮಾಡಿದ್ದರು. ಚಿತ್ರದಲ್ಲಿ ಪುನೀತ್ ನಾಯನಾಗಿ ಮತ್ತು ಭಾವನಾ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು. ಶೋಭಾ ರಾಜ್, ರವಿ ಕಾಳೆ, ರಂಗಾಯಣ ರಘು, ಹೊನವಳ್ಳಿ ಕೃಷ್ಣ, ಸತ್ಯಜಿತ್ ರಾಜು, ತಾಳಿ ಕೋಟೆ, ಉಮೇಶ್, ಹರ್ಷಿಕ ಪೂನಚ್ಹ, ಬಿರಾದಾರ, ಮೊದಲಾದವರ ತಾರ ಬಳಗವೇ ಚಿತ್ರದಲ್ಲಿದ್ದು, ಈ ಸಿನಿಮಾ 15 ವಾರಗಳ ಕಾಲ ಓಡಿತ್ತು. ಈ ಸಿನಿಮಾ ತೆಲುಗಿಗೆ ಡಬ್ ಆಗಿತ್ತು. 

ಮೈತ್ರಿ ಚಿತ್ರದಲ್ಲಿ ಪುನೀತ್ ರಾಜ್‌ಕುಮಾರ್ ಅಪ್ಪು ಆಗಿಯೇ ಕಾಣಿಸಿಕೊಂಡಿದ್ದರು. ಈ ಚಿತ್ರದಲ್ಲಿ ಮಲಯಾಳಂ ಸೂಪರ್ ಸ್ಟಾರ್ ಮೋಹನ್ ಲಾಲ್, ಭಾವನಾ, ಅರ್ಚನಾ ಮುಂತಾದವರು ನಟಿಸಿದ್ದರು. ಪುನೀತ್ ಮೈತ್ರಿ ಚಿತ್ರದಲ್ಲಿ ಕರುನಾಡ ಕೋಟ್ಯಾಧಿಪತಿ' ಕಾರ್ಯಕ್ರಮದ ನಿರೂಪಕರಾಗಿ, ನಟರಾಗಿ ಸಹಜಾಭಿನಯ ಮಾಡಿದ್ದರು. ಈ ಸಿನಿಮಾ ಮಲಯಾಳಂನಲ್ಲಿ ಮೈತ್ರಿ ಮೈ ಹೀರೋ ಆಗಿ ರಿಲೀಸ್ ಆಗಿತ್ತು. 

ಚಕ್ರವರ್ತಿ ಸಿನಿಮಾದಲ್ಲಿ ಪುನೀತ್ ರಾಜ್‌ಕುಮಾರ್ ಹಾಗೂ ರಚಿತಾ ರಾಮ್ ಮುಖ್ಯಪಾತ್ರದಲ್ಲಿ ಅಭಿನಯಿಸಿದ್ದರು. ಈ ಸಿನಿಮಾ ಇದೇ ಹೆಸರಿನಲ್ಲಿ ಹಿಂದಿಗೆ ಡಬ್ ಆಗಿತ್ತು. ತೆಲುಗಿನಲ್ಲಿ ಸಿವಿಲ್ ಇಂಜಿನಿಯರ್ ಆಗಿ ಮೂಡಿಬಂದಿತ್ತು. ಒಡಿಯಾದಲ್ಲಿ ಅಭಾವ ಆಗಿ ಬಿಡುಗಡೆಯಾಗಿತ್ತು.